(174)
.
.
.
وله ويشق صدر الما ويتمادى المطر والغي
__________ وله ويعيد لي قصة شبيه الغيمه السالي
تعبت آمر من حارة سحابه غايبه بالحي
__________ تعيش الما وتتناسى الوريد الذايب الحالي
ألا يافتنة جروحي ألا ياجوهرة هالضي
__________ نسيت آسمي الدنيا .. غرابة حبنا الغالي
فديتك كل مامرَ الخيال ولمَ فيني شي
__________ فديتك كل ماراحت عصاة الظل بسمالي
أحبك كل ماشمس الحنان تذلني بالفي
__________ أحبك كل مانور الغرام .. يعيدني خالي
تعالي وابني آمالك بقلب ماسلاه الغي
__________ تعالي وابني الفتنة على تقسيمة الوالي ..!
(175)
.
.
.
الوالي الله .. وانتي الما من الله
_______ ماقلت لعيون السما .. هيه يابنت
جيتي بأمر الله .. سحابه مطله
_______ وآنا على حطة يدك .. ماتلونت
جيتك أسوق الما على كل زله
_______ ولا جا ببالي أني آموت مالنت
الله يعين الصمت .. لافاح كله
_______ والله يعين السيل لارددوا كنت ..!
176)
.
.
.
كنت أروض مابقالي / من ذنوب طاهرات
_________ وكنت أعيد لسيرة الما ../ أغنية لحن الوداع
كنت كنت ولا صفالي / في زمان الموبقات
_________ غير بعضي بعد سلمى ../ والتراب بلا سماع
ارتجي رب المعالي / مع جنون الذكريات
_________ احتمى بالنور ظلما../ والبحر صرخة ضياع ..!
(177)
.
.
.
ضياع في زحمة وطن ..!
وأنتي وطن ..
وآآآنا على مرَ الشغب محتاج لأنفاس وحنين ..!
تدرين كم راحت سنه ..!
وآآآنا على باب الرجا
خلفي جموح من التعب
وآرتال من فوضى السنين ..!
يافاتنة لاتسألين
كلي مواطي جرح
عكازي أمل
وأنفاسي القشرا أنين ..!
منَك ومن همَ الرياح
آطير بجنون السما
بجناح مكسور وعتب
ثورة من الأحزان عيَت تستكين ..!
ياروح يا أم الحنين
ياكل نبض الناس
يادمعي الأمين ..!
تعالي بـ كلك
وأنا ..
في آخر الدرب الغبي
واقف اشكل منك طين ..!
(178)
.
.
.
طين المواجع غص بالدمع واشتقت
________ وش حيلتي والشوق مينا جروحي
كني جبالٍ غارقه غيم في صمت
________ تكتب على خد السما وين روحي ..؟؟
سؤال ماءه جرح واحساسه النبت
________ اشقى برَيه .. والإجـابات فـوحي
ياسكر الدنيا ويا لوحة البخت
________ تعبت مني .. والـهدد في صروحي
أحياك نبض وكل مامت بك عشت
________ وش هالحياه اللي بها موت روحي ..!
(179)
.
.
.
روحي ..
أيا روحي ..
والله تعبت اشتاااق ..!
يعني تعب غصني
مـ الريح بغيابك ..
تطيح به أوراق ..!
يافتنة الإشراق ..
حنَي عليَ حنَي ..
طعم الجفاف الموت
الما ممات الما .. دام السحاب فراااق ..!
(180)
.
.
.
فراق نور وروح تسهر مع روح
_________ وش حيلة الظلما ونوري جروحي
اشتقت لك يابنت والحال مفضوح
_________ بين احتمالات الوفا صاح بوحي :
أمووت فيك وكل ماعشت مجروح
_________ يضيق الأزرق واتسامى بفوحي
كني على وجه السما طير مبحوح
_________ صوته غرام وكل ريشه طموحي
يشتاق لك ويضج بجناحه النوح
_________ ويحتاج لك حـاجة فقـيرٍ ينوحي
يابنت مهما عاش بي حلم مذبوح
_________ خيل انتظاري ماتفارق جموحي
أنا ..أنا .. مايوم انا صحت بالروح
_________ الا تجيني ممطرة وسط روحي ..!
يعني دخيل الليل بآمووت مسموح
_________ ذنبي عشقتك / ليه ذنبي طموحي ..؟؟
.(181)
.
.
.
طموحي ..!
وش طموحي .. ؟؟
والمسافة برد والضافي أنين ..!
أيييييه ياجور السنين
كل ماتصفا دقايق ..
تخنق البسمة عطور الصابرين ..!
من ربيعك لا خريفك
لامطر لاحلم لا مرفى ..
ولا ديرة مطر ..
يسكن بها نبض الجنون ..
..الدافي العذب المهيَل بالحنين ..!
تعالي وأنصفي روحك
من جروحك
تعبت أموَل ظروف اللقا
وآغنَي طموحي على قمرا وطين ..!
تعالي ليل
ولا خيل
بعض الويل يسرقني
واسولف وحدتي
وانسج من اشواكي بساط الجرح
واسأل من يعين ..!
آآآه يافوضى التعب
ترتيبي الأغلى بعيد
وكل ماحولي ..
.. تعب .. زفرة ..
وبعض اشلاء حلم ..
وذاكرة أمسي .. وصوت اوراق تين ..!
ياتفاهات المسا
والغربة الأكثر غرابة
تحمي أشباح الألم
وتسيَج الدرب المورَد
والخطاوي في ونين ..!
ياعيون الليل
كم باقي على الغربة
على بيض النوايا
واستعارات الزمن
في لوحة الحظ الردي
مسمار غبن أسود سكن في وسط عين ..!
(182)
.
.
.
عين الوفا تشتاق لك .. والثانية تبكي عليك
________ وش حيلة الملح الوفي بـ عيون ملت صبرها
ليل الحكايا هدَني .. والصبح دايم يحتريك
________ وش عاد في عمر الفرح ليله عطتني عمرها
ضياك ماخلا وطن والشمس ذابت في يديك
________ كنك سفيرة للفضا .. كل الكواكب عطرها
لاتساليني وش أبي .. أبيك كلك وارتويك
________ أبي من عيونك عيونك واحتفل في قصرها
مساك يسهرني وَله ويطير بي وده يجيك
________ وتطيح بي نار الغلا .. وحدي ألملم جمرها
يافاتنه كلي تعب .. أشتاق وابكيني عليك
________ وش حيلة السيل بزمن تافه يسمى بحرها ..!
(183)
.
.
.
بحرها غير ..! وانفاس البحر ذايبه
_______ ياوجودي عليها .. كلما شفت نور
هي صباح المطر والقصة الهاربه
_______ في فضاها تطير ولا تهم الطيور
تكتب الريح عالأغصان يا غايبه
_______ والورق ماتهيا والخريف العبور
كل يوم سقط ماعاد من غاربه
_______ وكل جرح تمدن مانسته البحور ..!
(184)
.
.
.
البحور جروحي اللي ماهدت
______ موجها بركان حلم .. بلا هدوووء
تبني من الريح رقصاتٍ بكت
______ في جبين الليل تكتب لي / نتوووء
استغيث الما سحابه مانشت
______ واستحث النور لو طال النشووء
كل ماسافرت خطوة عودت
______ روحي لداره .. وخطواتي تسوء
من ربيع العمر شمسه ما غفت
______ شوقي الأنهار ووصاله وضوء
والليالي صوت دمع وما رقت
______ للصباح اللي سرقني في هدوووء ...!
(185)
.
.
.
هدوء وانفاسي مطر ..
والارض أقرب ماتكون .. لـ نار ..
تحرقني ويتسامى غريب ..!
آآه ياجور المسا
لا دنَت بروحي مسافات الأرق ..
واحتال بي نبض التعب
وحدي ولا حولي قريب ..!
سمها قسمة ونصيب
وآآآنا بسميها
رواية درب مجنونة بشوك اللاحبيب ..!
كم علينا نحفر آبار السؤال
وننحني غربة
وتسجد للسؤال المرَ ..
هامات الرجال
ونحتفي صمت ومغيب ..!
آآه يا يمه تعبت أتعب
وكل الدرب
زحمة ذنب
ماعشته ..
ولا حاولت أكون الغافي المفرد على باب النحيب ..!
الضيا منديل روحي
والمطر ( لوعة قدر )
في خاطر الغيَاب
في همس الشجن .. تخطي تصيب ..!
ياعيون النور
ياشمس الأمل
هذا المسا .. هذا أنا
كلي وشاية موت
وانفاسي على مدَ المدى ..
تحضر .. تغيب..!
(186)
.
.
.
تغيب فيني ليل وتعاشر الصبح
_______ ياذا الصباح اللي سرق كل مابي
ذيك المطر من غيرها بلل القمح
_______ وذيك الوطن لو انتمائي سرابي
ماغيرها راود شموخي عن الصفح
_______ وماغيرها يكتب جنون التصابي
غابت ولا مرت على نايف اللمح
_______ ومريت أدورها لقيت العنا بي
كلمة ولو كلمة تكفي عن الرمح
_______ ياشوق درعي طاح بين اغترابي
(187)
.
.
.
اغترابي في عيونك لي وطن
_______وأجمل الأوطان صدرٍ يحتويك
كن مابالكون أحد غيرك سكن
_______ وحدك الدنيا ولا حولك شريك
موعدك باني على الخطوة محن
_______ والدروب الموت لاغابت يديك
عطريني صبح واسقيني شجن
_______ كل ماحولي .. تولع بك .. يبيك
يامطر عمري عيوني لك وطن
_______ لو شربتك عمر ماظن ارتويك ..!
(188)
.
.
.
أرتويك ..!
هذا حلم أصعب من اللي جاي
واصعب من صباح يمر ..
حاول يهتديك ..!
كيف أجيك ..؟
وكل خطوات السما عرجا
وكل الغيم مالامس يديك ..!
يا جنون الحال
ياصبح المدى ..
وينك أبيك ..!
انتظاري يشبه لصبح اليتيم
الهارب من الناس ..
في ركن السما .. يسأل عليك ...!
آآه ياصبح السجين الغافي
بحضن التعب
لاباع دمعه لجل لحظه يشتريك ..!
ياخيوط البال ..
يانور السنين العابثة ..
هذا الصباح اللي سهرته
في عيون الليل ..
في روحي وفيك ..!
(189)
.
.
.
فيك من كل زهرة .. وانتي الياسمين
_________ فيك كل العطور .. وعطرك أتزمله
لاقطفتك نسيت الخوف والحاضرين
_________ واذكر اني مجرد حضن لـ البلبله
تلعبين بــ غلاتك مثل لعب السنين
_________ وتلتوين بــ جمالك في ربوع الوله
فيك فتنة ملاك وسحر لـ الساحرين
_________ فيك حكمة شجاع وطيش لـ البهلله
فيك كل الحنين اللي سقاني حنين
_________ وفيك دهشة تزيد البهذله .. بهدذله
فيك كل اختصار الكون والعازفين
_________ فيك لحن الخلود يصيح .. يا مذهله
فيك كل النساء وبصمة الياسمين
_________ فيك ميت وحي .. وهذي المشكله ..!
(190)
.
.
.
المشكلة ..ماهي تفاصيل الالوان
_______ المشكلة ..! وش لون لونك بدوني
أحس بك دمعة وطن وسط شريان
_______ يفيض لجلك حب باطراف كوني
يالون روحي انت لي كل الاوطان
_______ وآنا الوطن والدمع ثورة عيوني ..!
(191)
.
.
.
عيوني تكتب عيوني .. مدام ان الخيال حصان
_____________ خذ الفارس وكل الخيل دامك تسكن عيوني
فديتك .. كل ماصاح الحنين بـ رغبة الإنسان
_____________ فديتك كل ما عليت جدر .. وطاحت ظنوني
أحبك كل ما مرَت .. ثواني تطلب الإحسان
_____________ أحبك .. كثر ماغنى الغلا واستعمر جنوني
لحالك بس بلحالك .. تعيش بصدر ابن زنان
_____________ وكل الناس بعيوني مثل ما أنت من دوني ..!
(192)
.
.
.
دوني تعيش بدون روحك وأنا أدري
__________ الروح هي سرَ الغلا بين الأحباب
لو قلت لي مشتاق .. بآقول صدري
__________ يزفني لـ الموت .. من كثر ما ذاب
أنت الوحيد اللي له الحق يسري
__________ بين العروق يعيشني قرب وغياب
تعال بين ضلوعي العوج بدري
__________ تعبت من نبض الوله حبر وكتاب
ياسيدي ياصبح عمري وفجري
__________ ماعاد لعيون الدفا .. جفن واهداب
كلي حكاية صبر وآعل صبري
__________ من كثر مابي صرت قايد للأغراب
أدري غيابك غصب والحال مدري
__________ ماعاد بيدي غير ... أهني للأحباب
شفني على كتف العمر شلت قبري
__________ جايك بقبر وحب ... لا عاد ترتاب
أحيا حنين وشوقي العذب جمري
__________ وآموت في ليل انتظاري على الباب
ليست هناك تعليقات:
إرسال تعليق