أوراق ممطرة الجزء الرابع عشر

(216)





.
.

.






الحضور بـ غيبتك معنى الغياب
______ والغياب بـ جيتك كل الحضـور



أنتي حسابك بقلبي / له حساب
______ وانتي بـ كل المـعاني / كل نور



كل هالدنيا / سطور من الكتاب
______وأنتي بروح المطر/ كل السطور ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(217)





.
.

.




السطور ..

شمعة احساس وعبور ..!


السطور ..

فيض من ماء الحنين ..

وبعض من بعض الشعور ..!




من يثور ؟

ومن على شباك روحه

يوقف بلحظة مطر

ويبادل الروح العطور ..!




ياتفاهات الحزن

والليل

وانفاس الأمل

لاعاشرت صدري ولميت الصدور ..!




لاكسور

ولا تعابير وألم

وانتي على باب التعب

قطرة مطر

فيها تلذذت العبور ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

صفحة (23 )
(218)





.
.

.




العبور بـ شوق وأنفاس وحنين
_____ رحـلة اللاسلم بـ عيون الشقا



علميني ليه تضحك هـ السنين
_____ وشمـعة الأغراب كل اللي بقا



الورود بدون حضنك ماتلين
_____ الشذى يسقط .. ولا عمره رقا



أدري أنك ذايبه شوق وأنين
_____ وأدري ان الماء لـ عروقك سقا



بس من يسأل جفاف الصابرين
_____ والمطر صوت الحنين اللي بقا ..!


،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(219)





.
.

.






بقا لك في حنايا خافقي صوت المطر والسيل
_________ بقا لك كل مابي من / وجع صبحك وانفاسك



بقا لك نور يتمادى على رمش الغلا ويميل
_________ بقا لك كل ماحـولي / من احزانك / مع باسك



بقا لك وش بقا لك وانت / كلك داخلي تعليل
_________ رح اسأل كل نبضات المساء ودمعة احساسك



أحبك تصغر بـ عين العروق ولابها تحليل
_________ غلاك اكبر من أطراف الكلااام وقيمة ألماسك



غلاك يعلم الجاهل .. وتجهل به علوم الجيل
_________ غلاك يغذي شـموس الغرام بـ نكهة اقواسك



غلاك بصبحي الحاضر وماضي ماسلاه الليل
_________ غلاك أغلا من انفاسٍ ربت في رنة اجراسك



غلاك بداخلي حـرب الحنين / وهمهمات الخيل
_________ غلاك امطار من صدر السما والجرح من فاسك



حبيبي .. يكفي الحزن المهيل في عروق السيل
_________ تعبت من أبني من جموح المطر شوقي لأنفاسك ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(220)






.
.

.





أنفاسك اللي بالضيا ولعتني
_____ آحسها في داخـلي / غـير الانفاس


فيها دفا هـ الكون لو كلفتني
_____ أعيش كل العـمر بارد / فـلا باس


غربة مطر والله مافارقتني
_____ لو فارقتني ماعلى المـوت حراس


يعني بكل احساس ماغربتني
_____ غـير العيون اللي لها قدر و قياس


آشوفها بدروبي اللي عصتني
_____واثمل بها من دون ماأعرف الكاس


الناس ماتدري عن اللي سقتني
_____ والناس تفرق ياحبيبي عن الناس


مثلك فلا والله ماصـادفتني
_____ غيمة مطر متمايله ذوق واحساس


أهدتني احساس الفرح وامطرتني
_____ وانا على حلم اللقا / أشهق أنفاس ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،




أنفاس روح ولملمة باقي الضي
______ حلم الصباح اللي صحى يمتحني



ياروح من دونك حياتي ولا شي
_______ يعني بكل احساس حبك سكني



آمووت فيك بكل لحظه وانا حي
_______ منك الصباح العذب والليل مني ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(222)






.
.

.





مني ولك كلي ..

ولك /

كل السنين .. كل الحنين

كل الصباح الممتلي حلم ورجا يتزملك ..!





من يجهلك ..؟

ياصدر أفراح المدى

ياغيمة الحسن الشهي

ياكل مابي من مطر ..

ياأنت يا أغلا ملك ..!




عطني فضاك وروح

عطني سماك وبوح

عطني من انصاف الحلول ..

أنصاف تحيا بك .. معي تتحملك ..!




يافتنة الدنيا ..

وياغي المطر

وين الطريق الأعذب الأمثل ...

واجيك أتبللك ..!




كل الدروب الجمر

واقدام الفرح ماملت المشي الضياع

وريقها مااء انتظار ..

وشمس تصحى بك لجل تتأملك ..!




دخيلك ..

دخيل اللي خلقك بـ نور ..

وينك ياحبيب الماء

وينك بوصلك ..!



أبيك تلمّني لحظه

و آآصيح ..

بـ كل صوت الما ..

وحزن الما ..

وروح الما ..

ألا ماأجملك ..!

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(223)





.
.

.





ما أجملك ياللي على البال مريت
_______ كن السنين تقول وين أنت عني ..؟

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(223)





.
.

.






ما أجملك ياللي على البال مريت
________ كن السنين تقول وين انت عني..؟

كل الدقايق ميته شوق وأزريت
________ أحيي من الساعه دقيقه تغني ..!

حنين صدري ضو فيه استقريت
________ الحلم جمَر / وانتظارك طعني

ذكراك غصنٍ فيه غصبن تعريت
________ كنك عناد الريح / والطير كني

تعال واحسب كم على البال سريت
________ أسراب غربه ذاقت المرَ مني

صدقت فيك الصبر مايوم ماريت
________ وانهال يشرب من عروق التمني

ياما بكت منك الحنايا وداريت
________ دمعه على باب المطر لك توني

الحزن يفرح بي وانا به تضريت
________ حنَيت صدره نبض / ثم امتحني

أذكرك بالنسيان وش عاد لـ اطريت
________ صوت الخيال اللي حصانه غبني

آسرج نوايا الطيب للروح جاريت
________ والقى الغياب افضل حلول التجني

مليت ناس وناس منهم تبريت
________ من بعد كل الناس عاشرت ظني

مالي وطن غيرك ولجلك تباريت
________ مع السما وامطرت روحي لأني

أصدق من الما بالعطا ماتواريت
________ واكثر وفا من هـ الزمان المعني

اهديتك اعذب غيم فيني وصريت
________ غيم التعب باشلاء روحي سكني

يافاتني وينك ترى مني أزريت
________ كل السنين تقول وين انت عني ..؟؟

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(224)





.
.


.






عني خذ المعنى وخلك من تفاصيل الغرام
_________ بعض الكلاام اما نطقته ذاب بين عروقنا



ان جيتني يامرحبا وان رحت ماحولك ملاام
_________ ياما على الدنيا يعيش .. الغاب في قانوننا



وحشتني كثر المطر من وين باقول السلاام
_________ وانت النهايات الجميلة في سماء حروفنا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(225)





.
.

.






حروفنا ظل وأنتي اصل كل الشموس
________ وش ياخذ الظل غير البرد من هقوته



طول السنة ينتظر مابين دمع وهجوس
________ ما يدري أن الضيا ممنوع من رغبته



انتي وطن فيه راسي ما انحنا للرؤوس
________ لو هانوا الناس / ماهان الوفي دمعته



واقف على حد ظلي .. ماطلبت الفلوس
________ طلبت عين الرضا لـ اللي نسى وقفته



كم لي على الحلم الون والخطاوي جلوس
________ الدرب ليل الحزن / والحزن ياقسوته



يابنت قلبي شموع الحلم / طفلٍ عبوس
________ وش حيلة الطفل والدنيا تبي حسرته ..!


،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(226)






.
.

.





حسرته ليل وأنفاس الضيا نايمه
_______ وبينهم عاش غربه تكسر القاعده


غربته فكر يوم ان السما غايمه
_______ برقها سحر وجنونه مسك راعده


الوطن نص روح وروحه الهايمه
_______ نصها ضاع بين العشق ومساعده


بندق الجرح لاحت والخطى لايمه
_______ والرصاص المعتق صوبه ساعده


المسافات قشرا / والسفن عايمه
_______ في محيط التفاهة صارت الصاعده


كم نقول الحرار بـ جوَنا حايمه
_______ كم نقول الزوالي .. ضيَعت جاعده


ياسفير الدروب بروحك الهايمه
_______ لا تباعد مسافه ..غصب متباعده ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(227)





.
.

.





متباعدة والدروب طوال
يوم الخطاوي لها قيمه


لو المعاني تمر ثقال
في خاطري كم لها شيمه


أحب فيها الدلال وسال
من روحها بسمة الغيمه


تمطر غنج والمشي يختال
فضه من ابريق في ديمه


هي كل معنى الوفا وانثال
من صدرها العطر تحطيمه


لامن سقت كلها موال
مسامع العشق ترنيمه


تزور بيت الضيا باجلال
والشمس تفرح بتقديمه


يافتنة الحي والمنزال
ماعاد لي غير تقسيمه


افضها دون نزع حبال
واربط بها كل تسليمه


أنتي سماء العمر والفال
من دونك يجوز تحريمه


انتي وطن يحتري همال
وآنا مطر عالي القيمه ..
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(228)


القيمة أرخص في عيون البايع
_______ والمشتري : لمَ الريال بدمعه

أيا وطن كم راح حلمٍ ضايع
_______ قلي وانا بهديك عمري شمعه ..!