40)
/
\
/
\
دوني قهر ..
دوني شجر ..
يكفي ضجر ..
قصدي أقول ..
أنه يكفيني من الألوان .. تغريب الرمادي ..!!
المطر نبضات ريحه..
من رماد أليا رماد ..
وبينهم ../ شهقة لهيب ..
وعمر .. يتمادى عبث .. برد وأيادي ..!!
وين أبلقى صدر ثاني ..
يحتمل فوضى المزاد ..
واحتمالات الحياد ..
وانكسارات الجياد .. اللي على وصل السّعد شبّت فؤادي ..!!
من بيتحمل عنااااادي ..؟؟
من يسامرني على بُن القهر .. ؟؟
يوم الـ (أسى) .. نبضه (عـ سى)
والفرق حرف آموت به واحيا .. واشدّ الحزن في ظهر المسا .. وآقول عادي ..!!
(41)
/
\
/
\
عادي بعينك .. كل الأشياء عادي
______ وانا بعيني .. شايف الموت واكثر
قلي متى يوقف نزيف التمادي ..؟؟
______ قلي متى كسر الفرح فيك يجبر ؟؟
قلي متى صوت الهنا لي معادي ؟؟
______ قلي متى بتحنّ .. وآجيك ممطر..؟؟
يعني تعبت أقراك .. واكتب سهادي
______ يعني تعبت ..أظماك وانته بي اخبر
أهواك كثر اللي بكى في بلادي ..
______ واعشقك عشق الأم .. أطهر وأطهر
انت البحر وانا مطر كل وادي ..
______ وشلون صار البحر بالملح سكر ..!!
ياسكر احلامي ..و ياكل زادي ..
______ تعال شوف الحلم .. وشلون يكبر ..
تعال أعيشك يوم والعمر حادي
______ تعال حضني .. والسهر فيك يسهر
تعال قلي .. انت مو شي عادي
______ تعال قلي ... أيه انا أحبك اكثر ..!!
(42)
/
\
/
\
أكثر من اللي جاك وش عاد بعطيك
________ ماباقي إلا هالجسد .. صورة انسان
روح المطر ماتسقي إلا أراضيك
________ تشرب دفا قلبي .. وانا فيك عطشان
كتبت بك أحلى العمر قبل مآجيك
________ وراح العمر ماجيت .. والعمر شفقان
نثرت فيك احساس لولو يغنيك
________ ذابت معاه قلوب .. من كل الاوطان
وحدك حبيبي ساكني واحتفل فيك
________ وحدك حبيبي .. تبتهل فيك الاحضان
وحدك أحبك وانت ماغيرك اشكيك
________ وحدك نهبت الثانية .. عمر وازمان
لاقلت وينك جيت وان رحت برضيك
________ ماغيرك اهداني .... قناديل واشجان
ماغيرك أحدٍ صار حاضر بماضيك
________ ماغيرك أحدٍ .. ساقني طيب واحسان
آنا الوحيد .. اللي حضنته باياديك
________ وانت الوحيد ..اللي قرا دمع الانسان
(43)
/
\
/
\
انسان مهما رحت أو جيت ..انسان
________ محدٍ سرق ياصاحبي .. من زمانك
أحيان احس انك بقلبي .. وأحيان
________ آحس مالي قلب ... لا جا حنانك
الطير مهما طار.. له عش واوطان
________ هذا انت طاير .. وانت باقي مكانك
(44)
/
\
/
\
مكانك ..!! مكانك .. ماتغير مكانك ..
________ مازاد فيه إلا .. مطر شوق .. راهي
ماخنت قلبك .. يوم خانك زمانك ..
________ ماعشت بعدك وانت ماعشت ساهي
تعبان ممكن .. والتعب من حصانك ..
________ خطوات ليل وسيل .. والموت باهي
زرت الضيا أسأل .. بظلما جنانك ..
________ لقيت القمر يسأل .... وشد انتباهي
يقول وينه .. قلت صانك وصانك ..
________ هو يحتفل بالحزن .. في حفل شاهي
هو شارب انوارك .. وسارق حنانك ..
________ هو روح عاشت روح / هو كل جاهي ..!!
(45)
/
\
/
\
جاهي ..!!
وجودك ..
ياوجود الما وروحه ...... من زمان ..!!
منك .. فيك
آعيش سلطان الزمان ..!!
كل البشر ..
في عيني أجمل من زمان ..!!
والشوارع ..
أطهر اطهر من زمان ..!!
والمدينة ..
تحتفل بك ..
شوق باحضانه وّله ..
والنور نورك من زمان ..!!
وانت .. أنت
أو أنا هو أنت ..؟؟
مدري ..!!
الأكيد أحنا سوى ..
روح توأم روح ..
روح داخل روح ..!!
سمها أية أسم ..
ماتهم أية أسامي ..
دامك بروحي سما
والما على صدرك نما ..
عطني من أيامي أنا ..
وارحل وروح ..!!
لاتروح ..
يا أمير النبض ..
يانبض الحكايا والجروح ..!!
أنت من سماك نبض ..؟؟
أنت ساهر في عروق النبض
أنت ساحر والمطايا الأرض ..
أنت للدنيا معاني ..
أنت لامطاري وطن ..
قصدي أقول :
أنك لهذا المااااااااء روح ..!!
(46)
/
\
/
\
روح روحي أنت ..أنت أجمل جنون
_________ أنت خطوات المطر .. أنت الوطن
أنت صوتٍ .. لا وصفته بالحنون
_________ محكمة حرفي ... بظلمك هي تحن
أنت طهرك ... مايشابه غير لون
_________ البياض .. اللي على صـدرك سكن
انت كلَ الكون ... لعيوني عيون
_________ أنت عينك .. هي تفاصـيل الفتن
أنت فصل من السنة .. كله شجون
_________ ياربيع العمر ... واحساس الزمن
أنت حربك موت .. وهدوئك فنون
_________ أنت سلمك غير .. وحروبك محن
أنت وحدك بس .. في صدري تمون
_________ أنت وحدك ... من يمون ولا يمن
أنت ترتيب الجهات ... ابلا طعون
_________ أنت فوضى غيبتك .. هذا الركن
أنت تعريف الصباح .. ولا يهون
_________ منك يسرق ضي .. وافراح ولحن
أنت طير العقل ... وجناح الجنون
_________ أنت شارع حب .. والشارع وطن ..!!
(47)
/
\
/
\
وطن ..!! ويضيع ترتيب الكلام ولا أشوف إلا انت
________ وطن ..!! وتطيح من عيني كثير اشيا وتبقى هّي
وطن..!! وش عاد باقي من حروفي مايموت وعشت
________ وطن ..!! ليه الغلا يسكن حنايانا ؟؟ وينبت ضّي
وطن ..!! لاتشتكي لي مـ العنا دام الحنين الوقت
________ وطن ..!! أية وطن وعروقها نكهة سؤال وغّي
أنا .. من دونها لاشي ... أنا عايش صحيح ومت
________ أنا ميت ولّه.. قصدي..!! أنا ميت .. وفيها حّي
(48)
/
\
/
\
(حيّ) بك ياحبيبي دون نبضك (أموت)
_________ حيّ هالنبض يانبض الحيا والممات
( مرحباً ألف ) فيها للـ هلا عرق توت
_________ بسّ .. قـلبي إذا رحّب : بـ تنبت حياة
أنت مهما تغيب .. آحس لك ألف صوت
_________ حاضر وساهر بعيني .. وعينك تبات
أنت كل القصايد .. أنت صوت السكوت
_________ انت روح الحروف وغربتي والشتات
أنت سيلي .. وأنت الما وانا لك خبوت
_________ يعني أنت المطر .. ياغيمة الذكريات
أنت الأول .. وغيرك .. من بنى له بيوت؟؟
_________ أنت ماغـيرك أحد .. ساكنٍ الأمنيات ..!!
(49)
/
\
/
\
الأمنيات .. أحلام طير
___ والطـير .. مكـسور الجناح
الأمنيات .. أنك تصير
___ فارس .. وانا حولك رياح
واشم عطرك يا أمير
___ وألعن أبو جدّ الجراح ..!!
ونقابل جيوشٍ كثير
___ ونضحك على كثرالصياح
ماهمني كثر النفير
___ مادام حـضنك لي وشاح
دنياك ياروح المسير
___ أعذب من الماي القراح
الصبح بحضورك منير
___ وانته : تباشـير الصباح
أنت الأماني والخشير
___ يا نكهة الصبح المباح
الأول أنته .. والأخير
___ وجناح ماغيره جناح ..!!
(50)
/
\
/
\
جناح وقلم ..!
يعني : شوية حلم واحزان وألم ..!
يعني : حوادث روح .. تتساءل وتتكاثر خسايرها .. ولابيدي علمّ ..!!
يعني : تفاهة جرح .. يضحك لك وهو يضحك عليك ..!
يعني : مساء ونزف .. ماهو عزف لابلل يديك ..!
يعني : حزن ياكل حزن .. والدمع يبخل مايجيك ..!
يعني : احتراق وداخنة تشهق بها لحظه .. مع لحظه ..
وراح العمر .. وآآنا أحتريك ..!!
ياسيدي ..
ياسيد الحلم الأبي ..!
قلي لما هذا التعب ..؟
ليه الوطن أطراف حرف .. وداخلي في ملعبي ..!
ياسيدي ..
أرجوك قلّي وش تبي ..؟
ليه أنت قاسي ..؟
ليه تتمايل عنّا .. ؟
وانا العنّا .. عايث بمجدافي .. وشوقي مركبي ..!!!!!!!
(51)
/
\
/
\
مركبي في بحر حبك .. سقاه الحنين
________ وراح يطلب محيطك نبض ... ويشدّ نبض
أيييه .. ياما بذرنا هالمساحات : تين
________ وماحصدنا سوى الغربة .. على أي أرض
كل ماقلت هانت صاح صوت السنين
________ وين رايح ؟؟ خطوط الطول بالحب عرض
المحبة مـطرّ .. تعريف كسّر اليدين
________ وانت بالقلب سلطاني .. وللروح فرض ..!!
(52)
/
\
/
\
( فرض عين ) عيونك بعيني تطيح
___________ ولاملااا م ولا سلااام ولا لقاااااء
كان حلم وعلم .. ريشه وسط ريح
___________ طارت وطرّنا .. وضعنا بالسماااء
ماعرفت افرح بعينك .. كنت أصيح
___________ ليه ضحك الروح يحتاج الخفاااء ؟
ليه مااضمك .. وليه ابقى طريح ؟
___________ ليه نتسامى شتا وسط الشتااااء
ليه احبك موت .. واحيا بك جريح ؟
___________ ليه أعيشك روح قصدي أنتـ ماااء
مادريت انك قريت الما صحيح ...!!
___________ ونور عينك فيه : دعوة للبقااااء ...!!
(53)
/
\
/
\
البقاء يطوف باركان الغياب
______ والغياب .. يشدّ كتفي لـ السنين
ماعثرت إلا بجرحي والعتاب
______ ولا بكيت إلا .. وحولي غايبين
لاقريت الجاي حلّ الأغتراب
______ ومامضى يطحن رحاه العابرين
التفت حولي وحولي ألف باب
______ بسّ وش منها طريق الصابرين
الصداقة بالثمن والعذر طاب
______ والمحبة لولوه .. في بـحر طين
كم نشوف وكم نعدّي للصحاب
______ كم سكبنا طيب بالصدق الثمين
كم زرعنا وش حصدنا بالكتاب
______ من يجاوبني بصدق وله يمين ..
أني أبقى نور في نحر الضباب
______ واني اتفاءل .. بحب المعدمين
آآه يالدنيا شربتك .. بالصعاب
______ ولاجلست ..ولا نحرت الظالمين
عزتي أرضي وانا كلي سحاب
______ والمطر رحلة على كف الحنين
والمحبة قطرة الما عـ التراب
______ التراب اللي نسى صوت السنين ..!!
(54)
/
\
/
\
السنين ..!!
لا حساب .. ولا أنين ..!!
هي مجرد جرح حيّ ..
من يحاسبها ..؟؟
ومن يقدر يفاوضها على صوت الحنين ..!!
السنين ..!!
لا حياه بلا ثمين ..!!
لا مغارة صبر ..
لا معنى ..
ولا فوضى أمل بترد عابر من متاهات الونين ..!!
السنين ..!!
لاشمال ولا يمين ..!!
قاطرة من دمع ..
والسكة عراها وثق الخطوة .. نسى بالدرب حلم الساكنين ..!!
السنين ..!!
لاتعين ولا تلين ..!!
مطرقة من حلم ..
والمسمار نبض ..
وروحي القشرا خشب أبيض نساه العقرب الملعون في شارع حزين ..!!
السنين ..!!
لامواني وسط طين ..!!
والمدينة حبر ..
وضلوعي حرس .. والشوق ثاير كل حين ..!!
السنين ..!!
لاطليق ولا سجين ..!!
لا جسد حالم ..
وهو ظالم ..
وهذا الليل يشبه له ..
ويشبه ثورة الغيمة إذا مرت بروح العابرين ..!!!!!!
(55)
/
\
/
\
العابرين .. بعيني الوان والوان
_______ ولونك غريب وروحك أكثر غرابه
ماشفت قمرا لابسه ثوب الانسان
_______ غيرك ... وغيرك مـ جذبتني ثيابه
تروح عني وانت فيني لك اغصان
_______ والريح ماخلت لهـ الصدر غابه
صوتي سكونه صوت ضجه وحرمان
_______ وخطاي ملّت من هدير السحابه
لا طين يسمعني .. ولا رمل واوطان
_______ ياموطني ياروح روح اغترابه
جيت انظمك شوق ووله شي مابان
_______ جيتك وفا للعهد واقشع ضبابه
جيتك حنين .. وكل مافيني احضان
_______ جيتك سؤال ولا لقيت الإجابه
جيتك وجتني دمعتي جيش واحزان
_______ غصة ضمى والسيل ماصك بابه
لو طاوعتني دمعتي جيت جنحان
_______ واطير بك والغيث يروي صبابه
أدري بك أدري وأنت تدري ولاهان
_______ من يعذلك لو جمر حظه عذابه
بآغيب فيك وفيك ببني لك اوطان
_______ الحرّ مهما غاب حاضر غيابه ..!!
(56)
/
\
/
\
غيابه .. جنون وغطرفة جرح واوهام
________ غيابه .. حنين الدمع والدمع غايب
غيابه .. سؤال وطاح في عين الايام
________ يعني .. سؤال من الوله عاش ذايب
ليه الحنين يزورني .. قبل الاحلام ..؟؟؟؟
________ ليه (الحبيب) بـ عين خله (حبايب) ..؟؟؟؟؟؟؟؟؟
(57)
/
\
/
\
حبايب غصب ..
وانت بقلب وآنا بقلب ..!
لكن كيف علمني
أعيشك وانت عايشني
وروحك .. !! روحي وطيني ..
وطن غربه
وغربه عايشه غربه
مدينه تحترق فيني ..!!
دخيل الجرح والدمعة
بكيت ولا بقى دمعة
سألتك بالذي خالقك
تعال ولملم الشمعة ..!!
دخيل الليل وعيونك
هذيك اللي تسايرني
بخطواتي تحاصرني
وتسأل عنك
واسأل عنك
وينك ..؟؟
ليه تشقيني ..؟؟؟
حبيبي وين ترحالك ؟؟
مسافر وين ؟؟؟
غايب وين ؟؟؟
وين عيوني بعينك ..؟؟
يعني ويني ووينك ..؟؟
أدور في مراياتي
ولا ألقى بانكساراتي
حضن دافي
مطر غافي
وبيدك تمتمات القيد
وبيدك قسوتك .. لينك ..!!
كفاني موت
كفاني صوت
كفاني دمع ماهو دمع
غصة ظالمة واشواق
حنين ومحترق بفراق
وانته وين
وآنا وين
على نفس الطرق نموت
خطاوي مالها فرحه
وكلن ضايق بجرحه
وشوك الدرب علمني
يقول أنك
..... السيل
..... السيل
..... السيل
ألا يالعنبو هالليييييييييييل ...؟؟؟؟؟؟؟؟؟؟؟؟
(58)
/
\
/
\
الليل وسكون المرايا من الذات
_______ ماريّـحت بالك ... ولا ريّــحتني
أدري بطيشك مبتعد بالمسافات
_______ هو محتفل دايم .. وانا كلّ متني
إلى متى بسهر وبهديك نبضات؟؟
_______إلى متى والشمس ماصادفتني ..؟؟
إلى متى والنار تحرق بالاموات؟؟
_______إلى متى والما على شف حزني ..؟؟
قلي .. وأنا باقول مافات قد مات
_______ أزرق خيالك .. يطعنك لو طعـني
يابحر أنت البحر يكفيك حسرات
_______ شف ساحلك وينه .. ولا تمتحني
مليت أخاوي غربتك وانت بسكات
_______لاجيت في حضني ولا رحت عني
اليوم يوم الملح باهديك دمعات
_______ هي آخر كنوزك وهي جزء مني ..!
يعني دخيلك لاتجي سيف طعنات
_______ تعال مثل أول .. وإذا طحت شلني
الما لعينك هلّ .. يمطر ملذات
_______ (يهدونك الما) .. والسحايب تـغني
يا(سيل) هيا نرسم اليوم لمحات
_______ لمحة وداع .. وروح ما طاوعتني
باوادعك وابكيك .. بسكات بسكات
_______ الشمس منك وظلها لون حزني ..!!
/
\
/
\
دوني قهر ..
دوني شجر ..
يكفي ضجر ..
قصدي أقول ..
أنه يكفيني من الألوان .. تغريب الرمادي ..!!
المطر نبضات ريحه..
من رماد أليا رماد ..
وبينهم ../ شهقة لهيب ..
وعمر .. يتمادى عبث .. برد وأيادي ..!!
وين أبلقى صدر ثاني ..
يحتمل فوضى المزاد ..
واحتمالات الحياد ..
وانكسارات الجياد .. اللي على وصل السّعد شبّت فؤادي ..!!
من بيتحمل عنااااادي ..؟؟
من يسامرني على بُن القهر .. ؟؟
يوم الـ (أسى) .. نبضه (عـ سى)
والفرق حرف آموت به واحيا .. واشدّ الحزن في ظهر المسا .. وآقول عادي ..!!
(41)
/
\
/
\
عادي بعينك .. كل الأشياء عادي
______ وانا بعيني .. شايف الموت واكثر
قلي متى يوقف نزيف التمادي ..؟؟
______ قلي متى كسر الفرح فيك يجبر ؟؟
قلي متى صوت الهنا لي معادي ؟؟
______ قلي متى بتحنّ .. وآجيك ممطر..؟؟
يعني تعبت أقراك .. واكتب سهادي
______ يعني تعبت ..أظماك وانته بي اخبر
أهواك كثر اللي بكى في بلادي ..
______ واعشقك عشق الأم .. أطهر وأطهر
انت البحر وانا مطر كل وادي ..
______ وشلون صار البحر بالملح سكر ..!!
ياسكر احلامي ..و ياكل زادي ..
______ تعال شوف الحلم .. وشلون يكبر ..
تعال أعيشك يوم والعمر حادي
______ تعال حضني .. والسهر فيك يسهر
تعال قلي .. انت مو شي عادي
______ تعال قلي ... أيه انا أحبك اكثر ..!!
(42)
/
\
/
\
أكثر من اللي جاك وش عاد بعطيك
________ ماباقي إلا هالجسد .. صورة انسان
روح المطر ماتسقي إلا أراضيك
________ تشرب دفا قلبي .. وانا فيك عطشان
كتبت بك أحلى العمر قبل مآجيك
________ وراح العمر ماجيت .. والعمر شفقان
نثرت فيك احساس لولو يغنيك
________ ذابت معاه قلوب .. من كل الاوطان
وحدك حبيبي ساكني واحتفل فيك
________ وحدك حبيبي .. تبتهل فيك الاحضان
وحدك أحبك وانت ماغيرك اشكيك
________ وحدك نهبت الثانية .. عمر وازمان
لاقلت وينك جيت وان رحت برضيك
________ ماغيرك اهداني .... قناديل واشجان
ماغيرك أحدٍ صار حاضر بماضيك
________ ماغيرك أحدٍ .. ساقني طيب واحسان
آنا الوحيد .. اللي حضنته باياديك
________ وانت الوحيد ..اللي قرا دمع الانسان
(43)
/
\
/
\
انسان مهما رحت أو جيت ..انسان
________ محدٍ سرق ياصاحبي .. من زمانك
أحيان احس انك بقلبي .. وأحيان
________ آحس مالي قلب ... لا جا حنانك
الطير مهما طار.. له عش واوطان
________ هذا انت طاير .. وانت باقي مكانك
(44)
/
\
/
\
مكانك ..!! مكانك .. ماتغير مكانك ..
________ مازاد فيه إلا .. مطر شوق .. راهي
ماخنت قلبك .. يوم خانك زمانك ..
________ ماعشت بعدك وانت ماعشت ساهي
تعبان ممكن .. والتعب من حصانك ..
________ خطوات ليل وسيل .. والموت باهي
زرت الضيا أسأل .. بظلما جنانك ..
________ لقيت القمر يسأل .... وشد انتباهي
يقول وينه .. قلت صانك وصانك ..
________ هو يحتفل بالحزن .. في حفل شاهي
هو شارب انوارك .. وسارق حنانك ..
________ هو روح عاشت روح / هو كل جاهي ..!!
(45)
/
\
/
\
جاهي ..!!
وجودك ..
ياوجود الما وروحه ...... من زمان ..!!
منك .. فيك
آعيش سلطان الزمان ..!!
كل البشر ..
في عيني أجمل من زمان ..!!
والشوارع ..
أطهر اطهر من زمان ..!!
والمدينة ..
تحتفل بك ..
شوق باحضانه وّله ..
والنور نورك من زمان ..!!
وانت .. أنت
أو أنا هو أنت ..؟؟
مدري ..!!
الأكيد أحنا سوى ..
روح توأم روح ..
روح داخل روح ..!!
سمها أية أسم ..
ماتهم أية أسامي ..
دامك بروحي سما
والما على صدرك نما ..
عطني من أيامي أنا ..
وارحل وروح ..!!
لاتروح ..
يا أمير النبض ..
يانبض الحكايا والجروح ..!!
أنت من سماك نبض ..؟؟
أنت ساهر في عروق النبض
أنت ساحر والمطايا الأرض ..
أنت للدنيا معاني ..
أنت لامطاري وطن ..
قصدي أقول :
أنك لهذا المااااااااء روح ..!!
(46)
/
\
/
\
روح روحي أنت ..أنت أجمل جنون
_________ أنت خطوات المطر .. أنت الوطن
أنت صوتٍ .. لا وصفته بالحنون
_________ محكمة حرفي ... بظلمك هي تحن
أنت طهرك ... مايشابه غير لون
_________ البياض .. اللي على صـدرك سكن
انت كلَ الكون ... لعيوني عيون
_________ أنت عينك .. هي تفاصـيل الفتن
أنت فصل من السنة .. كله شجون
_________ ياربيع العمر ... واحساس الزمن
أنت حربك موت .. وهدوئك فنون
_________ أنت سلمك غير .. وحروبك محن
أنت وحدك بس .. في صدري تمون
_________ أنت وحدك ... من يمون ولا يمن
أنت ترتيب الجهات ... ابلا طعون
_________ أنت فوضى غيبتك .. هذا الركن
أنت تعريف الصباح .. ولا يهون
_________ منك يسرق ضي .. وافراح ولحن
أنت طير العقل ... وجناح الجنون
_________ أنت شارع حب .. والشارع وطن ..!!
(47)
/
\
/
\
وطن ..!! ويضيع ترتيب الكلام ولا أشوف إلا انت
________ وطن ..!! وتطيح من عيني كثير اشيا وتبقى هّي
وطن..!! وش عاد باقي من حروفي مايموت وعشت
________ وطن ..!! ليه الغلا يسكن حنايانا ؟؟ وينبت ضّي
وطن ..!! لاتشتكي لي مـ العنا دام الحنين الوقت
________ وطن ..!! أية وطن وعروقها نكهة سؤال وغّي
أنا .. من دونها لاشي ... أنا عايش صحيح ومت
________ أنا ميت ولّه.. قصدي..!! أنا ميت .. وفيها حّي
(48)
/
\
/
\
(حيّ) بك ياحبيبي دون نبضك (أموت)
_________ حيّ هالنبض يانبض الحيا والممات
( مرحباً ألف ) فيها للـ هلا عرق توت
_________ بسّ .. قـلبي إذا رحّب : بـ تنبت حياة
أنت مهما تغيب .. آحس لك ألف صوت
_________ حاضر وساهر بعيني .. وعينك تبات
أنت كل القصايد .. أنت صوت السكوت
_________ انت روح الحروف وغربتي والشتات
أنت سيلي .. وأنت الما وانا لك خبوت
_________ يعني أنت المطر .. ياغيمة الذكريات
أنت الأول .. وغيرك .. من بنى له بيوت؟؟
_________ أنت ماغـيرك أحد .. ساكنٍ الأمنيات ..!!
(49)
/
\
/
\
الأمنيات .. أحلام طير
___ والطـير .. مكـسور الجناح
الأمنيات .. أنك تصير
___ فارس .. وانا حولك رياح
واشم عطرك يا أمير
___ وألعن أبو جدّ الجراح ..!!
ونقابل جيوشٍ كثير
___ ونضحك على كثرالصياح
ماهمني كثر النفير
___ مادام حـضنك لي وشاح
دنياك ياروح المسير
___ أعذب من الماي القراح
الصبح بحضورك منير
___ وانته : تباشـير الصباح
أنت الأماني والخشير
___ يا نكهة الصبح المباح
الأول أنته .. والأخير
___ وجناح ماغيره جناح ..!!
(50)
/
\
/
\
جناح وقلم ..!
يعني : شوية حلم واحزان وألم ..!
يعني : حوادث روح .. تتساءل وتتكاثر خسايرها .. ولابيدي علمّ ..!!
يعني : تفاهة جرح .. يضحك لك وهو يضحك عليك ..!
يعني : مساء ونزف .. ماهو عزف لابلل يديك ..!
يعني : حزن ياكل حزن .. والدمع يبخل مايجيك ..!
يعني : احتراق وداخنة تشهق بها لحظه .. مع لحظه ..
وراح العمر .. وآآنا أحتريك ..!!
ياسيدي ..
ياسيد الحلم الأبي ..!
قلي لما هذا التعب ..؟
ليه الوطن أطراف حرف .. وداخلي في ملعبي ..!
ياسيدي ..
أرجوك قلّي وش تبي ..؟
ليه أنت قاسي ..؟
ليه تتمايل عنّا .. ؟
وانا العنّا .. عايث بمجدافي .. وشوقي مركبي ..!!!!!!!
(51)
/
\
/
\
مركبي في بحر حبك .. سقاه الحنين
________ وراح يطلب محيطك نبض ... ويشدّ نبض
أيييه .. ياما بذرنا هالمساحات : تين
________ وماحصدنا سوى الغربة .. على أي أرض
كل ماقلت هانت صاح صوت السنين
________ وين رايح ؟؟ خطوط الطول بالحب عرض
المحبة مـطرّ .. تعريف كسّر اليدين
________ وانت بالقلب سلطاني .. وللروح فرض ..!!
(52)
/
\
/
\
( فرض عين ) عيونك بعيني تطيح
___________ ولاملااا م ولا سلااام ولا لقاااااء
كان حلم وعلم .. ريشه وسط ريح
___________ طارت وطرّنا .. وضعنا بالسماااء
ماعرفت افرح بعينك .. كنت أصيح
___________ ليه ضحك الروح يحتاج الخفاااء ؟
ليه مااضمك .. وليه ابقى طريح ؟
___________ ليه نتسامى شتا وسط الشتااااء
ليه احبك موت .. واحيا بك جريح ؟
___________ ليه أعيشك روح قصدي أنتـ ماااء
مادريت انك قريت الما صحيح ...!!
___________ ونور عينك فيه : دعوة للبقااااء ...!!
(53)
/
\
/
\
البقاء يطوف باركان الغياب
______ والغياب .. يشدّ كتفي لـ السنين
ماعثرت إلا بجرحي والعتاب
______ ولا بكيت إلا .. وحولي غايبين
لاقريت الجاي حلّ الأغتراب
______ ومامضى يطحن رحاه العابرين
التفت حولي وحولي ألف باب
______ بسّ وش منها طريق الصابرين
الصداقة بالثمن والعذر طاب
______ والمحبة لولوه .. في بـحر طين
كم نشوف وكم نعدّي للصحاب
______ كم سكبنا طيب بالصدق الثمين
كم زرعنا وش حصدنا بالكتاب
______ من يجاوبني بصدق وله يمين ..
أني أبقى نور في نحر الضباب
______ واني اتفاءل .. بحب المعدمين
آآه يالدنيا شربتك .. بالصعاب
______ ولاجلست ..ولا نحرت الظالمين
عزتي أرضي وانا كلي سحاب
______ والمطر رحلة على كف الحنين
والمحبة قطرة الما عـ التراب
______ التراب اللي نسى صوت السنين ..!!
(54)
/
\
/
\
السنين ..!!
لا حساب .. ولا أنين ..!!
هي مجرد جرح حيّ ..
من يحاسبها ..؟؟
ومن يقدر يفاوضها على صوت الحنين ..!!
السنين ..!!
لا حياه بلا ثمين ..!!
لا مغارة صبر ..
لا معنى ..
ولا فوضى أمل بترد عابر من متاهات الونين ..!!
السنين ..!!
لاشمال ولا يمين ..!!
قاطرة من دمع ..
والسكة عراها وثق الخطوة .. نسى بالدرب حلم الساكنين ..!!
السنين ..!!
لاتعين ولا تلين ..!!
مطرقة من حلم ..
والمسمار نبض ..
وروحي القشرا خشب أبيض نساه العقرب الملعون في شارع حزين ..!!
السنين ..!!
لامواني وسط طين ..!!
والمدينة حبر ..
وضلوعي حرس .. والشوق ثاير كل حين ..!!
السنين ..!!
لاطليق ولا سجين ..!!
لا جسد حالم ..
وهو ظالم ..
وهذا الليل يشبه له ..
ويشبه ثورة الغيمة إذا مرت بروح العابرين ..!!!!!!
(55)
/
\
/
\
العابرين .. بعيني الوان والوان
_______ ولونك غريب وروحك أكثر غرابه
ماشفت قمرا لابسه ثوب الانسان
_______ غيرك ... وغيرك مـ جذبتني ثيابه
تروح عني وانت فيني لك اغصان
_______ والريح ماخلت لهـ الصدر غابه
صوتي سكونه صوت ضجه وحرمان
_______ وخطاي ملّت من هدير السحابه
لا طين يسمعني .. ولا رمل واوطان
_______ ياموطني ياروح روح اغترابه
جيت انظمك شوق ووله شي مابان
_______ جيتك وفا للعهد واقشع ضبابه
جيتك حنين .. وكل مافيني احضان
_______ جيتك سؤال ولا لقيت الإجابه
جيتك وجتني دمعتي جيش واحزان
_______ غصة ضمى والسيل ماصك بابه
لو طاوعتني دمعتي جيت جنحان
_______ واطير بك والغيث يروي صبابه
أدري بك أدري وأنت تدري ولاهان
_______ من يعذلك لو جمر حظه عذابه
بآغيب فيك وفيك ببني لك اوطان
_______ الحرّ مهما غاب حاضر غيابه ..!!
(56)
/
\
/
\
غيابه .. جنون وغطرفة جرح واوهام
________ غيابه .. حنين الدمع والدمع غايب
غيابه .. سؤال وطاح في عين الايام
________ يعني .. سؤال من الوله عاش ذايب
ليه الحنين يزورني .. قبل الاحلام ..؟؟؟؟
________ ليه (الحبيب) بـ عين خله (حبايب) ..؟؟؟؟؟؟؟؟؟
(57)
/
\
/
\
حبايب غصب ..
وانت بقلب وآنا بقلب ..!
لكن كيف علمني
أعيشك وانت عايشني
وروحك .. !! روحي وطيني ..
وطن غربه
وغربه عايشه غربه
مدينه تحترق فيني ..!!
دخيل الجرح والدمعة
بكيت ولا بقى دمعة
سألتك بالذي خالقك
تعال ولملم الشمعة ..!!
دخيل الليل وعيونك
هذيك اللي تسايرني
بخطواتي تحاصرني
وتسأل عنك
واسأل عنك
وينك ..؟؟
ليه تشقيني ..؟؟؟
حبيبي وين ترحالك ؟؟
مسافر وين ؟؟؟
غايب وين ؟؟؟
وين عيوني بعينك ..؟؟
يعني ويني ووينك ..؟؟
أدور في مراياتي
ولا ألقى بانكساراتي
حضن دافي
مطر غافي
وبيدك تمتمات القيد
وبيدك قسوتك .. لينك ..!!
كفاني موت
كفاني صوت
كفاني دمع ماهو دمع
غصة ظالمة واشواق
حنين ومحترق بفراق
وانته وين
وآنا وين
على نفس الطرق نموت
خطاوي مالها فرحه
وكلن ضايق بجرحه
وشوك الدرب علمني
يقول أنك
..... السيل
..... السيل
..... السيل
ألا يالعنبو هالليييييييييييل ...؟؟؟؟؟؟؟؟؟؟؟؟
(58)
/
\
/
\
الليل وسكون المرايا من الذات
_______ ماريّـحت بالك ... ولا ريّــحتني
أدري بطيشك مبتعد بالمسافات
_______ هو محتفل دايم .. وانا كلّ متني
إلى متى بسهر وبهديك نبضات؟؟
_______إلى متى والشمس ماصادفتني ..؟؟
إلى متى والنار تحرق بالاموات؟؟
_______إلى متى والما على شف حزني ..؟؟
قلي .. وأنا باقول مافات قد مات
_______ أزرق خيالك .. يطعنك لو طعـني
يابحر أنت البحر يكفيك حسرات
_______ شف ساحلك وينه .. ولا تمتحني
مليت أخاوي غربتك وانت بسكات
_______لاجيت في حضني ولا رحت عني
اليوم يوم الملح باهديك دمعات
_______ هي آخر كنوزك وهي جزء مني ..!
يعني دخيلك لاتجي سيف طعنات
_______ تعال مثل أول .. وإذا طحت شلني
الما لعينك هلّ .. يمطر ملذات
_______ (يهدونك الما) .. والسحايب تـغني
يا(سيل) هيا نرسم اليوم لمحات
_______ لمحة وداع .. وروح ما طاوعتني
باوادعك وابكيك .. بسكات بسكات
_______ الشمس منك وظلها لون حزني ..!!
ليست هناك تعليقات:
إرسال تعليق