أوراق ممطرة الجزء الخامس والعشرون

(349)






.
.

.





يصير نعيش بالدنيا / " حبايب " بالحياه أغراب ..!!
يصير نموت والباقي / " حكاية نبض " مكتوبه ..!!!


يصير / ومايصير إلا .. نعاشر شوقنا الغلاب
والأرواح ..! في وجه الرياح .. تعيش مصلوبه


نبذنا الواقع الأغبى .. جرحنا بالسحاب / أسباب
وامطرنا المدى " مااء الغرام " .. وفاض بعذوبه


ألا يافتنة الصبح الشقي .. يافجر عمرٍ ذاب
لك الله ..! كيف أنا بوفيك .. وأنتي للوفا ثوبه


أنتي في عيون الما .. عيونه / وانطلاق اسراب
تردد بالفضا .. وين الذنوب ؟ وروحك التوبه


ألا ياروح من حبك ... ألا يا أنبل الأحباب
يكفي قلبي المجروح .. عشتي فيه محبوبه ..!

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(350)






.
.

.






محبوبة الما .. عطر قلبي وضيه
يسعد مسا روحك / ويسعد صباحك


ضروري ألقي لك فروض التحيه
لو غربلتني .. بـ الليالي رياحك


يكفيني انك روح .. في روح حيه
ويكفيك مني .. غربتي / وارتياحك ..!


،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(351)





.
.

.







ارتياحك ..

بسمة الأرض لمطرها ..

ارتياحك ..

واحة الأيام بعيون الغريب

اللي لقا بعد الشقا ..

شمس الفرح

بسمة حبيب ..!



لاتسأليني عن جروح

ولاتنادين المسافة

في ذرى الأقدام والخطوة نحيب ..!


خلي الحاضر مع الماضي

يسافر في طريق الصمت

يمكن مع شموع الدرب

يأسي يشرب أضواء الحياه

ويبتعد عني يغيب ..!!



رتبي غيم الجنون

فنون

واهديني مساحة للمطر

يمكن ألاقيني

مع فوضاي

أجمعني وأصير أقرب قريب ..!



لاتسمين المدى

صرخة عدى

وانتي أفراح الليالي

وانتي اجمل حلم

يبكيني تعب

وابكيه صبح

يعيدني نابض بلعبة يانصيب ..!



لجلك ولجل انتصارك

برفض اطناب الأنا

لجل العنا يبعد عن أطرافك

ويبدأ بي

يميزني

وأعيش الحب معنى

لـ اجتمعنا

أو تفارقنا

يكفيني ..

أعيش بداخلك ماااء ولهيب ..!


،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،



(352)





.
.

.






لهيب الجرح .. حيَ / ولا غرابه
مدام الجمر : مااء بـ راحتيني


يجود الليل .. بـ احساس الكآبه
واجود .. بـ عزف صدرٍ يحتويني


على لحن التعب / صوتي غدى به
وتر سابع / عيونه ماء عيني


وأضم أصداء صمتي .. للسحابه
وألم أمطار روحي / وأرتويني


لحالي والمسا .. برده نهابه
صلب حلمي على راحة يديني


غريب / آآآصيح والدنيا خرابه
حبيب / تموت من أجله سنيني


أنا غابه ... أعيش بوسط غابه
أسودي ..! ملَت الترويض فيني


عطيت الحزن .. معناه ونصابه
واخذت الحلم / من طيبي وليني


رقيت الصمت / واهديت الغلابه
عذوق الصبر / مفتاحي لطيني


كسبت الذات / واهديت العصابه
سراب العزَ .. والتاريخ ديني


وحيد من الفرح .. والليل بابه
فتح للريح .. باب / ويحتريني


ألمَ الشوك .. واصنع به كتابه
يسميها جنوني .. ياسميني


نخيل عروقي الذبلا .. شرابه
يمر الروح .. يسألني / حنيني


وأعيد لزمرة الجرح / الصلابه
وصبري قد تغرَب .. من ونيني


ألا ياصبر .. يكفيني غرابه
جنون الليل .. فجره ذاب فيني ..!


،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


(353)






.
.

.






فيني دلال الشوق .. ليتك تقهويت
خمرة غرامك روح / تحتال فيني


أرقا السما واتزملك / بس ماجيت
بهرَت كل الغيم .. وأمطر حنيني


أسقيت أرضك بالرضا / يوم مريت
وأثر الرضا .. سكين / تقطع يميني


خذ من دماي العذر / يكفي تساويت
أنت وزماني .. في تفاصيل عيني


ماعاد بيدي شي واعطيك / لـ اقفيت
خذ من عروقي طوق يمكن تجيني


ومهما عن عيون الرجاوي / تواريت
أنت الوحيد اللي قطف / ياسميني


خذ من كلامي .. مايكفيك لـ ابطيت
عذرك غلا / والشوق لك محتويني


اشتقت لك كثرك بصدري / وحنيت
وش حيلتي ؟ والشوق مرمر سنيني


لاتسأل الأشواق / من وين لك جيت ؟
أنا عيوني فيك .. واسألك ويني ..!!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


(354)






.
.

.





" ويني " ؟ سؤال يعيدني فيني / وألاقيني معك
شف عاد وش طعم الإجابة / والسحابة تحتريك



كم سألت / وكم نحرت الأجوبة / لجل أسمعك ..
ولا لقيت إلا / رماح الذاكرة .. تمسك يديك



عشتني ليلة بليلة .. ومت أنا لجل أزرعك
وضعت مابين الليالي / والعطش مزروع فيك



تدري أن العمر واحد .. عشت فيه اجمَعك
وتدري انك وسط روحي / روح شدتني إليك ..!



،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(355)





.
.

.







إليك كل الأمر ..
و اتجاهات الغمام ..
من سموَ الروح ..
إلى وبل الكلام ..
عطر الأراضي
واعتراضي
بعد مابللت أمانينا هيام ..!




أنت العذر
وانت الملام ..
وانت الأمان لدهشة الحاضر
أمل ساحر
وكل المستحيل الباقي
المجبور في همس الغرام..!




وحدك هنا
ترمي غلاك
وترحل الدمعة
وأنا شمعه
وانا كل انتظار الناس
وحصار الحمام ..!




لاتتعبني
ولا تبدا معي
لعبة جنون
وكل مافينا أغانينا
بحرب النبض
واحساس الحنين المرَ
واحلام السلاااام ..!

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


(356)





.
.

.





السلام لـ روحك / أبسط ما يكون
وش بعد لو قلت : ودي أحضنك ..!!


خذ من أنصال الحنين / أغلا الجنون
وأنثره في صدرك اللي .. جننك


يمكن أشواقي مع اشواقك يجون /
وأنت تبقى حرَ .. قلبي موطنك


ياحبيبي .. أقسم أني لك حنون
لو على كيفي .. بقيدك لأسجنك ..!

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(357)





.
.

.






أسجنك في مدى اللحظات / في كل ليل
وأطلقك في عيون الريح / لجل الظروف


أنت تدري وأنا أدري / عن جموح العليل
والبلا كلما قلت لك هيا .. تعيد الحسوف


أنت روح العطا / وآنا العطا والمسيل
والليالي فتات العمر .. نهر الصروف


علمَ الجرح يكبر .. عن غبار الرحيل
وعلمَ الصبح يبدا .. لـ أستمر الكسوف


نورك أغرب حكاية .. تستلذ الفتيل
والظلام البديل .. أعمى عيونٍ تشوف


ياحبيب الصباح .. الليل فعلا طويل
هات كفك لجل روح المطر بك تطوف ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


(358)





.
.

.







تطوف ورودهم في يوم واحد
يسمونه بـ عيد الحب الأجمل


ولا يدرون عن عيدي وعني
وأنا كل السنة عيدي تكمل


لأنك ساكن اقصى أمنياتي
لأنك نبض روح وحب مجمل


ترى مافيهم اللي بك تعنى
على طول السنة دايم تحمل


يغني لك ويبكي بك زمانه
ويفرح بك لأنك عمرٍ أقبل


تعال أضحك عليهم ياحبيبي
وقول العيد حبك وأنت الأجمل ..!