(254)
.
.
.
مشواري ومشوارك ..
مساحه لـ الغرق ..
وتعيش روح تزلزل الباقي من اركان الصباح
ويحترق فيني مسارك ..!
سألتك ..
لامتى ..؟؟
وآآنا على باب السنين
أقرا حنين ..
وأقرا ملامح هالمطر لاداعب اغصانك تدلى من جدارك ..!
سألتك ..
صمت
قريتك
كل حكي النااس
لاصار الحكي جرح الدقايق
والشفايف مالها معنى ..
سوى فض الكلااام البكر وغيوم انتظارك ..!
وين دارك ..؟
وين اساسات الغرام الباكي
بأحضان نااارك ..؟
منك ..
من فوضى حصارك ..
مابقى لجناح روحي
غير لون الصبر
وجنون اختيارك ..!
يابعد هالكون ..
ياحمّى الضلوع ..
الغايره بالشووق ..
وش باقي ظلااام
وكل مابالأرض
يتمنى نهااارك ..!
ياحياة اليوم
يابكره
ويا معنى انصهار الما
على خد العطش
لاولّع الوجد الغبي
ناااري وحسيت انشطااارك ..!
وينك ..؟
وينك ..
وانا كلي مساحه لـ الغرق
متوحد بروحك
على قمة أنين
ولا بكيت إلا حصااارك ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(255)
.
.
.
حصارك غربتي في كل ليله
ألا ياكبر همي بعد همك
افكر في سيوف الليل بعدك
واخيل النور يتغنى بدمك
اعاشر وحدتي لجلك ولجلي
ولا مليت من حضنك وضمك
اشوفك في ثنايا الوقت تسري
على كل الدقايق فاح شمك
لأنك باختصار الكون عندي
جميع الناس في شحك وزمك
تمنيتك لحالي وسط حالي
وغنيت بغيابك " كون يمك "
وسال الدمع في ثورة حنيني
وضميتك وله والدمع سمك
أحبك يابعد كلي .. وكلي
.. يساءلني عليك ولا يلمك
أحبك كثر ماجرحي تكبر
واحبك كثر ماحنيت لأمك
دخيلك لاتضايق وانت فيني
بشيل الجرح عنك .. ولايهمك ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(256)
.
.
.
لايهمك ..
ياحبيب النبض ..
مايمكن يصير ..!
كل ماحولك
عبث دنيا
سكنها الليل
واختالت مع سود النوايا
شمعة الحب الكبير ..!
خلهم في غيهم
مهما يطول البعد
أو يحتال بعيونك ..
جفاف الرحمه الغافي
على ذاك الصغير ..!
أنت أكبر
وانت أجمل
وانت ماء النور ..
بستان الحقيقة ..
في زمن تافه
كساه العابثين :
جنون وخيانة ضمير ..!
أنت غير ..!
صدق ماهو بس كلاااام
وتمتمة حرف .. وأسير ..!
أنت غير الناس
غير العالم اللي يحترم صوت الأنا
ويصيح بأعلا الموت
بكره يازمن بيصير خير ..!
أنت غير ..
أنت راحة طير
في غصن التعب
واقف على ظل الشموخ
وكل مايملك كسور جناح
تتمادى ..
..ولايمكن يطير ..!
ياحبيب الجرح
يا أغلا وطن
هاك الأماني
أزرع من اللاحلم حلم
ورفرف بحزنك على غصني
لجل ينبت على شفة جروحي
طيشك العذب العبير ..!
ياحبيبي
لا أشوف الدمع بعيونك
وانا عيونك
أنا جنونك
أنا معنى انصهار النبض بعروقك
وانا بنبضك جدير ..!
خلك أكبر
وأنت أكبر ..
وأنت أجمل
وأنت أكمل
وأنت بركان الحنين
اللي يثور بكل مايملك
ولا يملك سواي
ولا ملكت إلا هواه
وقلبه الغير الكبير ..!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(257)
.
.
.
الكبير الجرح والصبر الصغير
لامتى في ذمة الوقت الغياب
احترم شوقي واقول الما كثير
والجفاف بلا حيا يسكن سراب
من رمال الوجد ماخليت بير
ومن شموخ البال لميت الكتاب
كل رغبة في حياة المستخير
تمتلك رهبة عذاب بلا حساب
كل يومٍ روحي بروحي تثير
من سحاب الحلم تلويع العتاب
استشف الما وانا صدري غزير
لجل هذا عشت بعيون السحاب
اكتبك واقراك يالقلب الكبير
وآتهجا منك تعريف الغياب ..!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(258)
.
.
.
الغياب أثقال روح وحزن مايعرف غياب
الغياب اوطان حسرة في متاهات الدروب
السؤال أكبر إجابة لاسكنت الإغتراب
والحياة أكثر غرابة لـ امتلا طهرك ذنوب
كل مابالكون زحمة خالية من أي باب
دام نور الشمس دعوة للسفر بيد الغروب
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
(259)
.
.
.
الغروب سنين والحال اشتياق
يا أمير النور خذ قلبي معك
أتعبتني خطوتي والليل ضاق
لاصباح ولا ضيا كيف اجمعك
ذكريات الما على روحي تساق
والتوي غربة واجفف مدمعك
كل يوم آعيد ترتيب المذاق
ولا لقيت الا جنونك يرفعك
وأتلذذ بالمطر لحظة وفاق
وآتسامى شوق واذكر مدمعك
ياحبيب الما مزاجك يوم رااق
جيت تسألني من اللي دلعك
ولالقيت من الإجابات انعتاق
يوم صدري بالوفا ماوزعك
انت كلي يوم أنا : ليل احتراق
عشت أضوي لك وألاقيني معك ..!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(260)
.
.
.
معك الهموم الثقيلة والتعب معك انثيال السحاب
معك المطر في سمو الليل يتهادى بعطر الجروح
لاتنشد البال عن باله ولا تنشد جموح العذااب
خل الليالي تقاضيني وانا الضميان والما يفوح
الموت صوت الحنين اللي على حملي يشد الهضاب
واستل من جوفي اشواقي وانا من غيرها دون روح
مليت من زعزعة صبري ومليت السهر والسراب
لا .. لاح بارق خيالك ثار بي صمتي وناح الطموح .........!!!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(261)
.
.
.
الطموح أسراب نور وصبح ماحوله جفاف
والجفاف أغصان غربة وسط ريح ومعمعه
مارقيت إلا الشموخ وما اهتنيت إلا كفاف
وما طلبت إلا رضاك يعيد صوتي واسمعه
ياحياة النور صدري ذنب وعيونك عفاف
لامتى والريح تلعب بـ الحنين وتجمعه ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(262)
.
.
.
تجمعه في عروق وتنثره في رحيل
وكل ماصاح جرح يصيح قلبي معه
الوفا ياحبيبه نبض صوت العليل
لو نغيب العمر همس الوفا نسمعه
الفراق احتواني كل ماسال سيل
والشقا ليل ضاق وغيم ماله سعه
كل الاسباب حزن وماعليها دليل
غير ماء الحياة المرّ نتجرعه
من يوادع حبيبه ذاق موت الرحيل
كيف يحيا وروح الروح بتودعه ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(263)
.
.
.
تودعه ..!
ويودع الدنيا ..
يسافر ..
يحتري صوت الحياه ..
ويبني جروحه بحر
وتعيش بعروقه سفينه ..!
يابحر ياملح ..
يا أغلا الجروح الغافية فيني ..
وفي صمت الشوارع والسهر ..
الله ... يا أغلا مدينه ..!
منك من فوضاك ..
من صوت القدر ..
وارتال همي
هالعيون امست بلا معنى
بلا تاريخ ..
تفرح به .. سنينه ..!
كل مافيني ألم
يسبق أمل ..
وآآعيش متزمل حنين
وغربتي قصه دفينه ..!
ليه ولاَ كيف ..؟؟
مدري ..!
ولكن ماعرفت إلا حنينك
وانطلاق النور بعيوني
من عيونك ..
ومن فيض الهوى ..
لا رفرف بصدري سكينه ..!
يا عيون الصبح ..
يا أعذب مواعيد الفرح ..
يابنت ..
مالك من فضا هالناس ..
مني ..
من عذابات الوله
والليل ..
والشوق الغبي
لا صار يسهرنا تعب
ويعيش بعروقك رهينه ..!
من يعينه خاطر المكسور ..
لاضاق المدى
وتماثل الكون بكفوفه
كلمتين وغربتين
وكسر مايجبر عناه .. إلا حنينه ..!
واحد اثنين ... وثلاثه
أيه
أحبك
أحبك
أحبك
والبقا أنتي وانا ..
لاعشت جرح البحر
و عيونك سفينه ..!
ليست هناك تعليقات:
إرسال تعليق