(450)
.
.
.
راحتيني دمع روح
ولا يروح
إلا الفرح
والدمع باقي والأسى
واللي رحل
نبض السنين ..!
أبكي زماني والظروف
ولا حسوف
ولا وطن
وحدي الملم ماصفى لي
من محن
وحدي أرتل مالقيت
من الجروح
من الألم
دام القلم يحيا
فلا غيره جنون يعيدني
طفل اهتوى
يوم اكتوى
والجرح في صمته عوى
واختار موته حي
واختار الأنين ..!
مابكيت إلا هنا
دمعي هنا
وآآآنا هنا
وكلي على بعضي عنا
وكل المسارات
ابتدت حتى هنا
وكل الدموع الراحلة
كانت هنا
واللي يخاوي دمعتي
وحدي أنا
وحدي أنا
وحدي أنا ..
فوضاي أكبر من دموع
وفوضاك أكبر من خطا
واللي عطا
ماله نصيب انه يكون
إلا على رف المسا
وحده حزين ..!
ياويل من غربته تطعن أوله
والأصعب انه يفتقد عمره
ويلقى الذاكرة
تبكي
وهو مطعون حتى آخره ..
والحزن درب
يعيد ترتيبه
يعيش يأوله ..!
ياويل من دمعه يسيل
بلا مسيل
وياويل من جرحه وفا
قصدي غفا
مامات مثل الآخرين ..
ياويل من يرقا سنينه
في حنينه
يبتدي غصنه يميل
يجف
يتمادى يباس
ولا اساس من الهوى
إلا غواية عمر
في ليلٍ ضوا
كله حنين ..
ياويل من حزنه كبير
ولا قدر يبكي
ولا يقدر يموت
وهو يموت
وينتهي مثل الحكايا
والهدايا
والأماني
والأغاني
والفرح
يوم انتهت باحسانها
يوم ابتدى الحزن المصير ..!
الله يا أنثى التعب
الله يا أنثى المدى
الله يا أنثى العنى
كم لي أداري بالصباح
وبالرماح
وبالأسى
والقى المسا
طعنة سؤال
وللضيا
مالي مكان
ولا وطن
إلا هنا
وحدي هنا ..!
يا بنت قصدي ياوطن
ياعمر ماغيره أعيش
أنساك ..؟
هذا المستحيل
وكل مايمكن يكون
أني هنا
ابكي ودمعي بي يسيل ..!
لايمكن انسى موطني
أو يمكن أنسى الإنتماء
أو حرف حرف ..
وأنت ماااء
أو صبح اسقاني فرح
ليله ورى ليله
وغطاني وراااح يدور يبحث عن سمااء
ولادريت
ولا عرفت
أن البشر مثل السهر
يبدا قوي
ويموت في لحظة ألم
يبحث عن اوقاته بـ ماااء ..!
ياحزن خلك موطني
خلك معي
دامك رفيق السيل
من أول حياته
لين
ماخلا حياته
وانت في داره
نهاره
وانت باحضانه حصانه
وانت في غربة عيونه
كل لونه
كل ترتيبه
وفوضاه وجنونه ..!
ياحزن خلك وفي
ماعاد لي صاحب وفي
إلا أنت وأمي والدموع
حتى ابسط الأشياء
خانتني
وصمتي خانني
ماباقي الوافي معي
إلا أنت وامي والدموع
أرجوك ياحزن الضلوع
خلك هنا
ردد معي
بعض ادمعي
قل للرصيف المرّ
لالا للرجوع ..!
ياحزن ببكي لك عليك
وأرضى معك
وافتح لك يديك
وانقش مراحل ميته
والون الدنيا
بلونك
وابتدي بك وانتهيك
وارضاك فيني
وارتضيك
يمكن معك القى أنا
يمكن أحس أني أنا
يمكن يموت أنسان
وتعيش الأنا
في حضرتك
دام الحنايا صاخبه
بالصمت
خذ مني وفا ..
وآآآنا مسارك واكتويك ..!
ياحزن يامنبع جنوني
ياطعوني
ياعيون الما
وتاريخ المطر
ماعدت أنا
مثل البشر
فيني نهاية عمر
أو هي مبتداه
مدري
ولكن الحقيقة
هي هنا
أني أنا ماني أنا
مثلي هناك
ومثل ماعانيت
في لحظة ألم
فيها بكيت
ولا أحد
ولا أحد
ولا أحد ..!!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(451)
.
.
.
" لا أحد " يعني تموت بدون نور
" لا أحد " يعني غريب بلا وطن
ربما .. عشنا متاهات الشعور ..
والأكيد إن الصداقة لـ الحزن ..!!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(452)
.
.
.
الحزن وافي مثل دمع العيون
والبشر ياكثر ماباعوا بشر
أرفع ايدينك ولا تكسر غصون
الله اقوى من جروح ومن قهر ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(453)
.
.
.
قهر ويموت باطراف الحكايا صوتي المهدود
قهر ويعيش في ركن السما تغريبي العادي
وحيد إلا من غصون الجدال وطيرها المفرود
.. جناحه في مساءات العنا مارفّ بالوادي
تمرّ الأسئلة زحمة مهاجر ماطراه يعود
تضيع الأجوبه لامن دموعه قالت : بلادي
سؤال ويلتفت بعده سؤال يعيدني مفقود
تعبت آقول يافيروز : ليه يعيش بك شادي
ليه الإنتظار أكبر من افواه السنين السود
ليه الحزن مايوقف وانا ركّبته جيادي
أيا بنت المطر ياللي غرامك صبني مولود
يعيشك كيفما شاءت غيومٍ ليلها حادي
يعيشك ذاكرة ممطر وعشقٍ ماسقته حدود
يعيشك عمر ماملّ انتظار وصوته ينادي
أحبك كثر ماغنت عصافير المدى عالعود
وأحبك كثر مالمّت بعض في عشها الهادي
أحبك كثر ماماتت أماني في حنايا عود
وأحبك كثر ماوده يكون بعصر أجدادي
أحبك كثر ماحلم السجين يعانده بقيود
وأحبك كثر ماسجنه نفاه بحضنه السادي
أحبك كثر مابخّل الغني ماعلمه عالجود
وأحبك كثر ماصبح الفقير يقول ياهادي
دخيلك كل مافيني يثور ولا عليّ شهود
سوى حرب الحنين وذكريات الماء وجهادي
دخيل الحزن من بانت سعاد لوقتنا المشهود
دخيل الحلم واوتار الأمل في ضلعي البادي
تعالي وانثري همس الحياة بدربي المسدود
وبجمّع كل مايمكن يكون بحضن متهادي
تعالي لجل ابلقى فيك روح المغترب ويعود
وأردد : هيه يافيروز رجع لك صاحبك شادي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(454)
.
.
.
شادي الحزن غافي في حنايا الحزين
مايرتل سوى الآهات والذنب روح
كل ماطاف باحساسي شذى الياسمين
صاحت الذاكرة بالما وحزني يبوح
بالنهار أبني الآمال مثل السنين
وبالمسا ينهدم كلي / وكلي ينوح
صرت مثل الغواية واشبه العالمين
أولي ورد / وآخر ماجنيت الجروح
ليت لـ العمر حدّ ولا شهقت الحنين
والبلا لانهايه .. لاأمل .. لاطموح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(454)
.
.
.
طموح وضيا
ماهو نهاار
هو عينك النور الفرح
لامرّت بخاطر ضرير
وقالت : عيوني فديتك وش تبي ..!
هي حاضره
في مكتبي ..
في لعنة جهازي
وفي طفايتي
في كل ماحولي
وفي درجي الغبي ..!
مافارقتني من زمان
ولا على الفرقا
قويت
ولا نويت
ولا اهتديت
ولا سريت
وكل مافي الأمر
تغريبي تذكرني ..
وعاشر مذهبي ..!
يابنت ..!
يابنت المطر
والغيم
وعيون السما
هاتك عما
مادامت عيوني تعيشك
كل لحظه
كل ليل
وكل نور
أرجوووك
ما ابغى الضيا
أبغى عيوني تختفي مني
وروحي في طريقك
وأعتبي ..!
.
.
.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(455)
.
.
.
أعتبي وانسي وكوني وسط في
المهم : أنك بخير .. وفي فرح
ماعليّ ان عشت ميت فيك حي
ولا يهم اللي تعذب وانجرح
يكفي أنك في حياتي كل شي
ويكفي ان الورد ذاب ولا انطرح ..!
.
.
.
(456)
.
.
.
انطرح غيم السنين الماضيات
وسالت عروقي حنين ولا قويت
المطر فوضى ونبض وذكريات
ودمعةٍ غصت بحلقي وارتويت
مابنيت من الحزن إلا أمنيات
ولا هدمت أفراح فيها مادريت
كل ماحولي صخب ماله مبات
وكل مافيني بكى وآآنا بكيت
دمعتي أكبر من آمال الحياة
ونبضي أشهد فيه لابعت وشريت
بس على قول الزمن مافات مات
والبلا لاجيت أبنسى مانسيت ...!!
.
.
.
(457)
.
.
.
مانسيت الحزن ليله مانسيت
ولانسيتك وأنت بعروقي معه
اتفقنا نهدي الأحلام بيت
واختلفنا من يموت بمدمعه ..!
.
.
(458)
.
.
.
مدمعه .. مانثر حزنه تعب واستراح
مدمعه .. سيل وأحلامه عيون الحياه
كل ماراح يوم يقول : لاوين راح
سلسلة عمر تحزن له وتضحك وراه ..!
.
.
.
(459)
.
.
.
وراه فتنة روح تمشي تقاطر
وانا على رجم العنا قلت : ياارب
يقول : وين تغيب خليك شاطر
واقول : شفني في مشاويرك الدرب
معاك سميت المسا : صبح ماطر
أحياك وآموتك وانا عشت للحرب
ليست هناك تعليقات:
إرسال تعليق