(380)
.
.
.
شي صح / وشي راكبه الخطا
وانتي أجمل صح مهما قلت فيك
من يلوم العاشق / بـ لحظة بطا
والجفا .. تكبر حباله في يديك
علميني كيف أكون بلا غطا
والمطر .. بلَل عروقٍ تهتويك
لاذكرتك فزَت أسراب القطا
من حنايا بالعطش تسأل عليك
مالك أحدن بالشبه غير / العطا
ومالك إلا المااء / باحضاني يبيك ..!
.
.
.
(381)
.
.
.
يبيك شوقي .. كل ما شمسي تدور
ويحتاج لك قلبٍ / شربتي جنونه
"اشتقت" كلمة كلها صدق وشعور
و "احتاج لك" كلمة طفل يحرمونه
ياويل حالي منك ..من يكسرالسور
ومن يهدي أنفاس الرضا .. ياحنونه
هذا الزمن / لاعقل لاحس منثور
مايدري ان الشوق / تقتل طعونه
مجنون فيك / وكل ما طالع النور
أقول : وين النور .. غابت عيونه ..!
.
.
.
(382)
.
.
.
عيونه ..! ماغفت بالحلم ليله
يطيرالحلم / وعيونه تراعي
يعيشه كل لحظه ... ثم يقفي
كأنه سجن / وقيوده ذراعي
لك الله / ياعيوني من عيوني
متى بآقول .. ما للحزن داعي ؟
أحبك .. والذي صور عيونك
متاهاتك وطن .. بلل ضياعي
وش الحيله بشوقي وانتظاري ؟
وش آسوي .. وتغريبي شراعي ؟؟
مداي أكبر من أحضاني / وحزنك
وصبري ... مارضى ذل استماعي
فديتك .... كثر ماقالوا " فديتك "
فديتك .... كثر ماصاح التياعي
لي الله ..! دام بغيابـ ي( ك) .. غيابي
ولك روح المطر تسكن طباعي ..!
.
.
.
(383 )
.
.
.
طباعي منك تلبس ثوب الأبيض
وانت اللي لبست الروح حيه
خذ اكبر ماتمنى من عيوني
ترى كلي بيدك / وانت ليه
يقولون الصبر .. موت المشاعر
وان اقول .. الصبر ماهو أسيه
مدام اني ... على وصلك حييته
فلا لـ الشمس عذر / بدون فيه
يكفيني ضياك ... آعيش حسنه
ولا مت / أحضن حروفي وصيه
أحبك ... كثر ما تبكي عيونك
وأحبك ... كثر ما أبكي عليه
جنونك ... هو سحاب الغي فيني
وانا بجنوني ... أمطر لك هديه
" أحبك " : كلمة اصغر من عروقي
ولا كلمة ... تعبر عن القضيه
خذ عروقي .. وقول اللي تحبه
يكفيني ... أعيشك وانت فيه ..!
.
.
.
(384)
.
.
.
فيّه تفاصيل المطر ..
وانت الغيوم
وكل ماتملك سماي من الجمال ..!
لاتسأل أطرافي
عن أطرافي
وفيك أبني اصابع من فرح
تكتب خصال ..!
أنت ميثاق الوفا
وانت الدفا
وانت اختصار الما
على شفة لقا
بعد الدلال ..!
ياويل حالي منك
وييييش آقول
وانت أجمل مساءات المطر
عذب الوصال ..!
لا تسائلني عليك
ولا تخليني
أعيد لفارس الأيام
تأنيب المدى
معنى انثيال الما
وترتيب الخيال ...!
أنت ماغيرك أنا ..
وأنت انتظاري والهنا
يعني فديتك لاتجيني
تسأل وتذبل
وأنا فيك أحتمي
وابني من الرمل الجبااال ..!
تعال من دون أسئله
تعال فيني
واحتويني
واهدني بعضي على بعضك
وخلّ الحزن يرحل بالمسا
خلّ القسا يحتار فيني
لاتسائلني
ولا تنطق سوى
كلمة
أحبك
يابعد عمري تعااااال ..!
.
.
.
(385)
.
.
.
تعال / فيها من جنون المطر مافض عين السحاب
تعال / فيها من اطراف الوصل مايغني المستهيم
تعال / كلمة تمر .. ولا تمر الا / بـ قتل الغياب
وانت الوحيد الذي زلزلتني مابين برق وهزيم
خذني على قد مابي واهدني بعضي / وخل الصعاب
يمكن على كثر نورك .. تلتفت لـ الظل مثل النسيم
ياما كتبنا من الآحلام .. في باب الليالي / سراب
وياما رجينا من ايام الدفا ... لجل الجفاف الأليم
ياروح روحي تعال / ولا تغيب / وكل مافيك ذاب
شفني هنا أنسج عروق انتظاري / والوله لك عظيم ..!!
.
.
.
(386)
.
.
.
عظيم الشوق / ماخلا عيوني
ألا يافتنة الما .. كيف حالك ؟؟
وحشني منك كلك .. وانت تدري
فراغ الكون من دون احتلالك
أحبك .. قلتها مليون مرة
ولا وحدة / تعبر عن دلالك
تعال اشرب معي ذوقك / وقلي
من المسؤول عن لذة وصالك ؟؟
لحالك في دروب القلب / ساكن
وانا بدروب وصلك .. عشت هالك
ألا يافتنة الما ... هات كلك
تعبت آآقول / أنا كلي حلاالك ..!
.
.
.
(387)
.
.
.
حلالك ..
كل هذا الكون وعيون السحاب
وكل ما املك
ومايملك غلااك بداخلي كلي حلاااالك..!
أنتي الما والمطر والروح
واحضان انتظاري
واختصاري
أنتي آمالي وحلم االنور
في غفلة ظلام الوصل
في حمَى الاجابات العنيدة
لابدا يمطر سؤالك ..!
جيت بلحالي على خيل السما
كلي عمى
واسأل عن انصاف الحلول
ونقشة الحنا على اطراف الفضا
لاداعب الغربي خيالك ..!
أيييه كم باقي مطر
أو هو عمر
أو هو متاهة صبر مافيها ممر
وكل مامرَ الحنين
يعيدني طفلك
وترتيبي وصالك ..!
.
.
.
(388)
.
.
.
وصالك دمعة الحاضر وليلٍ مارضى يرتاح
وحضنك صبح لميته / بعين الماضي الآتي
حكايتنا غريبه كثر ... ما حنا نزيد جراح
وكثر الما بـ تعبير الجنون / بزحمة أبياتي
قريتك وابتديت اسأل متى ؟ وآعيد بي ماراح
لقيت ان السؤال أشبه .. بقربك في مراياتي
غريبه كل ما أشوفك بقلبي .. اسألك من طاح ؟
وانا اللي طحت مني / لا حضنتك داخل اوقاتي
زمن يقرا ملامحنا .. ويهدينا الفضا بوشاح
نقشت بداخله معنى الجنوب / وصرتي جهاتي
دخيل الغيم وجنونك / دخيل النبض بالأرواح
تعبت آلم من فوضى طريقي / كل حسراتي ..!!
.
.
.
(389)
.
.
.
حسراتي مدارات الحنين ... وشوقي الأمطار
وانا في كل لحظه من عيون الوقت / ناديتك
أحسك في عروق الضي نور وسالفة واعصار
وأحس انك عمر فوق العمر .. والفايض اهديتك
خذ المعنى على كف اشتياقي / واقطف الأزهار
ترى كل الكفوف لخاطرك .. وابني بها بيتك
تعاااال ولمني مني .. ولا تسأل عن اللي صار
وطمنَي عليك / وقول .. أنا مايوم خليتك ..!!
ليست هناك تعليقات:
إرسال تعليق