أوراق ممطرة الجزء الخامس عشر

(229)






.
.

.






شمعه ..

وانا وانتي ..!

والنور يسمعنا ..

جفف مدامعنا ..

ونذوب في غيمه

وننسى بعض معنا ..!




روحي مهي روحي

وروحك ندوَرها

ونضحك ونتمادى

والنور يسمعنا

يمسح مدامعنا

ونذوب في ديمه

ونلقى بعض معنا ..!




ياحلم ماهو حلم

إلا خيال الظلم

كم لي مع الشمعه

اسأل متى حنَا

هالنور يسمعنا

 بلل مدامعنا

ونذوب من شيمه
 
 وضعنا محد معنا ..!

 وضعنا محد معنا ..!

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


(230)





.
.

.






معنا رداة الحظ وجنون عشاق
 معنا مطر هـ الكون / والحال حاله



إما نموت بـ كيفنا عز وفراق
 ولا التقينا غصب / ماهي سهاله ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(231)





.
.

.





سهاله كل هـ الدنيا سهاله
ولا فيها صـعيب الا .. صباحي



أحسه رمح باضلاعي وكني
صباح اطفال .. ميت من رماحي



فراغ النور بعيوني مصيبه
وشمس الناس ماترضي جراحي



أنا شمسي حبيبه في عيوني
تساوي الكون .. وتزيد اجتياحي



فديت عيونها وعيون قلبي
بكتها غصب .. والعزة وشاحي



طيور الحب ماخلت وطنها
وانا مليت ..! من عثرة رياحي



سنين الموت عمري معتبرها
جواد وطاح .. من زحمة كفاحي



أيا دنيا التعب ماراح يكفي
وش الباقي وكلي / حلم صاحي ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(232)






.
.

.





صاحي ولي في بسمة النور عنوان
كلي مطر .. والغيم يجتاح كلي



طبعي وضوح ولا تكلمت بلسان
يحسّبونه شمس والحرف ظلي



هذا أنا واضح وانا أبن زنان
أوضح من الما والسما تعترف لي ..!



،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(233)





.
.

.






لي ..

كل ما للغيم فيك

ولك ..

كل غيمة في سماي ..

تهزني بالوجد ..

واتساءل عليك ..!



وحشتني كثرك معي

واكثر من احساس التعب ..

في خاطري ..

في لوعة ضلوعٍ تبيك ..!



وحشتني كثر السنين

اللي تساوم فرحتي

تحتال بي غربه ...

وتمطرني وأجيك ..!



وحشتني ياكبرها

للي سقا روحه وفا

من قبل مايحضن يديك ..!



وحشتني ماتكتب اللي داخلي

من شوق غطى له بلاد

وحلمه أعظم من لقا

مادام روحه تهتديك ..!



وحشتني

وحشتني

وحشتني ..

كثر السما ماتسأل عيوني عليك ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


(234)





.
.

.




عليك تسألني مشاوير العروق
لاجيت اوصلها لباب حكايتي



تقول وينه قلت باقي له شروق
اشوفه بـ عيني حنان مرايتي



ماغاب عني والوفا فيني بروق
كل الحنايا تمطره بـ عنايتي



وحده يمون ولا تكفيه العروق
هو كل مافيني وكل روايتي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(235)





.
.

.





روايتي ما تنكتب ياحبيبه
دام الليالي حفل وآنا المعازيم



اسهر على غيم احتمالي بريبه
وامطر جفاف وكل غيمه بتعليم



انا السهر وآنا المطر والغريبه
واقف على حد الضيا احفر الديم



ودي بـ بير من الفرح يهتني به
من كان حزنه ليل عزف وتقاسيم



كل على دنياه يبكي نصيبه
وآنا بـ هالدنيا بكيت المظاليم ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(236)





.
.

.





المظاليم بـ عيون السنين : اعتراف
وفي عيون البشر فوضى و زحمة طريق



ماعلى الموت شرهه لو يصير اكتشاف
أن بـحر الحقايـق .... مالقى له / غريق



دمعة الحرّ : تفرق .. ماعليها خلاااف
ودمعة النور : تبرق والمـدى مايفيق



كل هـ الليل بعيون الصباح / اختلاف
وكل صبحٍ سقاه الليل .. ماله بـريق ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(237)





.
.

.





بريق اعتيادي مايشابه بريقك
كل البشر في كف وانتي بكفه


وحدك حياة الما وروحه طريقك
وحدك عيون الغيم كيفه وشفه ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


238)






.
.

.




شفه مطر روحك وأحضانك وبس
لاتسألين شلون ؟ روحه تعلمك



فاح التساؤل وانتهى بك ولا حس
الا وغصنه بـ السماوات كلمك



الأرض تنشد والمطر جمَع الهمس
سلمك روحه ويش باقي يسلمك ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(239)





.
.

.






يسلمك رب الكون ياعز مخلوق
نامت عيونك يوم عيني سهيره



ياليتني جفنك واعلمك برفوق
وشلون تحلم بالمطر ياعبيره



طيفك تهجاني ويقراني الشوق
صفحات روحي مالها عنك خيره



بعيد وانت بداخلي زحمة عروق
قريب لكن تسكن اطراف ديرة..!

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


(240)




ديرة بدون الما فلا هي بديره
وقلبٍ بلا حبك فلا عاد له قلب ..!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

(241)






.
.

.





قلب ..!

وش يعنيك قلب ..!

خذ عيوني ..

خذ خيال العاشق المغرم ..

وخذ كل السنين ..!




قلبي أهديتك

مع كامل حقوق الموت

وانفاس الرضا

تتبع خطاك

وتحتري نبضك يلين ..!




يا أمير النور

يابسمة فضاي

ويارضاي

وزحمة اشواقي

وروح العابرين ..!




خذ من الدنيا أنا

كلي أنا

خذ من جروح السيل

عنوان الفرح

واصنع من احضان الدموع

اوطان لك

تفرح على كثر الأنين ..!




خذني أنا

كلي أنا

خذ كل مايمكن يسمونه مطر

وأحلا العمر

خذ كل مايغلا عليك

ولاتخليني سجين ..!




اشتقت لك

كثرك معي

كثر انثيال الما

على باب المسا

كثر احتيال النبض

لا مرمر عروق السيل

صمت الراحلين ..!




يافدوة عيونك أنا

ياكل تعريف الهنا

فديت روحك

ماتجي ثمن احتراقي

وانطلاقي

في بحر روحك

مع مجداف من شوقي الثمين ..!



يا أمير النبض

ياعطر المدى

هاتك معي

نسهر على فوضى الخيال

الممتلي ضي ومطر

أو هو سفر

مدري ..؟

ولكنَ الأهم انك معي

في داخلي تسهر

ولو صوتك غياب

وكل ماحولي غياب

ولا حضر غير الحنين ..!