(337)
.
.
.
لايهمك من أكون / ومن تكون
الأهم .. المااء بعروقك يعيش
المطر .. بلل عصافير الغصون
انفض ايامك / وطيّر كل ريش
أدري أن الحب معناه / الجنون
اسأل المجنون .. ويجاوبك ليش
المدى يسأل .. ومن حوله ظنون
والمدى وده .. مع ودك يطيش
الأكيد إما نكون .. او لانكون
والأهم أنك مع نبضي تعيش ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(338)
.
.
.
تعيش دمعة حرَ .. ويموت الأحرار
والخطوة اللي تبكي القيد / عرجا
لابارك الله في رجالٍ / بلا نار
ولا بارك الله خيل .. مافيه سرجا
الصمت حكمة بس من يغسل العار
ياضعفنا / والجزمة تعمَ الارجا ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(239)
.
.
.
الارجا نور ..
زحمة همس ..
واغصان وغنى وطيور ..!
صباح الخير
وخير الصبح ..
معناه انتماااء
ورفرفة جنحان
في صدر الغريب اليائس المكسور ..!
هذا الليل ماهو ليل
هذا تمتمة آمال
حضن وصال
شمع خصال ..
تتمايل على تاريخ قلبي
تحتفل بالعاشقين حضور ..!
بدايةعااام
نهاية عاام
واحنا في مواويل الثواني
نلتقي بين الخجل
حب ووجل
واقف على نحر الليالي
والعزا غيمة رجا
ترمي العطش لـ السور..!
يابنت وش معنى رضاك
يعني غلاك
يعني تباشير الضيا
في ليلةٍ قشرا
يعاشرها الوجع
في غفلة الناس الغبية
والحزن دستور ..!
مايهمك من أكون
ولايهم أنك جنون
الأهم أنك سنا
شي انثنى
واهدى الحياة الماثلة
معنى الخطاوي
والرجاوي
شي ثاني ..
جاوز الحلم القديم الجاير المشهور ..!
آآه يا صوت السنين
ياطهارة هالحنين
ياعذوق الما
على شباك روحي
والفضا
زحمة رضا
دام الوله ممطور ..!
تعبت آآآدور
واسألني
واخالجني عنَا
وانسى الهنا
وانتي على حروة أنا
وانتي أنا
وانا المطر
في هيئة انسان ..
ابتدا ..
يغزل من الشمس الوفيه..
شمعته ويثور ..!
.،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(240)
.
.
.
يثور فيني دمع / ويثور الانسان
لاشفت ذلَك ياوطن .. في عيوني
الله واكبر / وش بعد ذلَ الاوطان ؟
ماعاد غير الموت ... يقرا ظنوني
ولامن سألت الناس / عن فعل " زنان "
يطيب لي موتي .. بشرفة حصوني
مات بشرف / في ساحة العز نيشان
وانا معي قيدي .. يسابق جنوني
بعض البشر مافيهم العزم صنوان
مافيهم إلا صمت / كسَر غصوني
والله لولا والديني .. بـ الاحضان
لآغيب غيبة .. من سقى العزَ دوني
ياصبر تكفى / غيبتك تقتل انسان
يكفي عيوني .. موتها في عيوني ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(341)
.
.
.
عيوني ..! ماتنام الليل كله
لأنك في عيوني صبح ضافي
صباح عيونك الخجلا / وطرفك
صباح البحر .. ياعذب المرافي
صباح احساس .. يرقا في غيابك
وبحضورك .. صباح الحب وافي
صباح النبض / وعروقك / وقلبك
صباح الورد .. ياصبح اعترافي
صباحك طفل ... والذبلا عيونه
يصبح للندى ... والقلب صافي
صباحك عطر / شميته بروحي
صباح البرد / دام البرد دافي
صباح الخير .. والخير بعيونك
صباحي غير / دامك عطر قافي ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(342)
.
.
.
قافي على مفرق سنة / يبكي أشياء
موت السنة وغياب روحي بروحي
إلى متى يارب .. بنموت أحياء ؟
وإلى متى يارب .. تنبض جروحي
آسيل في كل المتاهات ... باشلاء
ماني أنا ... والدمع يهدم صروحي
كني شتا / كني مدى .. كل الأنواء
مدري وش آآسمّي : حكاية جموحي
خيلي يقود الصبر / في كل الارجاء
واحفر معه نقش المطر في صروحي
واواجه رياح العنّا / غربة الياء
وارسم جنون الما .. على ضي لوحي
جمر السنين يزيدني / موت واعياء
وليل الحنين .. يعيد لي / نار بوحي
وآآغيب فيني .. واذكر النور حواء
وآضيع في ظلما .. مراسيل نوحي
النور نبض ارواح .. وحكاية الماء
هي حلم روحي / دام روحي بروحي ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(343)
.
.
.
بروحي طيش حلم / وحلم آتي
وحلمٍ مات .. ماله أي قيمه ..!
تموت احلام / والأفراح تكبر
يموت الناس .. وتعيش الهزيمه
لك الله ياوطن حزنك كسرني
ولا لي في سحاب الظلم ديمه
عيوني شافت أبعد من عيوني
وحلم الناس صار أكبر جريمه
قريت اللي بعد ماصار فيهم
وشفت الذل يرقا في غريمه
ألا ياحلم .. وش حيلة جروحي ؟
وانا وافي ... وكلي نبت غيمه
سكوتي حزن / في بعض المواقف
وصوتي طفل .. وافكاره يتيمه
تموت اطفال بعيوني .. وصدري
يعيش الظلم .. وايدينه كريمه
تعبت أشرب جروحي من جروحي
تعبت الليل ... والحرب الأليمه
شرف ضايع / وعزم يموت فينا
خيانة أرض .. والنية سليمه ..!!
وطن يكفيك مني .. دمع عيني
ويكفيني غياب .. أرضٍ عظيمه
تعبنا الحلم .. وجنونه وموته
على الأوراق .. ماله أي قيمه ..!!!!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(244)
.
.
.
قيمة جروح الناس / أرخص من الناس
وجرح الكرامة .. صار للناس عادي
كوكب كرامتنا .. سكن لوحة الياس
واحساس هيبتنا .. هجر كل وادي
الصمت خيبة كاس / يولد بعد كاس
والراس مايل .. قبل كسر الأيادي
يالعثمة وقتي تعبت .. اجرع الباس
والباس ذلَ رجال .. والهم حادي
ماباقي بروح المدى نبض واحساس
الحاضرالمجنون .. مافيه شادي
كل الغصون جنون .. والليل ترباس
والموت كل الموت .. طعن المبادي
إلى متى .. واحنا على فجوة الراس
نهدي مواويل الفرح .. للأعادي
أيا وطن عذري معك زيف واقواس
دامك بدمي عشت .. وآنا حيادي
خذني على قد الحزن والبس نعااس
يمكن بليل الياس ..أنادي : " بلادي" ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(345)
.
.
.
بلادي وش بعد ذل البشر ؟؟ وحكاية الإنسان
بلادي وش بعد موت الفرح في زحمة جنوني ؟؟
يكفيني من ألوانك .. خضار الأرض والتحنان
ويكفي من عيونك حزن .. لاح بدمعة عيوني ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(346)
.
.
.
عيوني منك .. ماخلت عيوني
ألا ياوجد روحي من عيونك ..!
برمشك .. تكتب عيون القصايد
بنظرة منك .. تسحرني / وأكونك
تعبت أرجم غلاك .. برمح نبضي
ورمح عيونك الخجلا / يصونك
هزيمة شوق .. بعروقي وكلي
وكلك منتصر .. في ليل نونك
عيونك / فتنة الدنيا .. وحالي
خسارة عمر .. لاعشته بدونك
لحالك بالسما .. تدفا بنبضي
وانا اتهجا .. مع بردي عيونك ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(347)
.
.
.
عيونك ساحل الأزرق ..
ضفاف الما
وعطر الما
وروح الما
وانا كلي سفينة نبض ..
تتحرا رصيف الهمس
في طلعة جبينك ..!
ياحنينك
مايشابه أي شي
ولا وصل له أي حي
وكل مايمكن نقول
أنك حلول
وكل ما تملك يقينك ..!
آآه من بسمة رضاك
ومن دهاك
ولخبطة نبضك
على كف السنين
وصوتك الخاثر يعينك ..!
زحمتك فوضى
فراغك من بياض
ولا وصل عندي سموَك
عشت ضوَك ..
وانتظرت النور يسهرني
تلملمني يدينك ..!
لاتغيب
ولا تعيد الموت لغصون الدفا
والبرد خلخلني
وصمت النرد
يلعب باحتمالات العمر
وانت العمر
دام الحنايا صدرها مرتاح في ضمة سنينك ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(348)
.
.
.
سنينك ترتويني .. من دفا نبضي .. ومن همس الليالي والصباح اللي هديته لك .. ولي منه الحياة .. ولا شفاه تعيد لي بعضك ولا كوكب جمال يعيدني أشفق على بعض الجنون .. وكل ماأملك جنونك .. لعثمة بوحك.. طعونك .. من غيومك .. من صخب روحك لقيت الما .. يعيد الما .. لبعضي وارتويني وأهدي الباقي من انصاف العمر لسنينك الأجمل .. ولا أكمل من احساس الدفا ليلة شتا .. والكوب مليان بعطا .. نصه حنين .. ونصه الثاني وفا .. عطر وغفى .. في كل مايمكن يكون .. ولا يكون إلا أنت في كل العمر .. مهما يصير ..!
.
.
.
لايهمك من أكون / ومن تكون
الأهم .. المااء بعروقك يعيش
المطر .. بلل عصافير الغصون
انفض ايامك / وطيّر كل ريش
أدري أن الحب معناه / الجنون
اسأل المجنون .. ويجاوبك ليش
المدى يسأل .. ومن حوله ظنون
والمدى وده .. مع ودك يطيش
الأكيد إما نكون .. او لانكون
والأهم أنك مع نبضي تعيش ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(338)
.
.
.
تعيش دمعة حرَ .. ويموت الأحرار
والخطوة اللي تبكي القيد / عرجا
لابارك الله في رجالٍ / بلا نار
ولا بارك الله خيل .. مافيه سرجا
الصمت حكمة بس من يغسل العار
ياضعفنا / والجزمة تعمَ الارجا ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(239)
.
.
.
الارجا نور ..
زحمة همس ..
واغصان وغنى وطيور ..!
صباح الخير
وخير الصبح ..
معناه انتماااء
ورفرفة جنحان
في صدر الغريب اليائس المكسور ..!
هذا الليل ماهو ليل
هذا تمتمة آمال
حضن وصال
شمع خصال ..
تتمايل على تاريخ قلبي
تحتفل بالعاشقين حضور ..!
بدايةعااام
نهاية عاام
واحنا في مواويل الثواني
نلتقي بين الخجل
حب ووجل
واقف على نحر الليالي
والعزا غيمة رجا
ترمي العطش لـ السور..!
يابنت وش معنى رضاك
يعني غلاك
يعني تباشير الضيا
في ليلةٍ قشرا
يعاشرها الوجع
في غفلة الناس الغبية
والحزن دستور ..!
مايهمك من أكون
ولايهم أنك جنون
الأهم أنك سنا
شي انثنى
واهدى الحياة الماثلة
معنى الخطاوي
والرجاوي
شي ثاني ..
جاوز الحلم القديم الجاير المشهور ..!
آآه يا صوت السنين
ياطهارة هالحنين
ياعذوق الما
على شباك روحي
والفضا
زحمة رضا
دام الوله ممطور ..!
تعبت آآآدور
واسألني
واخالجني عنَا
وانسى الهنا
وانتي على حروة أنا
وانتي أنا
وانا المطر
في هيئة انسان ..
ابتدا ..
يغزل من الشمس الوفيه..
شمعته ويثور ..!
.،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(240)
.
.
.
يثور فيني دمع / ويثور الانسان
لاشفت ذلَك ياوطن .. في عيوني
الله واكبر / وش بعد ذلَ الاوطان ؟
ماعاد غير الموت ... يقرا ظنوني
ولامن سألت الناس / عن فعل " زنان "
يطيب لي موتي .. بشرفة حصوني
مات بشرف / في ساحة العز نيشان
وانا معي قيدي .. يسابق جنوني
بعض البشر مافيهم العزم صنوان
مافيهم إلا صمت / كسَر غصوني
والله لولا والديني .. بـ الاحضان
لآغيب غيبة .. من سقى العزَ دوني
ياصبر تكفى / غيبتك تقتل انسان
يكفي عيوني .. موتها في عيوني ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(341)
.
.
.
عيوني ..! ماتنام الليل كله
لأنك في عيوني صبح ضافي
صباح عيونك الخجلا / وطرفك
صباح البحر .. ياعذب المرافي
صباح احساس .. يرقا في غيابك
وبحضورك .. صباح الحب وافي
صباح النبض / وعروقك / وقلبك
صباح الورد .. ياصبح اعترافي
صباحك طفل ... والذبلا عيونه
يصبح للندى ... والقلب صافي
صباحك عطر / شميته بروحي
صباح البرد / دام البرد دافي
صباح الخير .. والخير بعيونك
صباحي غير / دامك عطر قافي ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(342)
.
.
.
قافي على مفرق سنة / يبكي أشياء
موت السنة وغياب روحي بروحي
إلى متى يارب .. بنموت أحياء ؟
وإلى متى يارب .. تنبض جروحي
آسيل في كل المتاهات ... باشلاء
ماني أنا ... والدمع يهدم صروحي
كني شتا / كني مدى .. كل الأنواء
مدري وش آآسمّي : حكاية جموحي
خيلي يقود الصبر / في كل الارجاء
واحفر معه نقش المطر في صروحي
واواجه رياح العنّا / غربة الياء
وارسم جنون الما .. على ضي لوحي
جمر السنين يزيدني / موت واعياء
وليل الحنين .. يعيد لي / نار بوحي
وآآغيب فيني .. واذكر النور حواء
وآضيع في ظلما .. مراسيل نوحي
النور نبض ارواح .. وحكاية الماء
هي حلم روحي / دام روحي بروحي ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(343)
.
.
.
بروحي طيش حلم / وحلم آتي
وحلمٍ مات .. ماله أي قيمه ..!
تموت احلام / والأفراح تكبر
يموت الناس .. وتعيش الهزيمه
لك الله ياوطن حزنك كسرني
ولا لي في سحاب الظلم ديمه
عيوني شافت أبعد من عيوني
وحلم الناس صار أكبر جريمه
قريت اللي بعد ماصار فيهم
وشفت الذل يرقا في غريمه
ألا ياحلم .. وش حيلة جروحي ؟
وانا وافي ... وكلي نبت غيمه
سكوتي حزن / في بعض المواقف
وصوتي طفل .. وافكاره يتيمه
تموت اطفال بعيوني .. وصدري
يعيش الظلم .. وايدينه كريمه
تعبت أشرب جروحي من جروحي
تعبت الليل ... والحرب الأليمه
شرف ضايع / وعزم يموت فينا
خيانة أرض .. والنية سليمه ..!!
وطن يكفيك مني .. دمع عيني
ويكفيني غياب .. أرضٍ عظيمه
تعبنا الحلم .. وجنونه وموته
على الأوراق .. ماله أي قيمه ..!!!!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(244)
.
.
.
قيمة جروح الناس / أرخص من الناس
وجرح الكرامة .. صار للناس عادي
كوكب كرامتنا .. سكن لوحة الياس
واحساس هيبتنا .. هجر كل وادي
الصمت خيبة كاس / يولد بعد كاس
والراس مايل .. قبل كسر الأيادي
يالعثمة وقتي تعبت .. اجرع الباس
والباس ذلَ رجال .. والهم حادي
ماباقي بروح المدى نبض واحساس
الحاضرالمجنون .. مافيه شادي
كل الغصون جنون .. والليل ترباس
والموت كل الموت .. طعن المبادي
إلى متى .. واحنا على فجوة الراس
نهدي مواويل الفرح .. للأعادي
أيا وطن عذري معك زيف واقواس
دامك بدمي عشت .. وآنا حيادي
خذني على قد الحزن والبس نعااس
يمكن بليل الياس ..أنادي : " بلادي" ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(345)
.
.
.
بلادي وش بعد ذل البشر ؟؟ وحكاية الإنسان
بلادي وش بعد موت الفرح في زحمة جنوني ؟؟
يكفيني من ألوانك .. خضار الأرض والتحنان
ويكفي من عيونك حزن .. لاح بدمعة عيوني ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(346)
.
.
.
عيوني منك .. ماخلت عيوني
ألا ياوجد روحي من عيونك ..!
برمشك .. تكتب عيون القصايد
بنظرة منك .. تسحرني / وأكونك
تعبت أرجم غلاك .. برمح نبضي
ورمح عيونك الخجلا / يصونك
هزيمة شوق .. بعروقي وكلي
وكلك منتصر .. في ليل نونك
عيونك / فتنة الدنيا .. وحالي
خسارة عمر .. لاعشته بدونك
لحالك بالسما .. تدفا بنبضي
وانا اتهجا .. مع بردي عيونك ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(347)
.
.
.
عيونك ساحل الأزرق ..
ضفاف الما
وعطر الما
وروح الما
وانا كلي سفينة نبض ..
تتحرا رصيف الهمس
في طلعة جبينك ..!
ياحنينك
مايشابه أي شي
ولا وصل له أي حي
وكل مايمكن نقول
أنك حلول
وكل ما تملك يقينك ..!
آآه من بسمة رضاك
ومن دهاك
ولخبطة نبضك
على كف السنين
وصوتك الخاثر يعينك ..!
زحمتك فوضى
فراغك من بياض
ولا وصل عندي سموَك
عشت ضوَك ..
وانتظرت النور يسهرني
تلملمني يدينك ..!
لاتغيب
ولا تعيد الموت لغصون الدفا
والبرد خلخلني
وصمت النرد
يلعب باحتمالات العمر
وانت العمر
دام الحنايا صدرها مرتاح في ضمة سنينك ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(348)
.
.
.
سنينك ترتويني .. من دفا نبضي .. ومن همس الليالي والصباح اللي هديته لك .. ولي منه الحياة .. ولا شفاه تعيد لي بعضك ولا كوكب جمال يعيدني أشفق على بعض الجنون .. وكل ماأملك جنونك .. لعثمة بوحك.. طعونك .. من غيومك .. من صخب روحك لقيت الما .. يعيد الما .. لبعضي وارتويني وأهدي الباقي من انصاف العمر لسنينك الأجمل .. ولا أكمل من احساس الدفا ليلة شتا .. والكوب مليان بعطا .. نصه حنين .. ونصه الثاني وفا .. عطر وغفى .. في كل مايمكن يكون .. ولا يكون إلا أنت في كل العمر .. مهما يصير ..!
ليست هناك تعليقات:
إرسال تعليق