(121)
.
.
.
بـ غيابك الألوان
تشهق وتسرقني ..
أكتب بليا لون
والأرض تشربني ..
زحمه على زحمه
فراغ يقتلني ..
كل الضياع دروب
تمشي وتسألني ..
هي حلم ولا علم
لاعاد تنشدني ..
قلت العفو يادرب
مافيك تقبلني ..
خذني على كتفك
هيا معك خذني ..
يكفي سهام الشوق
بالروح تطعني ..
هي حلم قبل الحلم
يكبر ويسهرني..
هي كل .. يوم الكل
أبعد ويقربني..
هي افتتاح الغي
وظنونها ظني ..
هي فارسه من نور
والنور غربلني ..
لاوين باحيا وين
وآموت في حضني ..
موت المطر مسموح
باعرافها شفني ..
أعيش حرف وحرف
مشنوق في جفني ..
أسهر بليا سلمَ
والروح تقسمني ..
نصفي لها مضمون
والثاني أتعبني ..
فيه الشعور بحور
فيه العقل مثني ..
حول الجنون يدور
يلعب مع حزني ..
وانا مع الأيام
منهو يجبرني ..
كسري ضيا روحين
والشاهده مني ..
تعيش وسط عروق
تعدل وتظلمني ..
وآغيب وسط الناس
كني ولا كني ..
عايش بليا روح
والروح تنهبني ..
كني جنون الكون
والكون ضيعني ..
قطرة مطر ملعون
والسيل لوعني ..
لاوين بمشي وين
وآموت في حضني ..!
(122)
حضني نهر ..
وانت المسا
واحلا مواويل السهر ..!
حضني عطش ..
وانت بغلاك تعيد موال الجفاف ..
وتنتظر مني مهر ..!
وش عاد باقي بالعمر ..!
ماعاد غير ثيابي ..
وعطرِ نسيته في عروقي يحتظر ..!
يا آسري
يافتنة الدنيا
وياروح الأغاني
وانطلاق البوح في روضة شرايين النحر ..!
عطني عيوني
وخذ من عيوني عيوني
وقبل ماترحل
تعااااااااال
نموت بعيون السفر ..!
يعني تعااااال
نعيش لحظه
بس لحظة
نبني أنصاف الجنون
ونغزل الأحلام من عين القمر ..!
(123)
.
.
.
القمر فتنة سما ..
وانتي على باب المجرة .. فتنة الكون وأنا ..!
ياصوت روح وبعثرة ..
لمَي تفاصيل الشتات .. وبعثرينا كلنا ..!
خوني العمر ..
خوني الحزن ..
وتعالي نقطف اللحظات من فصل الهنا ..!
لامتى واحنا هنا ..!
نشرب الغصات وسيوف العنا ..!
سرَجي خيل الثواني ..
والبسي درع الأماني
يمكن الألآم ترضخ ..
لـ انفلات الضي من صدر الجنون ...
ونهزم الشمس العنيدة لاوطينا ظلنا ..!
يمكن انضم الفرح ليله ..
بعد سوط الحزن ماضمنا ..!
يمكن ويمكن ..
ويمكن ..
كلها في وادي الأحلام تعني ربـ مااء ..
وربما حلمي ذبحني ..
واستحل الباقي المنظوم في حوض الليالي وانثنى ..!
ربـ ماااء وربـ ماااء
وربما
فاتنة تسكن جروح
وتقطف الورد المعتق في عيون الظلم لامنه دنا ..!
فاتنة والليل غير ..
ساكنة صمت الضجيج ..
وهادية صخب وسنا ..!
كلها فتنة وجرح وفرح وامطار وعواصف ..
صوتها حمَى عواطف ..
دمعها أنثى على سيف الرصيف الممتلي غربة فنا ..!
حزنها سيل ومطر
حزنها كله أنا ...
وكلنا صرنا متاهة سيل في وادي جفافه لمَنا ..!
نرسم الدنيا ربيع ..
وحلم ماذاق انثياله غيرنا..!
(124)
.
.
.
غيرنا في زحمة الغيم انثنى
__________ يوم حنا بالسما نسقي الغيوم
علميني ليه حبك بي دنا
__________ وارتعد عرق الوفا بين العزوم
لالمحتك طيف ضيعت الأنا
__________ وارتبك عقلي ولميت الهموم
كني الملقوص باحضان العنا
__________ وكني المبلي بروحه كل يوم
لاتقولين العمر غنى هنا
__________ والعصافير الذليلة ماتقوم
قدرك أكبر من تفاصيل السنا
__________ والبحر ماكل من زاره يعوم
أنتي أعظم روح بعيوني وأنا
__________ بعض روح تلم زفرات الغيوم
(125)
.
.
.
الغيوم عيون والارض الخدود
_______ يادموع اليوم وش باقي نقول
كل مامريت صدري والقيود
_______ يشتعل فيني مساء بلا حلول
لاشطبت الحلم شبيت البرود
_______ وارتميت بهـ السما كلي ذبول
علميني وش ورى نبض الورود
_______ لامتى والحال يحكي مايقول ..!
(126)
.
.
.
يقول الســـيل ياروح المدينه
__________ كم الباقي على موت الأنين
نظمت الفجر بخيوط الغبينه
__________ وسيلت المطر شوق وحنين
نطرتك والسما صارت سجينه
__________ بكف الصبر ودموع الحزين
أمل ولا ألم ؟ وين السكينه
__________ جفتني ..والتعب ما يستكين
كأني طير في سجن السفينه
__________ كأنك بحر .. وانفاسك سنين
سقتني بالأمل .. غربة لعينه
__________ عطشها.. حلم دافي مايلين
تعالي قبل موتي تعلنينه
__________ تعالي اليوم ..ولا.. لاتجين ..!
(127)
.
.
.
لاتجين ..
قصدي أتمرد على شوقي وأصبر هـ السنين ..!
قصدي أتذكر بنسيانك مدى حزني ..
مساءات المطر والبرد ..
واتدفا بصمتك..
لاسكن صوتك .. عروق الصابرين ..!
ياتجين وياتجين ..
مالك بحمل الحزن في كلمتين ..!
( أحبك وبس ..! )
كلها معنى ومعنى
ينتعل غيم الوله..
يسأل .. متى حضنك يلين ..!
ياتجين وياتجين ..
لك فساتين الغلا ذابت أمل
وتعطرت من دمع روح
وتنتظر لفتة حنين ..!
لعنبو صوت الزمن ماهو أمين ..
كل ماصاحت جروحي يبتسم
واسنانه السودا
فضاء من الانين ..!
يحترف موت الورود
ويزرع الأغصان ياس
وفاكهة مرَة
مرارتها تشابه موت نبض الياسمين ..!
ياتجين وياتجين
مابقالك عذر
بعد النهر
مالملم جفاف الساكنين ..!
(128)
.
.
.
الساكنين بداخلي كلهم غير
________ وانتي لحالك غير والبيت ثاني
لاتسأليني وين بآقولك خير
________ خذي عيوني والبقا لـ الأماني
روحي سكنك وكل ابوها مقادير
________ ماعاد لي حيلة بزحمة حناني
إما تعالي واطلقي غبنة الطير
________ ولا ممات الحرَ يرضي حناني
(129)
.
.
.
حناني الواقف مع الحلم بالصف
___________ اتعب غيابي .. والبقا حلم ثاني
بيني وبيني معركة تكسر الشف
___________ واحسب مسافات الشقا بالأماني
غلطان من يعشق وفي داخله رف
___________ جناح عزَ .. وكلَ مابه .. يعاني
إما يعيش العمر يمطر وهو جف
___________ و لا يدوَر لـ المطــــر / عمر ثاني
(130)
.
.
.
ثاني الأحلام واولها سوا
_________ وعاشر الأحلام هو نفس الأخير
كلها ألوان واحلام وضوا
_________ كلها أنتي .. وأنتي لي مصير
عاشقك والعشق ملعون الثوا
_________ ماتركني.. أهدي لـ غيرك حصير
كلك بقلبي وقلبي بك غوا
_________ المسافة نبض واحساس وضمير
عرقي المجنون منك ما ارتوا
_________ علميني .. كيف أضمك بي واطير
نبني من الغيم تفاحة هوا
_________ ونستعير من السما ... شي ٍ كثير
نسرق الأحلام ونغني سوا
_________ غير كل الناس .. والله أنت غير ...!
(131)
.
.
.
غير غير ..!
أنت وعيون السما .. بعيوني غير ..!
كل ماجادلت روحي
صاحت عروقي .. وفا
والله واحشني كثير ..!
أيه واحشني كثير
قالها غيري كثير
بس أنا غير البشر
لاقلتها بآقولها من قلب واحساس وضمير ..!
أيه واحشني كثير ..
كثر الهبوب اللي ترفرف في عيون الغصن تتسامى عبير ..!
كثر ما فاحت أراضي العشق بالدنيا ..
وغنى للفقر شاعر أمير ..!
كثر ما طاحت وجيه ..
وكثر مالاحت بقلبي ذكريات ..
وصارت القمرا سفير ..!
كثر ما اتغرب مسافر ..
كثر ماهل المطر بارضي وبارضك ..
في فيافي الوقت والدمعة تغير ..!
أيه واحشني كثير ..
كثر ما حنَ الغريب لحضن ينسى فيه ماساة الكسير ..!
كثر ما ولع زماني دمعتي ..
في ليل يتغنج ولَه ويسامر الدمع الغزير ..!
كثر ماصبحي نساني ..
وانت عنوانه وبيته ..
لو شموس الأرض مالت في كفوفي..
مالي بغيرك مصير ..!
والله واحشني كثير
وربي واحشني كثير ..!
(132)
.
.
.
كثير ماعشت بـ حروفي
_______ وياكثر موتي على شانك
فيك احترق والولع يوفي
________ كم للوطن يبكي اشجانك
مسافة البعد في جوفي
________ أتنفسك واسقي اوطانك
إلى متى ترجم كفوفي
________ والعطر والوصل بـ جنانك؟
تعال بسقيك من شوفي
________ وانسج من الروح فستانك
قصدي تعال اقتل ظروفي
________ وارمي لك العمر باحضانك ..!
(133)
.
.
.
احضانك الما وروح النور
______ واحضاني النار والظلما
فيك البحر يختلط بالحور
______ الغدر واوصافك وسلمى
كلك على بعضك الممطور
______ تنساب في داخلي واضما
وكلي على بعضي التنور
______ اشتاق والجمر سيل الما
مهما تباعدت خلف السور
______ احساسك يقدي الأعما
تعال وش تنتظر يانور
______ تعال / قمَ ولع الظلما ..!
(134)
.
.
.
ظلما وباب وسور
وليلة جفا
فيها جفاف الما دليل ..
ولاسرى فيني سوى ..
هيبة جفاف النور ..!
يانصفي الممطور ..
وش باقي بدنيا الألم
غير انشطار الذاكرة
مابين ترتيب الجنون
وتمتمة بعض الكلام
وخاطرٍ مكسور ..!
ليلة ألم وحضور
وغياب بعد غياب
والأيام تبنيني حواجز في طريق احلامي القشرا
وتعطيني مساحه للتعب وآثور ..!
ليلة جفاف النور
ليلة سكن فيها الخضوع
وفزَ قلب
وفاح درب
ولاح بيدين المسا ..
لحن السما في حنجرة عصفور ..!
(135)
.
.
.
عصفور بيد الحلم والباقي الراس
__________ وش حيلة العصفور .. والحلم قاسي
طيرت له جول الغلا طيب واحساس
__________ وفلَ الجناح .. وروَض جموح باسي
كنه على حروة سما دق الأجراس
__________ وكني على حروة ألم .. بأحتباسي
أفيض له بندق مشاعر وقرناس
__________ شاهين غير ... بكل الأجواء راسي
ويرد لي حزنه تفاصيل واقواس
__________ واكتب من أنصاف الفضا مايواسي
هذاك غير وكل ماطارت انفاس
__________ يطير بي يم السما ... حلم قاسي ...!
(136)
.
.
.
قاسي زمانك ياورق ..!
ظالم يهدَ الحيل ..
ويزيد الغرق ..!
لاصوت لامعنى
ولا أية وطن بيد الوطن
كل الحكايه
جرح سال وهمَ يتثنى أرق ..!
مدري من الظالم
من الحالم
من اللي باح سده بعد وده
وارتوى مووت وأماني
من عن الثاني فرق ...!
ياجموح الحزن
باطراف الأصابع
كيف لك تثبت
وروحي في سماك تهدني
وآلمَ غيم الكون باحضاني
وحزنك داخل أحضاني برق ..!
من يعيش بدون غصه ..؟
من يمووت بليل يتفاءل بصبح
ولا يمر الا بدرب من الجفاف
الظالم الحالم
وشمعة تستعير الحزن لحظه
تنتعل قسوة ورق ..!
(137)
.
.
.
ورق ..! ويطيح من بال السما دفتر
____________ ورق .. ويطير شوق ويفتح المنفى
كذا .. معنى الضياع الدامي الاكثر
____________ كذا وآمووت .. وانت بداخلي تغفى
(138)
.
.
.
تغفى البشر وانت تسهر داخل عيوني
_____________ ماقلت لك : لا .. ! لكن خلَ دمعاتي ..!
يكفي جفاك وغيابك .. تكفي طعوني
_____________ يكفيك تسكن عيوني .. قبل دعواتي ..
(139)
.
.
.
دعواتي اكثر من تفاصيل همي
_________ وانتي على باب البحر زينة الموج
لمي كفاف العشق لا صحت لمي
_________ وتذكري لحن السما خيل وسروج
أدري بهمسك كل مافاح دمي
_________ تجين تـفاحة غنج .. تظلم الروج
غلاك.. مايوصل غلاتي لأمي
__________ مير الغلا مجنون باضلاعي العوج
(140)
.
.
.
العوج هي أضلاع ولا ستاير
________ مدري ولكن المطر في عروقي
أحس بين أطرافي الشوق ثاير
________ وآحس بك تجتاح كلي وذوقي
آحس كل الكون مثل الدواير
________ والمركز انت وجاذبيتك شوقي
دنياي من دونك حصيلة خساير
________ أخذت ماجمعت داخل خفوقي
فدتك روحي والعنَا والستاير
________ فداك كل الما بداخل عروقي
ليست هناك تعليقات:
إرسال تعليق