أوراق ممطرة الجزء السادس عشر

(242)






.
.

.





الحنين اللي على باب السنين
في يدينك يحتري كلمة تعااال



واقف لحاله على رمله وطين
يبني الأحلام بكفوف المحال



كل ماقلت / ابتعد يكفي أنين
قال بدري ماسقيت الما وصال



السنين حصون وحصونك تلين
مثل مالان المطر والسيل سال



غيمة الأحزان صبح بدون عين
وعين صبحك مالقيت لها مجال



الصباح يموت لا مات الحنين
والنهار بلا مطر حزن الليال ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(243)





.
.

.






الليال وصبح حلمي ظالمه والعذر واهي
والطفولة في سنيني مالقت روح النجاه



كل يوم آعيد نفسي بالأمل واقرا شفاهي
واستعيد اللي لقيته قبل ترتيب الشفاه



الثواني ما توقف لو وقف نبض انتباهي
من رماح النبض صدري قال للعمر انتباه :



رح على كيفك ولكن صعب أغير اتجاهي
لو يموت الطفل فيني عشت للغير الحياه ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(244)





.
.

.






الحياة الوان .. والدنيا عبر
والثواني درب والشوق انتظار



أكتبك واقراك وحروفي مطر
الغصن مبلول والعصفور طار



يافريد النبض يانبض السفر
عاشقك ماملَ من طول المسار



انتظارك موج واحساسي بحر
لامتى والموج يلعب بالبحار



السفينة أنت والموج انكسر
والسواحل دمعها شق النهار



اقبل بـ كلك ولاهمك بشر
أنت غربة روح وعيوني ديار



المطر روحه معك وانت المطر
والسفر مجنون والحجز انتظار ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(245)






.
.

.





انتظار ..

يعني الزحمه غيوم

وباب روح

وليل مكسوره عظامه ..!




يعني بركن السما

وحدي على زحمة أمل

كلي ألم

مشدود في ليل انتظار النور

وحبالي كلاااامه ..!



لا ملامه يابحر

وانت الذي فيك انشطرت

ولا انهزمت

ورحت ادور فيك عن نصي ..

وعن معنى انقسامه ..!




كل هالدنيا فراغ

إلا من احساس الوفا

لاطاف بين اثنين

يهديهم حياة الماااء

وأغلا ابتسااامه ..!




وش بقى ياروح روحي ..؟

من مطر

ماسال

من غيمه

تزف الطهر

بجناح الوله

دام اشتياقي طير

وغصونك غرااامه ..!




مابجيك ولا تجيني

وانت تدري من أنا

من أنت

من غنى لـ هالدنيا مواويل احترامه ..!




تدري انك غير

ياكل الجنون

اللي سقى الغيمات

روحه ..

فرحته ..

حزنه ..

وصار الكون يمشي في نظااامه ..!





تدري انك غير

غير كل الناس

واحساسك ..

يقدي كل من ظل الطريق الصعب

و الأكثر مرارة

واهتداك

وكل ماحوله ..

من انوار الفضا

تعني ظلاااامه ..!




ياجنون العاطفة والريح

واطراف المدى

ودي له أعذب غيم

من روحي

وردي لي سلاااامه ..!



روحي معه

نامي معه

قولي له أني :

بس معه

قولي له أني :

بسمعه

والكون كله من صدى صوتي

يسابقني عليه

ويبتدي فيني حطااامه ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
________________________________________
(246)





.
.

.






حطامه شوق وانفاس ودموع وذكريات احباب
يجمع من صدى بوحه مطر هالكون في ليله


يعيش العمر في كسر الدواير والغيوم احزاب
يفتتها على نسق الصباح اللي نسى هيله


ويشرب من غلاة الروح بنَ الراحلين غياب
ويتقهوى على مرَ الضياء ويحتفي ويله


سنينه غير دام الغير يسقي بالعتاب عتاب
عيونه غير كل الناس دام الكل يبكي له


سألني وين يامسافر تغيب وتحتفل باسباب
وقلت الروح ياسيل المشاعر عطر نشكي له


وعطرني بماء الوجد وانثال المدى الكذاب
وفاح المااء بانصاف الخيال وقسم الحيله


تعبت وهو تعب مني وباقي لي جروح اصحاب
اسميها تعب مدري أعيش العمر في ليله ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(247)






.
.

.






ليـلـه ولا ألــف ليـلـه وانــت باحضـانـي
بالعمر : عندي / وعندك : بس هي ليله

الـنــاس هـــم ثـالــث الأوزان باجـفـانـي
والثـانـي اسـمـك وروحــك أول الكـيـلـه

تـعـال واحـسـب مـعـي أول مــع ثـانــي
ولا لــك بهالثـالـث الـلـي نـاســيٍ خـيـلـه

العمـر يعنـي حضـورك داخـل اوطانـي
والبـاقـي اثـمــان عـمــر لـبـاقـي العـيـلـه

انــت الوحـيـد المـصـم لـجــل تـرعـانـي
وانــا المهـيـا لـصــدرك دامـنــي سـيـلـه

يافـاتـن الصـبـح نــورك ويـــن ودانـــي
كــل المـدايـن ظـــلااام ولا لـهــا حـيـلـه


،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


(248)





.
.

.




حيله عن الأشواق .. ماعاد حيله
ماغير اصفف في معاليق صدري



آآحس بك : ساكن معي كل ليله
مانام إلا : وانت بالروح تسري



غلاك حده لـ السما والحصيله
ذايب وتدري انك الغيم تدري



تعاال ماباقي لـ روحي وسيله
فدتك روح السيل / ( ماعاد بدري ) ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(249)





.
.

.






بدري عليك الهوى بدري
يقولها العاشق المعتاد


مايدري انك علي تطري
في كل ساعه بلا ميعاد


اسامرك وانت ماتدري
احياك واسقي بك الأكباد


انظمك بعروقي وصدري
وازين الروح بك وش عاد


هذا الهوى وانت يالقمري
تدري عن الموت والميلاد


ميلادي أسري معك واسري
لبلاد ماهي بلاد .. بلاد


بلاد فيها الضيا خمري
والشمس تحتال به تزاداد


ماغير انا وانت مع جمري
والما على ضفتك ينعاد


واشم بك يالغلا عطري
واهديك مني مطر وقاد


يشرب فضولك ولا يجري
الا مع السيل لامن جاد


احلااام فيها القمر عذري
آهيم فيها مع الأصفاد


قيدي غرامك ولي قبري
الليل والريح والطراد


والطير لاكان مـ الوكري
ماعلَ روحه ولا به فاد


إلا وصال الضيا حدري
ويطير بك والمدى وراد


هو حرَ والحرَ ما يبري
علته غير انثيال جياد


أقولها صدق : وش بدري ..؟
تعااا ل / ابهديك عمري زاد ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(250 )





.
.

.




زاد اشتياقي والصبر بين ثنتين
إما يموت بحسرته أو يفارق


لوعة غلاااك تعذب القلب والعين
وانتي على باب السما جاك طارق


ينخل سحاب التين ويعيش بالتين
ويسامرك مابين حارق وحارق


أنتي لحالك سر تلويعة اثنين
قلبي وحلمٍ عاش بالعمر غارق ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(251)






.
.

.





غارق في بحر روحك .. وبحرك رحلة الألماس
ألا يا طول درب الشوق .. وانت بكل خطواتي



أحبك من قبل حبك .. يسابق نبضي العساس
لقيتك ياقدر عمري .. وطن يرسم حكاياتي



أحبك وانت أدرى كيف : حبك يمطر الأنفاس
وصرت آقول ما أحبك .. لجل تربح بك آهاتي



تعبت أتمرد بشوقي .. واسلم للعبث كراس
تعبت أقول ياروحي : تعال و صوتي سكاتي



أنا حزن المطر يعني ..مشاوير السحاب قياس
وشف عاد المسافه لو حسبناها ..من شفاتي



انت اقرب من عروقي .. ولاهمك كلام الناس
متى هالناس تفهم لك .. وعذر الماضي الآتي



لعينك مارقت عيني سواك .. ولاعليهم باس
ولكن من يشابه من ؟ ؟ سوى حظي وعثراتي



انت اغزر مدارات السما ..والمشكلة حساس
أنت أعذب مراويح السحابه في مداراتي



أنت الظافر البارع وكلك ضحكة الأقواس
ألا يابحر علمني .. متى تسكن سماواتي ..!


،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(252)





.
.

.





سماواتي وطن والما سلاحي والمدى نيشان
تفاصيل التعب غربة وطن والسيل يرعاني



ألا ياكثر ماحول الحنين أشباه دون احضان
والا ياكثر ما فاح المطر في دمعة لساني



دخيل البرد وانصاف السنين وحسرة الأنسان
دخيل الليل واطراف الصباح وموت عنواني



أنتي كل ما أملك .. ولا أملك سواك أوطان
أنتي فيني عروق الجمال وزمرة ألواني



من الماضي إلى الآتي حكايات الوله بستان
وانتي في غصون الوجد طيرٍ عاش باحضاني



أحبك كثر ماحبك زرعني بالسما عنوان
أحبك كثر ماهلّ المطر .. والسيل يرعاني


،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(253)






.
.

.






يرعاني الليل واتساءل
متى الضيا يعزف اوتاري


النور بالدرب يتضاءل
والشمع في رحلتي ساري


العمر بالحلم يتفاءل
والحلم قد هدّ مشواري ..!