أوراق ممطرة الجزء التاسع والعشرون

(390)






.
.

.








خليتك بروحي / وانت تدري
مكانك .. في عيوني ياعيوني



عصافير الوفا .. تجتاح كلي
وتنبش بالغلا / حفلة طعوني



نعيش الحلم .. والأحلام عذبه
حنونه / لو بكت منها ظنوني



تعااال ... نردد : الأحلام نعمه
نغنيها وطن ... دامك لحوني



يكفيني / أسميك : انت عمري
ويكفيني .. أعلَي بك حصوني



ويكفيني / أحبك لين نفنى
ولو ماعشت / ليله في جنوني ..!







.
.

.


(391)






.
.

.







جنوني / من غلاك يزيد غيه
وغي العشق طاغي في / جنونك



غصوني / فيك تذبل بس حيه
حياة الما إذا مالت / غصونك



حصوني / بالعطا ظلت وفيه
وفا ماله شبيه إلا / حصونك



شجوني / تستفز الغيم فيه
وفيك الغيم مافارق / شجونك



طعوني / منك فيك بلا خطيه
ويخطي من سلم لهفة / طعونك



عيوني / ليلها ماشب ضيه
وضي الكون من لفتة / عيونك ..!







.
.

.

(392)






.
.

.









عيونك سالفة عمر / وأماني
ألا وش لي بغيرك بالقصيده ..!



أنت أجمل وطن / سطر حناني
وأنت لـ قلبي الدافي .. وريده



أنت الصبح / واحساس الأغاني
وغيرك ..! تكملة سطر بجريده



أنت المااء ~~ في غيمة لساني
وأنت لصوتي انواءه / نشيده



أنت الشوق / واحضان المواني
وانا غربة بحر .. ملحه فقيده



تعاال بشوق / وابدا بالمعاني
تعاال وغن بي .. حضنك وعيده



يمَر الموت بي .. وانسى زماني
وسيف الثانيه .. يطعن رصيده



أنت اول ..! ولا به شي ثاني
يعادل فرحتي / لو هي بعيده



أنا لك .. لو حضنتك في مكاني
وانت الحلم .. وامطار القصيده ..!











.
.

.

(393)






.
.

.







القصيده نبض / وانت النبض كله
وش بعد بعدك ؟ ومنهو لي حبيب ؟؟


لانسيتك .. جيت روحٍ مستحله ..
ولا ذكرتك .. صحت بي / لالا تغيب ..!







.
.


(394)





.
.

.






لا تغيب ..

ولاتمر عيون صبري

وانت تعرف في مدارات الزمن

قدرك وقدري ..!


لاتسلمني لغيرك

دامني بالعمر طيرك

هاتني في غصنك الدافي

وبلل ريشة الوصل الزكيه

وان قدرت تشوف صدري ..!


هاك صدري

والمح طيوفك رياحك

شوف وش سوت رماحك

هاتني في صدرك الوافي

وخذني من تفاصيل الممات بوسط قبري ..!


ياعيون النبض

يا أغلا المساءات الوفيه

هاتني في حضنك الغافي

وخذني من جفاف الغيمة القشرا

وانا ادري وأنت تدري ..!


كم على جذع انتظارك

ملني ليلك نهارك

وانت فيني

من حنيني

يحتفل حرفي بجدري

واهدي رياح السؤال المرَ

تعذيب الإجابات الممله

وانت عذري ..!









.
.

.



(395)






.
.

.







عذري أني " موت أحبك "وأنت تدري
وعذرك أني "موت أحبك " وأنت ذايب ..!







.
.

.



(396)






.
.

.








ذايب النور بعروقك .. وبيدك نهار
اعذر الشمس / لاراحت بوجه المغيب



وحدك اللي تزم الماء .. لآخر مدار
ووحدك اللي يسمى بالعروق / الحبيب



غيبتك عذرها .. حضنك بوجه الحصار
وأنت باحضاني / احكاية رجوع الغريب



ياحبيب المطر ... ياروح كل الديار
هاك أرضي وانا / واللي بعيد وقريب ..!




..

بمناسبة الرقم 400

بقي أربع مشاركات فقط وتنتهي هذه السلسلة بوصول المشاركات لـ 400 مشاركة ..

وكل الحب لمن تابعني هنا

وهذه

من أعماق السـيل

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


(397)






.
.

.








قريب مني / والمسافه حكايات
محدن قراها .. والتعب / عين تحكيه



قريت بك ... كل البشر / والمعاناة
لقيت بك .. روحي / وحلمٍ أداريه



انت الكثير .. اللي كتبته / روايات
من سلسلة هذا المطر / وين أوديه؟



خذ من حروفي .. ما يكفيك حسرات
وخذ من عروقي .. كل حزني وغنيه



وحدي / على باب المسا / كلي آهات
أحتال في طيفك / واضمه / واخليه



شوقي لك / اعظم من تعابير رغبات
وحزني بك / أكبر من مطر دايم اهديه



لاقلت لك وينك ؟ تقول اسأل أبيات
ولاقلت هاتك / قلت لي صبرك اش فيه



هذا الصبر/ عايش معك حي مامات
هيله غلاك .. وكل ما أصبر أغليه



لو خيروني .. بين ماجا / ومافات
أخترت عينك .. والزمن "طز" مابيه ..!


،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(398)





.
.

.





مابيه يزعل لو ثواني / وانا ازعل
ولا ودي أن العمر يمشي بدونه


هذاك ماغيره .. سنا النور الأكمل
ولا غيره أحدن / مكتسحني ليونه


يغيب واسأل / وارجع آموت / واسأل
ليه الغياب ؟ وليه صمتي يخونه ؟؟


حلفت له / ما اقول كلمة .. ولا ارحل
وحلفت ... ماتمطر سماي الحنونه


لكن وش الحيله مع الطرف الاكحل ؟
لازارني طيفه ... ولاحت شجونه


آموت به واحيا .. وانا اقول الأجمل
وآعيد ارتبني / برسمه ولونه


وآشكل الدنيا .. من المااء الأعزل
وآعيش ممطر / في عروقي طعونه


وانساه فيني لين ما آذوب وأزعل
واصيح .. وش هالكون لحظه بدونه ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(399)






.
.

.








بدونه ..

لاطريق ولا رفيق

ولا لـ هالدنيا معاني

لاولا حط الفرح ليله

على غصني ورق ..!




بدونه ..

يستفز الذاكرة طيفه

وانا ضيفه

وكل اللي على بالي

غلاه

وتمتمة روحه

وروحه عن سواه

تقول ربي قد فرق ..!




كيف ابنسى ؟

ومانسته عيون قلبي

ولانساه الوجد

والليل الحزين

الغافي بحضن الأرق ..!




من يسمي شرهة العاشق

جنون

ومن يسمي جمرة الفرقا

ضيا حب انحرق ..!




ياعيوني

لاتجوني

أتركوني

في ظلام بحور شوقي

في متاهات انتظار النور

واحزان الغرق ..!




شوقي عظيم

ولا يضيم الحال

غير فراق

زلزل كل مافيني

تفاصيلي وطيني

والمطر من حضني المجنون

بيديه انسرق ..!




وش أقول لغيمتي

والما

عما

والليل مايهدي سوى

نجمه بعيده

حظها ماقام حظه

والبلا دمع وبرق ..!




انتظار بلا قرار

حصار

يهديني حصار

وكل مايمكن يكون

عيون

تتحرا وطن

وآنا على باب اختصاري

كل ماأملك

أماني

حطت أوزار التعب

فيني

وخلتني

مساحة من ورق ..!