اوراق ممطرة الجزء الأول

( 1 )
تدرين .. كم ليله ؟؟
والله ولا ليله ..
عدت بدون امطار ..
كني معي يمكن ..
وحزني معي ممكن ..
في كل ليل آموت .....
وآعيش عالتذكار ..!!


خانتني الوقفة ..
يابنت وش باقي ..

انا انتظاري ليه
والعمر سراقي

النبض ماهو نبض
لاعشت باوراقي

مير البلا كلك
في داخل احداقي ...!!




تدرين كم باقي ..!!
بالليل والأسفار ..
باقي أنا كلي ..
باقي على خبرك ..
هذا الحطب روحي .. والعافيه للنار ..!!


يابنت هو وش صار ..!!
وش حيلة الأفكار ..!!
لاجت تباريني ..
بيني وبين الناس ..
مشوار كم مشوار ..!!


أعيش صوت وطار ..
أعيش باستعمار ..
غربة تحاصرني ..
ونبضك يحاصرني ..
صوتي على صوته ..
أقول يابحار ..


وين المرافي .. يابحر .. راح ماراح
خذ من جروحي .. دام للجرح مينا

عشت الأمرّ ... وعشت سواح سواح
والجرح يقرانا .... ولو ماقرينا

لا لا .. تقول ... العمر / بيدين فلاح
الأرض بارت ... والمطر همّ فينا

غربه / تشق الصدر تصنع بالارواح
سفين .. في بحرك .. ولا تحتوينا

علقتني ..في صدر الأيام مسباح
في كفّ صحرا ... همّها ترتوينا

إما تعال ... وعطّر العمر ... بافراح
ولا تعال ... نموت من دون مينا....!!



وتتغير أسامينا ..
ونتبادل غرام الموت ..
في لحظه بدون امطار
يكفيني أشوفك نور ..
واتلذذ بكل حضور ..
وأغيب ولا يغيب أسمك .. ونتبادل أسامينا ..!!

( 2 )


/
\
/
\

أسامينا ..
أغانينا ..
وكل اللي بقى فينا ..
حروف تعاشر عروق الزمان
وتبتهل فينا ..

أسمك / ( حبيبي ) وانا أسمي ( غريب احضان )
وشلون أسمك .... يفوق اسمي ../ .. أهميه

آحس بك .. وسط شرياني .... كذا .... شريان
ألمسك .. وردٍ .. يذوب ... بروض / .. محميه

من أنتظاري ... بنيت اسمك / ... ثرى واوطان
لا.. سلم / لا .. حرب / وانت/ .. حروب سلميه


وينك حبيبي ..
تعبت ألقاك بغيابك ..
تعبت ألقاك باسرابك ..
تعبت الموت بترابك ..
تعبت .. ولا تعب غيري ..
عنادك ليه لي يمطر..؟؟
وانت أدرا ..
وأنت اللي معك يبرا ..
جريح الغربه القشرا ..!!
تعبت .. أحن لك .. واكثر ..
تعبت أموت والقاني ..
على جرح المسا دفتر ..!!
تعبت آعيش بك واسهر ..
تعبت ولا تعب غيري ..
وأنت أدرا ..
وأنت أخبر ..
بأن اللي يموت غياب ..
يعيش العمر .. بس منظر ..!!

( 3 )


/
\
/
\


منظر ومنظر .. وألوان الشقا أمطار
ماجف منها .. يجف .. بداخل الدمعه

ويسيل غي الإجابه .. يفضح الأسرار
غصن وتساقط .. ويبدا صبح مع شمعه

.
.

.
.

شمعة غلاك يزفها نبض ممطور
وشمعة حنيني مالقت حضن دافي

تعال فيني واغزل النور للنور
أنا معك طول العمر قلب وافي


أهلا حبيبي ..

هلا بالصوت .. واوتاره ..

هلا بك كثر إعصاره ..

كثر نزف / احتراق ... الدم ..

وبل الهم .. لاتمتم حروف .. وطيح اسواره ..!!

هلا بك .. سيل

هلا بك حيل ..

لو انه مابقى بي حيل ..

ولكن للصباح انفاس .. نشربها ليامن جيت .. ليامن حلت انواره ..!!

هلا واكثر ..

هلا ياريحة الدفتر ..

هلا ترنيمة احساسي ..

هلا بالصبح ياناسي ..

هلا ياشمعة الزوار ..

أنا الزوار ..!!

وانت بخارجي نوري .. وانت بداخلي هالدار ..!!


.
.



تدري وتدري .. عن العازف عن الأوتار
تدري عن الليل واللي صاح من قمعه

طول غيابك .. وجيت .. بكف غي ونار
وبكف ثاني .. حلوم .. وحزن مجتمعه

أهلا بطيفك وتغريدك .. كذا .. الأحرار
إما بحضن القمر .. أو موت مع دمعه ..!!

( 4 )


/
\
/
\


دمعة قلم .. دمعة ألم .. دمع تجريح
في خاطر الوردة ... تفاصيل واكثر


شميتها باحساس واحساس للريح
ومابينهم .. كان الدفا .. لون أحمر ..!!


قلي .. متى .. نكبر عن الهم .. ونطيح
في بحر حنّيه .. والاملاح .. سكر ..!!

(5)


/
\
/
\


سكر .. وسكينه ... معه بدروبه ..
وحده .. على باب السنة ..
واقف بكل ذنوبه ..
ماينطق إلا يا ... ..
والحزن شقق ثوبه ..
شوفيه بلحاله هنا ..
هو ينتظر ..!!
ماينتظر ..!!
ماسك بيده طوبه ......!!

(6)


/
\
/
\

طوبه براس الحظ .. وبراس الاحلام
إليا متى ..؟؟ والحظ بالعكس بالعكس

امشي معه واقول جيتك على انغام
ويضحك عليّ .. بخطوته لاسرت نكس



(7)



/
\
/
\


نكس الرسايل في زمن سود الأوراق
دام الورق يشرب رسايل جروحي

ياغالية ماعدت انا صوت مشتاق
مابيني وبيني .. مسافات نوحي

أكتب بتالي الليل ياشين الأحداق
لاشفت زولك قبل ما أقول روحي

وأعيش ليلة عشق والليل بواق
وانفض بقايا عزتي من سفوحي

إن قلت لك صبحي كل الأذواق
لاتسألين الليل .. واقلام بوحي ..!!


(8)


/
\
/
\

بوحي ..
وطن روحك
وروحك وطن غايب
ليت الزمن يرجع
وآآقول لك : ذايب


القلم والشوق .. واشباه الظنون
أسرجت بعض الخيول ملعثمه

واستفاق الطير من حفر المتون
وكل مايرقا ... فضاه يوسمه

بين طيات الفرح .. هزّ الغصون
وامطرت دنياه .. ورده مجرمه

قال يا غافي على صدر الشجون
وين حبل الشوق .. يالله نحزمه

قلت لجله صارت اللهفه تمون
ولجل نوره عيني أمست مظلمه

ذاك من يطغى ولاغيره حنون
ظلمه الغاوي ... حنان المحكمه

مانسته الذاكره لو هي تخون
ذاكرة روحي معه .. قبل أزهمه

سلطة اطرافه مدى ماله عيون
برقه ورعده ... بحفله مغرمه

يشربون الغيم والزحمه لحون
ومادروا عن قلب شوقه يعزمه

طيري اشرق به على ليل الفتون
وكل مايحويه .../ جمله مبهمه

(( من يسمي شرهة العاشق جنون ..؟؟
ومن يهد الطير قبل يعلمه ..؟؟؟ ))

(9)


/
\
/
\

يعلمه معنى السلام

ويغيب في دنياه وأكثر

مالقى بيده وعيده

غير كلمة آآآه منك

وعن غرامك علميني ..

لانسيت الحرف ونسيت الوئام ..!


علميني .. وش بعد باقي على موت الغرام ..!!

علميني كيف أنام ..؟؟

علميني .. ليه أنا وحدي أضيع .. وخاطر ايامي تكسر بالظلام ..!!

علميني كيف انام ..!!

كيف أتغطى بفوضى الجرح .. واتهجى الكلام ..!!

علميني كيف أعيش اليوم بكره .. أو اعيش الأمس .. في ظل الفراق المرّ .. في حمى الزحام ..!!

علميني كيف انام ..!!

علميني .. ليه ترتيبي بروحي ضاع .. لاضاع المسا بعيوننا والموت قام ..!!

علميني .. من يساوم حلمه الغالي .. على حلم المنام ..!!

علميني كيف انام ..!!

علميني .. عن مشاوير الغلا .. لاجت حيايا .. بيني وبيني تزيد بغيها .. حجم الملام ..!!

علميني .. عن سيوف الغدر .. عن درع الوفا .. عن كل مابيدك .. وما رتب زمانك لك .. وضيعني

بزحمة نبض .. والحاكم غرام ..!!

(10)


/
\
/
\


لاغرام .. ولا مرام .. ولا سعاد
بعدك الدنيا ... تضيع وتختفي

لاذكرتك .. هلت مزوني / جداد
واغسل الصدر المعنا واحتفي

واذكرك ريحة مطر مدري سماد
المهم / ان السنابل ... تكتفي

ماحسبت حساب لايام الجراد
كل مافيني عطيت .. ولا تفي

مادريت ان الوفا صوت السهاد
والصدى شريان ناره تشتفي

منك من ذكراك مامات الرماد
لعنبو حيك .. تعيش ومختفي ...!!

( 11 )


/
\
/
\



يامختفي غنّ لي ( أبعاد )
دام الهوى داخلي يسري


ماعاد بصدورنا أوتاد
ولاعاد لي صبر ياسحري


إما قتلنا الهوى بعناد
ولا .. تناسيت بك عمري


صحيح احبك ولكن زاد
دلال سكّـرك .. يالقمري


تجي بروض الحشا منقاد
وتروح .. ما بللك نحري


هيا افترض اننا أولاد
ليه الكسر ؟؟ يابعد كسري


تعال نلعب بدون أحهاد
وننسى التواريخ من بدري


الموت موت الوفا الجلاد
والشعر وافيك من صدري


بندق جمالك تطق زناد
ورصاصها ذاب في شعري


غياب صوتك غياب بلاد
وحضورك اوطان يافجري


أقولها وانت أدرى عاد
لاغبت وش عاد في عمري ..؟؟

(12)


/
\
/
\



العمر بيدين الجفا / ريح واوراق
والعمر بيدين الوصل / بنت قشرا


لاجيتها غيمة مطر .. تنبت فراق
ولارحت تلحقني / مساءات حمرا


تقبل نهار وترمي الشمس بآفاق
ولاطال ليلي .. جت .. مفاتيح قمرا


تغيب فيني والصدى وبل مشتاق
والصوت يزهمني .. ولا عاد مسرا


أحبها .. موت وحيا .. حب دفاق
أعيشها حلم .. وأمل .. صوت يقرا


الصمت حكمتها .. ولا عاد ينطاق
والحرف صوتي والصدى روح غبرا


ياناس وش باقي على موت الأوراق
أية ورق ..!! والريح هي بنت قشرا ...!!

(13)


/
\
/
\


قشرا ظروف الوقت .. والوقت قاسي ..
وش حيلتي وانا لحالي مع الوقت ..؟؟

أشرب مرار ... وسكر الليل .. كاسي
لانا كسرت الكاس ... لانا تكسرت ..!!

اعيش لجل رضاك يانور ... باسي
واسحب بساط الريح لامن تألمت ..

وآطير لك .. وانسى لحون الكراسي
 والقاك قمرا .. بالسما يوم لي طرت

انت الوحيد .. وأنت أهلي وناسي
يهون غيرك وانت لاهنت .. لاهنت ....!!




(14)



/
\
/
\



لاهنت .. والله لايهينك هي آخرك ..
واولك ضاع وآخرك ضاع فيني


صوتك .. يقرب كل مبعد وينثرك ..
في وجه حلمٍ صاخبٍ يشتريني


خلفي ألم طاغي يعاند ويسهرك ..
وقدامي الدنيا .. سوادٍ حزيني


البير تظما ... والليالي تناصرك ..
وش حيلتي دام العدا من سنيني


وحيد في ظلما .. ونوري يسامرك..
ونورك على شف السما يحتريني


ياكيف انا باطير .. وآطير واغمرك ..
وانته ولا فكرت أبد .. تحتويني ..!!!

أوراق ممطرة الجزء الثاني

(15)




/
\
/
\


أحتويني ..!!

زلزليني ..!!

وش بعد بالعمر .. ورد .. وكل ليله .. رجفة الوحده تعيد الصمت .. وتكسر جبيني ..!!


طيريني ..!!

كل ماغرد على بال المشاعر طيف حالم .. وانتشى حرمان صدري في مساءك يرتويني ..!!


بلليني ..!!

وش بعد للريح صوت ..؟؟
وكل ماطار الحمام .. آعيد ترتيب النجوم .. ويحتفل فيني أنيني ..!!


آآآآآآآآه يافوضى سنيني ..!!
الثواني صارت اقوى .. والقهر يمطر خيال .. ويبني بدنياي بعض آمال .. واحلامي تجيني ..!!


آآآآآآآآه ياعمري وطيني ..!!

والمطر حاير على باب السهر ..
والشوق يكبر كل يوم .. وكل لحظه يستفز السيل .. ويذوب بحنيني ..!!


آآآآآآه ياقمراي .. يانوض السفر .. يانبض سافر بي .. وطاح بغربة الدمعه .. على دمعة يديني ..!!


احتويني ..

زلزيني ..

طيريني ..

بلليني ..

رتبي فوضى سنيني ..

لك فدا عمري وطيني ..

ودي بحضنك أغيب ..

وتحتفل بيدك يديني ..!!

(16)


/
\
/
\


يديني .. وش يديني ..!! لا .. حضنتك ذاكره لغياب
______________ وش الباقي من أشلاء الحلوم وريحة احلامي ..؟؟

عطورك عالقة فيني .. خلايا موت ... مدري باب
______________ يفكّ .. لخاطر الدمعة ... سوالف / واودية ضامي ..

دخيل الله وبعد الله .. دخيل العطر .. دون اسباب
______________ تجي تلمح .. بقايا روح .. تهدهد شوقها الدامي ..

أنا دونك .. حكاية عشق .. ترفض تنقري لاحباب
______________ حروفي صمت .. ورياح الزمن / تستنطق عظامي ..

انا مليت من الوحده .. وصبري .. ماطلع له ناب
______________ وانت لحالك لحالك .. وحيد .. وصبرك حزامي ..

تعال اليوم .. قبل اليوم يتسجل ... حضور غياب
______________ ثمن هذا الغياب ..حضور .. يبللّ خاطر ايامي!!!!!


(17)



/
\
/
\


أيامي .. بدونك .. كذا .. بس أيام
____________ مجرد عمر ... خارج من العمر تايه

شمس ومغيب وكلها زحمة اعدام
____________ لا حس .. لا معنى .. ولا أي غايه ..!!

بيدي عناوين السهر حزن واوهام
____________ وبيدي ... حبال الحلم تربط أسايه

بيدي سحابه مابكت طيش الاقلام
____________ تبكيك أنت ... وتحتفل ... بالحكايه

يمر دونك عام .. يسحب معه عام
____________ ينصب على خد الجفا ... ألف رايه

ياسيدي بغيابك ... الموت مانام
____________ أحس به .. يطعن خطايه ... ورايه

زفرة حنيني تقسم الكون أقسام
____________ واشوفك اقرب من عروقي / معايه

الذاكرة تلعب مع الوقت وانضام
____________ وانساق دمعة ليل ... داخل فضايه

هو ليه ماترحم وليه الجفا قام؟؟
____________ هو ليه انا وحدي ؟؟ مخاوي شقايه

ليه القمر ينسج معك صوت وانغام
____________ وانا على حضنك .. فرضت الحمايه

حسرة وحسره لليالي والاحلام
____________ وحسره على شريان .. يكتب وصايه

خذ مابقى مني معك طول الايام
____________ واشرب ضميرك قبل سرد الحكايه ...!!



(18)


/
\
/
\


الحكاية موت ورد وطيش حلم وغيّ فاح
____________ والحكاية روح طارت ... قبل سيل الذكريات

ليه كنّا ؟ كيف كنّا ؟ نشرب الدمعه صباح
____________ ليه ترتيب المواجع .. ضاع بغيابه وفات ؟؟

وش غيابه من غيابي بين كومه من جراح
____________ ليه غيم الصبر يرحل.. ويتساقط لي رفات؟؟

كم سؤال وكم إجابه وكم على التغريب صاح ؟؟
____________ وكم على همّ المدينة .. جفن عاداه المبات ؟؟

كم وكم ؟؟ كم ناح صابر ؟؟ كم لشرياني نواح ؟؟
____________ كم أعيش الفقد وحدي ؟ كم أموت بهالحياة؟؟؟؟؟؟؟؟


(19)


/
\
/
\


الحياه ألوان ... والدنيا عبر
________ والتجارب موت والخطوه حياه

كل قطرة نبض تعريف المطر
________ والمطر .. يقرا تفاصيله شذاه

سيل بعيونك .. وبعيوني بحر
________ واثق الخطوة ..ولا عوّد وراه

يغرف المعنى ولا حسب خطر
________ يكفي ان عيونها.. تلحظ خطاه

هي تغيب تغيب .. لكن تحتظر
________ كني المح دمعها.. يومي فضاه

تشعل المعنى بكفّ .. وتختصر
________ كل ضّو الكون .. لا لملم أساه

هي بعشر رجال بحساب النظر
________ وهي بألف أنثى تغرد في سماه

مايعادل قدرها ... عندي بشر
________ ولايساويها بقلبي ... أي جاااه

ذيك سلطانه .. ولا جت تنتصر
________ مرت بعيني.. مثل طوق النجاه

شهررزاد بغيها .... تاه الزهر
________ عطرها روحٍ .. تداعب منتهاه

ذيك كل العمر لو قلنا عمر
________ وذيك روح السيل لوقلنا مياه ..!!

(20)



/
\
/
\


مياه الذاكره ..( سيف الغياب) .. وطعنة الأيام
________________ ونزف المفردة .. ضجة حضورك .. بين أنفاسي

نسيتك مانسيتك ... والمطر في داخلي ..أنغام
________________ يعزف صوتك ... ونوتة شراييني..هي احساسي

صباحك غير ياروحي.. صباح الورد والأحلام
________________ صباحك غير ... يابسمة مسائي .. لابكى ياسي

مياه الذاكره أنتي .. وانتي الموت .. والاقلام
________________ وش اللي باقيٍ فيني .. سوى حبرٍ غشى باسي

دخيل الموت أنا بعدك ... حياه وضيّها مادام
________________ دخيل الحرف أنا قبلك .. ممات وسلطتي راسي


(21)


/
\
/
\



راسي وراسك ..والمتاهات الاسفار
__________ كل الخطاوي غيم ... واشواق حيه

أمطر حنين أمطر.. وأنا كلي امطار
__________ تدري أحبك ..!! وانته تـموت فيه

ماغيرنا بلّ المـسافات ... بالنار
__________ ولاغيرنا يمطر ... دموع القضيه

تعال ... انا كلي لك الصدر والدار
__________ وانت الحياة.. ودونك الموت ليه ..!!


(22)

/
\
/
\

ليّه حقوق .. الصمت .. وحقوقك الصوت
__________ انت الحكم وانت الخصم والمحامي

وش عاد لي ..؟؟ ياسايق الموت وآموت
__________ ماعاد غير أسقيك .. وآموت ضامي ..!!

(23)


/
\
/
\


ضامي عيون ..
ضامي حنان ..
ضامي لفوح الملح .. ضامي سكينه ..
انتي هنا .. ولا هنااااك ..
ماعرفت إلا عيونك .. وانك أنثى غير غير ..
وان تاجك هو أنا .. ياشهرزاد الغي .. ياروحه وعينه ..!!

من يعينه ..؟؟
قلبي الضامي ..
ورعشة حرفي المارد ...
على نبضك يجاوبني معي ..
ويعيد مواله .. كذا ولا كذا .. صابر على صبره .. ويلعن ساكنينه ..!!

يافطينه ..؟؟
ليه أنا .. ماني أنا .. ؟؟
ومراية التاريخ روحك ..
لاسرت في عرق دافي ..
يرسم الحسرة .. على خد الثواني .. قبل يشهق به حنينه ..!!

ياصباح الموت .. ياصبح المدينه ..؟؟
وقتي اللي راح فيك .. ورحت فيه ..
آدوّر اطلالك ..
ببعض اشلاء جرح .. ودمع يتهجّا الخطاوي ..
من يوادع من ..؟؟
ومن صبحه تمادي بالغياب .. وتاه في فوضى سنينه ..!!


(24)


/
\
/
\


سنينه مداها غيث والغيث الاسرار
__________ أدري عن أمطاره وهو حيل داري

لامن كتبته .. يفصل النور والنار
__________ بخطوط قلبٍ ترسم النبض ساري

طينه وتفاحه ... تفاصيل واقدار
__________ أخطاء يكتبها .. جسد روح عاري

ياسيد المعنى .... وياتحفة الدار
__________ شطرنج قلبك .... ماتوازيه ناري

تعال صدري شرفتك كلها امطار
__________ ولا تعال نموت .. والعن حصاري

(25)


/
\
/
\


حصاري سماوالقيود رضاك
_________ وانته بعيني ولا اشوفك ..!!

أحسك واداريك .. قبل اهواك
_________ وش عاد..!! والروح بكفوفك

الطين .. والبحر .. والأفلاك
_________ والنار .. والنهر .. وطيوفك

جتني على الوعد لجل القاك
_________ وانته.. ولا جيت .. لضيوفك

العذر قلبك .. وسيف خطاك
_________ مسلول .... في دفتر ظروفك

ضيعتني .. والضياع فداك
_________ ياخوفي اليوم ... من خوفك

السـيل مايحتمل .. فرقاك
_________ غبرا ديارك ...... ومعروفك

تعال .. شب الضيا بخطاك
_________ واقراك واكتبك.. واشوفك ..............!!


(26)


/
\
/
\



أشوفك هنا .. بيني وبيني

أشوفك همّ .. أحسك دم ..

أشوفك حزن ...طاف الحزن .. واغتال الحنين ..

أشوفك كلمه وكلمه .. أشوفك دمعتين ..

وأدري تعبتي منك .. قصدي تعبتي مـ السنين ..

وش عاد باقي .. في فضا صدرك ..

وصدري .. من قساوة وقتي الأقشر ... يلين ..

ويتهادى مطر .. مدري ضجر ..

ولا خيوط من السحر .. وأحلام تين ..

تعالي .. وش بعدّ باقي ..على النبض المهيّل بالأنين ..

أجسادنا ماهي .. مادام هلأجساد هي .. فزعات طين ..

تعالي هنا .. بين الكفوف ..أصافح دموعك .. وأغني كلمتين ..
/
\
أيييييه .. انا احبك .. وبس ..!!

(27)


/
\
/
\


بسّ يكفيني عنّا .. يكفي طعون
_________ مابقى بي عرق يتحمل .. كفا

أسهرك وأبكيك .. واردد يمون
_________ لامتى بتمون .. شوقي ماغفا

أنت لاوطاني.. ولعيوني عيون
_________ أنت سافي.. والشرايين الوفا

ياجنون العقل ياعقل الجنون
_________ الغياب جنون والموت الجفا ..!!

أوراق ممطرة الجزء الثالث

(28)


/
\
/
\


الجفا .. !!
يعني تعيش بظل أشجار الوفا ..!!

الجفا .. !!
كسرة وفا ..
تكسر خواطرنا ..
وتكتبنا على الأمواج...
كانوا يشربون النبض ... واللولو طفا ..!!

الجفا .. !!
منديل سهره بائسة ..
تحت ارجل الأقدار .. صوته ماغفا ..!!


(29)


/
\
/
\


ماغفا ياسي ولا قام الفرح
________ كل مافيني .. سكون بلا صياح

أيه تدري أنك آخر من جرح
________ وانك اول ... من يبلله الصباح

انت بيدك طايري هام وسرح
________ انت بحروفك ... مواويل الرياح

يابحر.. وقتي يجافيه المرح
________ والسفينه شرخ من هم وجراح

أيه أحبك حب عمره مـ أنطرح
________ انت وردة روح ..والباقي رماح

(30)


/
\
/
\


يارماح الليل وين الصبح ؟؟ وين؟؟
___________ وكل ماحولي .. جروح وذكريات

لا لبست الحال .. كسّّـرت اليدين
___________ ولا نسيت الحال ..ضعت بهالحياة

من يميني حزن .. ويساري حزين
___________ لامتى ياحزن .. تشربني شتات ..؟؟

سيل صدري همّ .. غارق بالأنين
___________ ماسقيت الورد .. يوم الورد مات

في خريف الليل.. واوراق السنين
___________ دجله الأغصان .. والريح الفرات

القلم هو روح ... ولاّ الروح عين
___________ ياعيون الروح.. فات الصبح فات....!!!!


(31)


/
\
/
\


فات الضيا واستراح النور
________ في رحلة الشوق والأمطار

والعاصفة .. تسحب البلور
________ ويشع نور الهوى .. تذكار

والضيّ هو ظلمة الدستور
________ لاجار عدلك .. وظلمك صار

طيّرت لك بالحشا عصفور
________ يضرب جناحه.. بنور ونار

هو يحتفل فيك داخل سور
________ مافيه غيرك.. ولا .. زوار

انت الضيا واحتفال البور
________وانت العطش والسفر أقدار

أنت العنّا وانت صمت الحور
________ وانت الهنّا جملة الأسرار

وآنا السفر في عيون الدور
________ وآنا لحالي ..غريب الدار ...!!

(32)



/
\
/
\


الدار غربة .. والمسا ريحة الموت
________ والصبح غافي (حلم) مايوم عشته

أمشي وانا طاير معي بندق الصوت
________ اسمع صدى الحسره بنبضٍ رسمته

يابحر وين الصبر واحشائك الحوت
________ لا مات حوت .. ولا بصدرك عبرته

غريب .. لاموطن والاوطان تابوت
________ وانت الوطن .. بين الحنايا شهقته

أمسك خيالي وانحره وانت بسكوت
________ واغسل بدم الشوق .. عمرٍ نحرته

عطني من ايام الرضا يوم وآموت
________ ولا تعال .. وهات .. قلبٍ نهبته ..!!


(33)



/
\
/
\



نهبت النور والظلما .. وانا في ( حيرة الألوان )
__________ نهبت الضي وانت الضي / ياروحي .. و.. وجداني


تعاتبني جفا .. مدري ..!! تعاتبني ألم واحزان
__________ ولكني ..!!أحسّك في .. خـفوقٍ .. ذااااب بـ احضاني


مسا يشهق مسا والقلب عايش طفرة الأشجان
__________ متى ..؟؟ وانته على باب المطر .. تشرب وترواني


بكيتك وابتديتك ( رحلةٍ )... ضاقت بها الـجدران
__________ مكاني بالفضا ... يومه / يضيق ... بصوت حرماني


حبيبي أنت .. يا(صمتٍ) نطقني .. بعثر الألـحان
__________ فديتك أنت ..!! يا(صوتٍ).. كسر صمتي وخلاني ..!!



(34)


/
\
/
\



خلاني الشوق وفضاك ..آدورك.. في ساحل أحزاني .. وفي دمعة رجا .. تظهر على سيلٍ تحدر من علّي ..!!
وآرتب ...أمواج الحنين الثايره .. واغسل مزاجي : صبر .. واشواق .. وعنّا .. وانت ولا أنته هنااااااااااك .. ماغير أنا ..
في زحمة الساعة .. أشيل أضلاع مالت بي معك .. والجمر بكفوف الأمل يغلي غلي ..!!

قطفت لك لولو .. من البحر القديم وساحلي .. وأهديت لك :
ورد .. وأغاني .. وانطلاق .. وعزف مرسم .. ماقرته إلا عيونك .. من جنونك .. وأعترف أني قريتك ... وأنت تتهجا وفااااي .. وتنجلي ..!!

هاتك هنا .. بعضك ولا كلك .. وهات المارد الغافي على روضة لهيبك في منصة مابها غيري وغيرك يابعد موتي وروحي تعتلي ..!!

هاتك دفا .. قصدي وفا .. واسكب مواعيد الجفا للريح .. يمكن .. أستعيد البعض مني .. قبل لا يطعن حنيني مقتلي ..!!

هاتك حبيبي .. هات فوحك .. هات نوحك .. مابقى فيني خطاوي للجديد .. ولا بقى فيني زهور .. وخاطري كله أمل يتعثر بخطوات شوق ..
ويحترق مني ولي ..!!

وينك هنا ..؟؟
يعني أنا ..
كلي عنّا ..
مدري فنّا ..
قصدي أقول ..
أني أنا .. والله أنا .. ماني أنا ..!!

(35)


/
\
/
\


أنا مطر .. وانته سكبت الوصايا
______ أنا عطش وانته على مفرق السيل

أنا الضيا .. وانته فتيل الشظـايا
______ أنا السما .. وانت الفضا للقناديل

أنا حكاية ( فارسٍ ) له سرايا
______ وانته حروف حكايتي زهوة الخيل

أنا ذنوبك .. وانت كل الزرايا
______ أنا دلال الجرح .. وانت المعاميل

أنا مساك .. وأنت كل الزوايا
______ أنا صباحٍ .. ماشرب نكهة الهيل

أنا شتا ... وانته ربيع البقايا
______ أنا ثواني ..وانت طول السنه ليل

أنا جروح الما.. وموت المرايا
______ أنا مرايا الما .. ونبض المقابيل

أنا أغاني .. وانت لحن الصبايا
______ أنا وتر سابع .. نسته المواويل

أنا جسد .. والروح ضمن الهدايا
______ أنا دموعك .. وانت ظلم المناديل

أنا عيون الما .. وسيل العطايا
______ أنا عيونك وانت بعيوني السيل ...!!



(36)

/
\
/
\


السـيل ..!! سيل النبض .. وحكاية امطار
_______ السـيل ..!! قصــة روح فـيها انتمائي


السيل ..!! دمعة نبض / واسفار باسفار
_______ من وين ماروّح ..!! سكن في سمائي


السـيل ..!! لجلك ضاع .. في زحمة النار
_______ السيـل ..!! لجلك .. نار شوقه ضيائي


السيل ..! صوته أنت .. والصـوت محتار
_______ مابين / صـدره والألف ... ضاع يائي


السـيل ..!!عاشق / والعشق نبض الأحرار
_______ السـيل ..!! أنت وماء يعني انت/ مائي

(37)



/
\
/
\



مائي ..!! دموع من الوله ..
______ صوتي ..!! جفاف من المطر

والعمر ..!! محنا باوله ..
______ ياعمر .. وش تالي القهر؟؟

قصدي .. أقول المسأله ..
______ ماهي غرامه ... والسهر!!

المسأله / من يسأله ..؟؟
______ وينه ..؟؟ تعبت من الصبر

روحي .. معه متسوله ..
______ قبل / اعــتذارات القدر ..

يعني .. سيول محوله ..
______ وادي متاهات .. انحدر

يجيه .. ولاّ يجهله ..
______ ماعاد تفرق .. بالخطر

صوت الغياب اتأمله ..
______ والشمس تخسف بالقمر

وآغيب ليلٍ مطوله ..
______ سؤااااال ... كاسر للظهر

الما ..!! إجابه مهمله ..
______ والما ..!! تعاويذه شـجر

الما ..!! حياه مزلزله..
______ والما ..!! عناوين البحر

والعمر صاير مهزله ..
______ وآنا أنتظر/ ما أنتظر ..!!


(38)



/
\
/
\



أنتظر ..!!
يعني أحتظر ..
يعني بركن الجوّ غربه ..
وباقي الأجواء روح ..!!

يعني قزاز الصمت ..
يزرع في ليالي وحشتي صرخه تبوح ..!!

يعني بأبسط أختصار ..
أنك ملك كوني ..
وأنا حاجب ..!!
أظلل بسمتك من جور حلمي ..
واحترق / واقسى / وافوح ..!!

يعني دخيلك مـ الجروح ..!!
ماباقي بعيني حزن ..
والليل جفف دمعتي ..
والصبر راكد .. في ضيا شمعة طموح ..!!

يعني مفاتيح انطلاقي ..
في عيون الوقت ..
تكتبني ..
ليالي حايره ..
ماتنطق إلا /
هو يجي ولا يروح ..!!


(39)



/
\
/
\



يروح الحلم بعيوني .. مداين كلها أزهار
__________ ويرجع لي مدينه من رماد .. بداخل عيوني

متى ياحلم تترفق ؟ .. متى بتحنّ ياجبار؟
__________ متى عقلك يجي ؟ قلّي/ متى بآفارق جنوني ؟

دخيل الليل والشمعه ..ونورٍ عايشٍ بالنار
__________ دخيل الهمس وعيونك .. تعااال وبدد طعوني

بدوني أنت ماتسوى .. بدونك طالت الأسفار
__________ بدونك مت وآنا أعيش.. وانت تموت من دوني

أوراق ممطرة الجزء الرابع

40)


/
\
/
\



دوني قهر ..
دوني شجر ..
يكفي ضجر ..
قصدي أقول ..
أنه يكفيني من الألوان .. تغريب الرمادي ..!!

المطر نبضات ريحه..
من رماد أليا رماد ..
وبينهم ../ شهقة لهيب ..
وعمر .. يتمادى عبث .. برد وأيادي ..!!

وين أبلقى صدر ثاني ..
يحتمل فوضى المزاد ..
واحتمالات الحياد ..
وانكسارات الجياد .. اللي على وصل السّعد شبّت فؤادي ..!!

من بيتحمل عنااااادي ..؟؟
من يسامرني على بُن القهر .. ؟؟
يوم الـ (أسى) .. نبضه (عـ سى)
والفرق حرف آموت به واحيا .. واشدّ الحزن في ظهر المسا .. وآقول عادي ..!!


(41)



/
\
/
\


عادي بعينك .. كل الأشياء عادي
______ وانا بعيني .. شايف الموت واكثر


قلي متى يوقف نزيف التمادي ..؟؟
______ قلي متى كسر الفرح فيك يجبر ؟؟


قلي متى صوت الهنا لي معادي ؟؟
______ قلي متى بتحنّ .. وآجيك ممطر..؟؟


يعني تعبت أقراك .. واكتب سهادي
______ يعني تعبت ..أظماك وانته بي اخبر


أهواك كثر اللي بكى في بلادي ..
______ واعشقك عشق الأم .. أطهر وأطهر


انت البحر وانا مطر كل وادي ..
______ وشلون صار البحر بالملح سكر ..!!


ياسكر احلامي ..و ياكل زادي ..
______ تعال شوف الحلم .. وشلون يكبر ..


تعال أعيشك يوم والعمر حادي
______ تعال حضني .. والسهر فيك يسهر


تعال قلي .. انت مو شي عادي
______ تعال قلي ... أيه انا أحبك اكثر ..!!


(42)



/
\
/
\



أكثر من اللي جاك وش عاد بعطيك
________ ماباقي إلا هالجسد .. صورة انسان


روح المطر ماتسقي إلا أراضيك
________ تشرب دفا قلبي .. وانا فيك عطشان


كتبت بك أحلى العمر قبل مآجيك
________ وراح العمر ماجيت .. والعمر شفقان


نثرت فيك احساس لولو يغنيك
________ ذابت معاه قلوب .. من كل الاوطان


وحدك حبيبي ساكني واحتفل فيك
________ وحدك حبيبي .. تبتهل فيك الاحضان


وحدك أحبك وانت ماغيرك اشكيك
________ وحدك نهبت الثانية .. عمر وازمان


لاقلت وينك جيت وان رحت برضيك
________ ماغيرك اهداني .... قناديل واشجان


ماغيرك أحدٍ صار حاضر بماضيك
________ ماغيرك أحدٍ .. ساقني طيب واحسان


آنا الوحيد .. اللي حضنته باياديك
________ وانت الوحيد ..اللي قرا دمع الانسان



(43)



/
\
/
\



انسان مهما رحت أو جيت ..انسان
________ محدٍ سرق ياصاحبي .. من زمانك


أحيان احس انك بقلبي .. وأحيان
________ آحس مالي قلب ... لا جا حنانك


الطير مهما طار.. له عش واوطان
________ هذا انت طاير .. وانت باقي مكانك


(44)



/
\
/
\



مكانك ..!! مكانك .. ماتغير مكانك ..
________ مازاد فيه إلا .. مطر شوق .. راهي


ماخنت قلبك .. يوم خانك زمانك ..
________ ماعشت بعدك وانت ماعشت ساهي


تعبان ممكن .. والتعب من حصانك ..
________ خطوات ليل وسيل .. والموت باهي


زرت الضيا أسأل .. بظلما جنانك ..
________ لقيت القمر يسأل .... وشد انتباهي


يقول وينه .. قلت صانك وصانك ..
________ هو يحتفل بالحزن .. في حفل شاهي


هو شارب انوارك .. وسارق حنانك ..
________ هو روح عاشت روح / هو كل جاهي ..!!


(45)



/
\
/
\



جاهي ..!!

وجودك ..

ياوجود الما وروحه ...... من زمان ..!!

منك .. فيك

آعيش سلطان الزمان ..!!

كل البشر ..

في عيني أجمل من زمان ..!!

والشوارع ..

أطهر اطهر من زمان ..!!

والمدينة ..

تحتفل بك ..

شوق باحضانه وّله ..

والنور نورك من زمان ..!!

وانت .. أنت

أو أنا هو أنت ..؟؟

مدري ..!!

الأكيد أحنا سوى ..

روح توأم روح ..

روح داخل روح ..!!

سمها أية أسم ..

ماتهم أية أسامي ..

دامك بروحي سما

والما على صدرك نما ..

عطني من أيامي أنا ..

وارحل وروح ..!!

لاتروح ..

يا أمير النبض ..

يانبض الحكايا والجروح ..!!

أنت من سماك نبض ..؟؟

أنت ساهر في عروق النبض

أنت ساحر والمطايا الأرض ..

أنت للدنيا معاني ..

أنت لامطاري وطن ..

قصدي أقول :

أنك لهذا المااااااااء روح ..!!


(46)


/
\
/
\


روح روحي أنت ..أنت أجمل جنون
_________ أنت خطوات المطر .. أنت الوطن


أنت صوتٍ .. لا وصفته بالحنون
_________ محكمة حرفي ... بظلمك هي تحن


أنت طهرك ... مايشابه غير لون
_________ البياض .. اللي على صـدرك سكن


انت كلَ الكون ... لعيوني عيون
_________ أنت عينك .. هي تفاصـيل الفتن


أنت فصل من السنة .. كله شجون
_________ ياربيع العمر ... واحساس الزمن


أنت حربك موت .. وهدوئك فنون
_________ أنت سلمك غير .. وحروبك محن


أنت وحدك بس .. في صدري تمون
_________ أنت وحدك ... من يمون ولا يمن


أنت ترتيب الجهات ... ابلا طعون
_________ أنت فوضى غيبتك .. هذا الركن


أنت تعريف الصباح .. ولا يهون
_________ منك يسرق ضي .. وافراح ولحن


أنت طير العقل ... وجناح الجنون
_________ أنت شارع حب .. والشارع وطن ..!!



(47)


/
\
/
\



وطن ..!! ويضيع ترتيب الكلام ولا أشوف إلا انت
________ وطن ..!! وتطيح من عيني كثير اشيا وتبقى هّي


وطن..!! وش عاد باقي من حروفي مايموت وعشت
________ وطن ..!! ليه الغلا يسكن حنايانا ؟؟ وينبت ضّي


وطن ..!! لاتشتكي لي مـ العنا دام الحنين الوقت
________ وطن ..!! أية وطن وعروقها نكهة سؤال وغّي


أنا .. من دونها لاشي ... أنا عايش صحيح ومت
________ أنا ميت ولّه.. قصدي..!! أنا ميت .. وفيها حّي


(48)




/
\
/
\



(حيّ) بك ياحبيبي دون نبضك (أموت)
_________ حيّ هالنبض يانبض الحيا والممات


( مرحباً ألف ) فيها للـ هلا عرق توت
_________ بسّ .. قـلبي إذا رحّب : بـ تنبت حياة


أنت مهما تغيب .. آحس لك ألف صوت
_________ حاضر وساهر بعيني .. وعينك تبات


أنت كل القصايد .. أنت صوت السكوت
_________ انت روح الحروف وغربتي والشتات


أنت سيلي .. وأنت الما وانا لك خبوت
_________ يعني أنت المطر .. ياغيمة الذكريات


أنت الأول .. وغيرك .. من بنى له بيوت؟؟
_________ أنت ماغـيرك أحد .. ساكنٍ الأمنيات ..!!




(49)



/
\
/
\



الأمنيات .. أحلام طير
___ والطـير .. مكـسور الجناح

الأمنيات .. أنك تصير
___ فارس .. وانا حولك رياح

واشم عطرك يا أمير
___ وألعن أبو جدّ الجراح ..!!

ونقابل جيوشٍ كثير
___ ونضحك على كثرالصياح

ماهمني كثر النفير
___ مادام حـضنك لي وشاح

دنياك ياروح المسير
___ أعذب من الماي القراح

الصبح بحضورك منير
___ وانته : تباشـير الصباح

أنت الأماني والخشير
___ يا نكهة الصبح المباح

الأول أنته .. والأخير
___ وجناح ماغيره جناح ..!!



(50)



/
\
/
\



جناح وقلم ..!

يعني : شوية حلم واحزان وألم ..!

يعني : حوادث روح .. تتساءل وتتكاثر خسايرها .. ولابيدي علمّ ..!!



يعني : تفاهة جرح .. يضحك لك وهو يضحك عليك ..!

يعني : مساء ونزف .. ماهو عزف لابلل يديك ..!

يعني : حزن ياكل حزن .. والدمع يبخل مايجيك ..!

يعني : احتراق وداخنة تشهق بها لحظه .. مع لحظه ..

وراح العمر .. وآآنا أحتريك ..!!



ياسيدي ..

ياسيد الحلم الأبي ..!

قلي لما هذا التعب ..؟

ليه الوطن أطراف حرف .. وداخلي في ملعبي ..!

ياسيدي ..

أرجوك قلّي وش تبي ..؟

ليه أنت قاسي ..؟

ليه تتمايل عنّا .. ؟

وانا العنّا .. عايث بمجدافي .. وشوقي مركبي ..!!!!!!!


(51)



/
\
/
\



مركبي في بحر حبك .. سقاه الحنين
________ وراح يطلب محيطك نبض ... ويشدّ نبض


أيييه .. ياما بذرنا هالمساحات : تين
________ وماحصدنا سوى الغربة .. على أي أرض


كل ماقلت هانت صاح صوت السنين
________ وين رايح ؟؟ خطوط الطول بالحب عرض


المحبة مـطرّ .. تعريف كسّر اليدين
________ وانت بالقلب سلطاني .. وللروح فرض ..!!



(52)


/
\
/
\



( فرض عين ) عيونك بعيني تطيح
___________ ولاملااا م ولا سلااام ولا لقاااااء


كان حلم وعلم .. ريشه وسط ريح
___________ طارت وطرّنا .. وضعنا بالسماااء


ماعرفت افرح بعينك .. كنت أصيح
___________ ليه ضحك الروح يحتاج الخفاااء ؟


ليه مااضمك .. وليه ابقى طريح ؟
___________ ليه نتسامى شتا وسط الشتااااء


ليه احبك موت .. واحيا بك جريح ؟
___________ ليه أعيشك روح قصدي أنتـ ماااء


مادريت انك قريت الما صحيح ...!!
___________ ونور عينك فيه : دعوة للبقااااء ...!!



(53)


/
\
/
\



البقاء يطوف باركان الغياب
______ والغياب .. يشدّ كتفي لـ السنين

ماعثرت إلا بجرحي والعتاب
______ ولا بكيت إلا .. وحولي غايبين

لاقريت الجاي حلّ الأغتراب
______ ومامضى يطحن رحاه العابرين

التفت حولي وحولي ألف باب
______ بسّ وش منها طريق الصابرين

الصداقة بالثمن والعذر طاب
______ والمحبة لولوه .. في بـحر طين

كم نشوف وكم نعدّي للصحاب
______ كم سكبنا طيب بالصدق الثمين

كم زرعنا وش حصدنا بالكتاب
______ من يجاوبني بصدق وله يمين ..

أني أبقى نور في نحر الضباب
______ واني اتفاءل .. بحب المعدمين

آآه يالدنيا شربتك .. بالصعاب
______ ولاجلست ..ولا نحرت الظالمين

عزتي أرضي وانا كلي سحاب
______ والمطر رحلة على كف الحنين

والمحبة قطرة الما عـ التراب
______ التراب اللي نسى صوت السنين ..!!


(54)



/
\
/
\



السنين ..!!
لا حساب .. ولا أنين ..!!
هي مجرد جرح حيّ ..
من يحاسبها ..؟؟
ومن يقدر يفاوضها على صوت الحنين ..!!


السنين ..!!
لا حياه بلا ثمين ..!!
لا مغارة صبر ..
لا معنى ..
ولا فوضى أمل بترد عابر من متاهات الونين ..!!


السنين ..!!
لاشمال ولا يمين ..!!
قاطرة من دمع ..
والسكة عراها وثق الخطوة .. نسى بالدرب حلم الساكنين ..!!


السنين ..!!
لاتعين ولا تلين ..!!
مطرقة من حلم ..
والمسمار نبض ..
وروحي القشرا خشب أبيض نساه العقرب الملعون في شارع حزين ..!!


السنين ..!!
لامواني وسط طين ..!!
والمدينة حبر ..
وضلوعي حرس .. والشوق ثاير كل حين ..!!


السنين ..!!
لاطليق ولا سجين ..!!
لا جسد حالم ..
وهو ظالم ..
وهذا الليل يشبه له ..
ويشبه ثورة الغيمة إذا مرت بروح العابرين ..!!!!!!


(55)



/
\
/
\



العابرين .. بعيني الوان والوان
_______ ولونك غريب وروحك أكثر غرابه


ماشفت قمرا لابسه ثوب الانسان
_______ غيرك ... وغيرك مـ جذبتني ثيابه


تروح عني وانت فيني لك اغصان
_______ والريح ماخلت لهـ الصدر غابه


صوتي سكونه صوت ضجه وحرمان
_______ وخطاي ملّت من هدير السحابه


لا طين يسمعني .. ولا رمل واوطان
_______ ياموطني ياروح روح اغترابه


جيت انظمك شوق ووله شي مابان
_______ جيتك وفا للعهد واقشع ضبابه


جيتك حنين .. وكل مافيني احضان
_______ جيتك سؤال ولا لقيت الإجابه


جيتك وجتني دمعتي جيش واحزان
_______ غصة ضمى والسيل ماصك بابه


لو طاوعتني دمعتي جيت جنحان
_______ واطير بك والغيث يروي صبابه


أدري بك أدري وأنت تدري ولاهان
_______ من يعذلك لو جمر حظه عذابه


بآغيب فيك وفيك ببني لك اوطان
_______ الحرّ مهما غاب حاضر غيابه ..!!


(56)



/
\
/
\



غيابه .. جنون وغطرفة جرح واوهام
________ غيابه .. حنين الدمع والدمع غايب



غيابه .. سؤال وطاح في عين الايام
________ يعني .. سؤال من الوله عاش ذايب



ليه الحنين يزورني .. قبل الاحلام ..؟؟؟؟
________ ليه (الحبيب) بـ عين خله (حبايب) ..؟؟؟؟؟؟؟؟؟



(57)




/
\
/
\



حبايب غصب ..
وانت بقلب وآنا بقلب ..!
لكن كيف علمني
أعيشك وانت عايشني
وروحك .. !! روحي وطيني ..
وطن غربه
وغربه عايشه غربه
مدينه تحترق فيني ..!!



دخيل الجرح والدمعة
بكيت ولا بقى دمعة
سألتك بالذي خالقك
تعال ولملم الشمعة ..!!
دخيل الليل وعيونك
هذيك اللي تسايرني
بخطواتي تحاصرني
وتسأل عنك
واسأل عنك
وينك ..؟؟
ليه تشقيني ..؟؟؟




حبيبي وين ترحالك ؟؟
مسافر وين ؟؟؟
غايب وين ؟؟؟
وين عيوني بعينك ..؟؟
يعني ويني ووينك ..؟؟
أدور في مراياتي
ولا ألقى بانكساراتي
حضن دافي
مطر غافي
وبيدك تمتمات القيد
وبيدك قسوتك .. لينك ..!!




كفاني موت
كفاني صوت
كفاني دمع ماهو دمع
غصة ظالمة واشواق
حنين ومحترق بفراق
وانته وين
وآنا وين
على نفس الطرق نموت
خطاوي مالها فرحه
وكلن ضايق بجرحه
وشوك الدرب علمني
يقول أنك
..... السيل
..... السيل
..... السيل
ألا يالعنبو هالليييييييييييل ...؟؟؟؟؟؟؟؟؟؟؟؟


(58)



/
\
/
\



الليل وسكون المرايا من الذات
_______ ماريّـحت بالك ... ولا ريّــحتني


أدري بطيشك مبتعد بالمسافات
_______ هو محتفل دايم .. وانا كلّ متني


إلى متى بسهر وبهديك نبضات؟؟
_______إلى متى والشمس ماصادفتني ..؟؟


إلى متى والنار تحرق بالاموات؟؟
_______إلى متى والما على شف حزني ..؟؟


قلي .. وأنا باقول مافات قد مات
_______ أزرق خيالك .. يطعنك لو طعـني


يابحر أنت البحر يكفيك حسرات
_______ شف ساحلك وينه .. ولا تمتحني


مليت أخاوي غربتك وانت بسكات
_______لاجيت في حضني ولا رحت عني


اليوم يوم الملح باهديك دمعات
_______ هي آخر كنوزك وهي جزء مني ..!


يعني دخيلك لاتجي سيف طعنات
_______ تعال مثل أول .. وإذا طحت شلني


الما لعينك هلّ .. يمطر ملذات
_______ (يهدونك الما) .. والسحايب تـغني


يا(سيل) هيا نرسم اليوم لمحات
_______ لمحة وداع .. وروح ما طاوعتني


باوادعك وابكيك .. بسكات بسكات
_______ الشمس منك وظلها لون حزني ..!!

أوراق ممطرة الجزء الخامس

(59)



/
\
/
\




حزني وتغريبي ... وشوقي والايام
_______ هي كل تفصيل المسافات .. ياروح



وإن وقفت مابيننا ... حزمة أحلام
_______ لابارك الله جرح ... ماينبت جروح



أنتي أنا .. والناس مجموعة أفلام
_______ والعرض ساري دام هالباب مفتوح ..!!


(60)


/
\
/
\



مفتوح صدري وصدرك ضيق ابوابه
_________ أنا السما وانت باب الروح في عيني


ذكراك غابة ... تعيش بداخل الغابه
_________ وانا على قيد شوقي .. صرت ناسيني


البحر بحرك ... ورملي وسع ثيابه
_________ والمدّ نبضك ... وجزرك ضيّع سنيني


حنيني أكبر وطن .. ماضيّع احبابه
_________ أشتقت لك حيل .. ياروحـي وتكويني


اشتقت لطيور قلب ..آطير باسرابه
_________ وآذوب في باب صـدرك وانت كاسيني


الحلم ياحلم .. منهو يقتل اسبابه
__________ ومن غير حرفي شربك وغص بيديني

(وحشتني ).. اصغر الأشواق بخطابه
_________ وش عاد بآقول ..لو مريت في عيني ..!!
(60)


/
\
/
\


عيني معك ..
وإلا معي ..؟
اللي أكيد ..
أنك أنا ..
وآنا بكل الناس من دونك ..
سؤالي :
من معي ..؟؟


(61)



/
\
/
\




معي دمعة وسرب أحلام ..
معي شمعة وليل اوهام ..
ولكن كيف ...؟؟
قلي كيف ..؟؟
أطفي شمعتي .. من دمعتي .. دام الدموع العاصية ملّت تعيش الإنهزام ..!


ياغصة السهران ..
ياصوت التعب ..
يكفي تعب ..
يكفي أسى ..
يكفي أعيش الغربة بغربة .. يموت بداخلي كل الحمام ..!


يكفي عنّا ..
يكفي جدار الحلم .. مسمار الزمن ..
يكفي أقفال الضيا حزن وظلام ..!

يكفي سؤال الصمت ..
والدنيا .. بعينك كلها زحمة أماني ذابلة .. صوت وكلاااام ..!!


يكفي تعب ..
يكفي تعب ..
يكفي تعب ......... ياروح روح السيل .. يكفينا حرااااااااام ..!!


(62)



/
\
/
\



حرام يذبل كل وردك وانا اشوف
_________ حرام ... يزهى نور غيرك بنورك


أشعلتني واهديتني دمع ملهوف
_________ قم هات عطفك من تفاصيل جورك


والله لولا الله .. لآشقق الجوف
_________ وتشوف قدرك في ثنايا قصورك


حنيني أكبر من تصاوير وحلوف
_________ حنيني أعـظم من جبالك وسورك


كل الأسامي وهم وتلال وعزوف
_________ ماهمني يابحر .. موجة غرورك


يعني بكل اخلاص ماشوف ماشوف
_________ غيرك ولا غيرك طفى بعض نورك


(63)



/
\
/
\




نورك صباح الروح ياروح الاحلام
_________ نورك ضياي وظلمة الصبح شوقي


جفت غصون البال ماجفت اقلام
_________ولاجفت امطاري .. ولاحت بروقي


أنا .. أنا ..كلي معك روح واقسام
_________ عطني أنا .. بعدين بطلب حقوقي


انته أنا .. يشهد لنا صوت الايام
_________ ويشهد لنا شوقٍ .. تفيا عروقي


ياروح روح السيل ماعاد ينلام
_________ صوت المطر لاضج داخل خفوقي


إما تعال وكسّر اصوات الاوهام
_________ والا بجيك .. وزحمتي عطر ذوقي ..!


(64)



/
\
/
\





ذوقي أنت ..

همي أنت ..

غربتي
فرحي
وحزني
وانكساري ..

دمعتي
شوقي
حنيني
وانصهاري ..

كلها أنت ..

وأنا ..!

صوت جرح ..
يموّل الذكرى ..
ويخنقه المسا ..
والصبح عاري ..!!


أيييه ياحمّى انشطاري ...
وينك انت ؟؟
ووين حلم عيونك ؟
وعيني مسافة موت
ملت من رجاوي المااااا
وعطر الرمل ..
والشوق الصحاري ..!!


آآآه ياكبر انتظاري ..
آآآه منك ..
ومن عبير الروح لارفرف جناحه
واحتوى كلي ..
وطار ..
:
:
وصارت الشهقة خياري ..!!


(65)



/
\
/
\




خياري واختياري .. أنت
________ وانت اجمل خياراتي


قريت ولا قريت الصمت
________ واستنتجت حسراتي


ليا شفتك كأني عشت
________ مرور اسمك حكاياتي


أحسك ديرتي لاضعت
________ وطن روحي ومرآتي


كأني بالخيال أبرمت
________ عقود الحب .. آهاتي


لقلبك من زمان احرمت
_________ بياضي صدق نياتي


غفيت بداخلي واقسمت
_________ أعيشك كل لحظاتي


أيا كل اختياري همت
_________ وانت ادرى بعلاتي


تعااال وبالخطا ماتبت
_________ عيونك .. كل زلاتي


تعال اشرب حنيني أنت
_________ أيا تغريبة اوقاتي ..!!


(66)



/
\
/
\


أوقاتي بدونك .. ضياعٍ وغربال
___________ لا شمس لا قمرا والاشواق ضيه


يخرب بيوت الشعر لاصار همال
___________ يسقي غلاك ويمطر ارواح حيه


وحشتني كثرك بجوفي ولازال
___________ شوقي سؤاله : وينها بس هيه


أشوفها فرحة ودمعة وتمثال
___________ وأشوفها : حــلمٍ سـقاني بـغيه


قلت المطايا حبر والروح تنهال
___________ حنيني أعظم من جبالٍ عصيه


الحلم ماوده على الموت ينحال
___________ ولاودي أرقا والمطر من خويه


السيل يسقي كل مامر عالبال
___________ في كل وادي .. له مزار و تحيه


من يمنع المجنون ينجن لاسال
___________ من يمطر الأشواق صبح وعشيه


أدري بك أدري والتفاصيل تنقال
___________ جيتي فرح .. جيتي عيونٍ قويه


جيتي صباح وجيتك عطر واهوال
___________ وقمت اجمع المنثور حب وهديه


هاك المعاني بين ورد وصلصال
___________ هيا اجمعيني دام بك صدق نيه


مهما يطول العمر باعيش رحال
___________ الحلم روح .. وهالقلم روح زيه


وش عاد أقول إلا (فديتك)... ولازال
___________ حلمي : ( سحابه ) تمطر ارواح حيه



(67)




/
\
/
\




حيه أمانينا ..

مابين : روح .. و.. روح

مابين : صمت جروح

مابين : لهفة حلم .. والموج والمينا ..!!




هذي خطاوينا ..

خطوة .. ورى خطوة

خطوة .. ولا خطوة

تجمع حروف اسمين ..

تسأل حبيبي وين : ... ضاعت اسامينا ..!!




أي الحروف أثمن ..!

حرف : احتواء الهمس

ولا احتواء الأمس

ولا حروف الجاي ..

والساكنين اقصاي ..

ولا أغانينا ...!!





منهو تعب فينا ..؟؟

منهو يدفينا ..؟

من يسأل اللي راح

من يبكي اللي راح

روح وجفاف أحلام

وامطار شوق .. وجرح : تبكي أمانينا ...!!!!


(68)




/
\
/
\





أمانينا ..!

سحايب ممطرة ..

واشواق ..

أغانينا ..!

وتر ذايب ..

وهمسه دافيه .. وعناق ..



ألا ياحزني الوراق ..

تعبت اشتاق ..

تعبت أغزل من الغربه وطن ..

وابني مدينة حلم ..

في درب احتواه الصمت ..

والخطوه على بالي قصيرة ...

والدروب فراق ..!




أفاااا يافتنة الإشراق ..!

سقيتيني ..

فنونك .. من جنونك

واختلف كوني ..

مع سلطة حنيني ..

واختنقت وضاااااااااق ..!




ألا يادمعة الأحداق ..

تعالي وانحري حزني ..

وسمي بسمتك .. غلطه

وقولي لي :

فديتك ياصباح العشق ..

ياروح انتظاري ..

واروع العشاق ..!!!



(69)




/
\
/
\



العشاق ..!

تعريف الولع .. والليل ..

ترتيب العنّا .. والويل ..

سهر غافي ..

نهر دافي ..

ودمعة تستغيث الحلم ..

تجي وتروح ..

وتطلع روح ..

وطاحت بالدروب الخيل ...!



وانا وسهيل ..

تعبنا .. والهدد بالحيل

تعبنا والعنّا للسيل ..

وبيدي حزمة الأشواق

وفرحة مارضت تشتاق

ودلّه عامرة بالروح

غناويها :

ألا ياهيل

أحبك حيل

أحبك خيل

تعال .. وكل مافيني

دموع وتستغيث الحلم

تجي وتروح ..

وتطلع روح ..

وطاحت بالدروب الخيل ...!


(70)



/
\
/
\





الخيل فستان المطر ... والتعاليل
__________ والبحر .. موت الملح بعيون الانسان



والنور .. تأثيث الفضا والمواويل
__________ والغي تكسير المساءات ... باحضان



يعني حضورك هو أهم التفاصيل
__________ يعني بدونك ... مابقى لي ولا اوطان



انت السفر .. وآنا خطاويك بالليل
__________ أنت الصباح اللي رحل بين الاغصان



انت أول المعنى .. وروح المقابيل
__________ أنت آخر الدنيا .. (بقلبي) .. ولك شان



تعال .. أضمك ( لحظه ) بدون تعليل
__________ تعال أبسقي خاطرك بعض الاشجان



تعال أسولف لك .. عن الخيل والسيل
__________ تعال ... الوّن غيثك .. الوان والوان



أنت اختياري وانت لي زهوة الخيل
__________ أنت الوطن دونك .. فقد روح الانسان


(71)


/
\
/
\



الانسان مجموعة بشر داخل انسان
__________ وانتي لحالك كل هـ الناس ياروح


مدري وش آسميك والأسم كسبان
__________ تدرين آبسميك ... مجنونة جروح


غيابك تمرسته على شوق واوطان
__________ لكن غيابي عنيّ .. اشلون مسموح


أقول لجل الله ... يكفيني ... أحزان
__________ فكّي مناديل الوله .. قبل ما آروح


شوفي حياتي كلها .. موت الالوان
__________ وانتي حياتك كل الالوان في لوح ...!



(72)



/
\
/
\



لوح .. والوان .. وقصور

تبت يدين البحور ..!

كيف للنجمات تسقط ..؟

والمجرة في عيوني .. كذبه وخدعة سطور ..!!



خذ من عطورك عطور ..

وابن مجدك

في شموخ الياس .. والدنيا تدور ..!



لاتثور ..!

أنتبه باقي شعور ..

وباقي بصوتي كدر ..

وباقي بليل الصباح .. اوجاع واشلاء وكسور ..!



آآآه ياكثر الغياب

وما أقلك يالحضور ..

آآآه لو تدري وتدري ..

كم عروق تموت لجلك .. ؟

وكم عروق تعيش حلم .. وتسقي الميت شعور ..!!



(73)




/
\
/
\




شعور غير ..!

احساس طير ..!

كل الثواني حالمه والصبح خير ..!



وحشتني والليل غير ..!

وحشتني نفسي أطير ..!

كل الحروف تقول لك ..

وحشتني والله كثير ..!



(74)




/
\
/
\




كثير اشياء من بعد التعب ما صارت اشيائي
_________________ حروفي قبل خوفي ... والغياب المرّ والسكرّ



تعبت اتعب .. واقول الحلم يمكن يفتكر يائي
_________________ مدام أن الألف ضاعت .. بوادي غربة العنبر



ألا ما اصعب جنون الشوق تبعثر خيله اشلائي
_________________ ألا ما اكبر غيابك .. والبشر بانفاسهم أصغر



(75)





/
\
/
\




أصغر ذنوبك غرامي .. واكبر ذنوبي غلاك
_____________ واكثر ايامي عيونك ... وانت ماتقرا العيون


كل عام وكل ليلة .... احتفل واذكر شقااك
_____________ و ( الخبر نفس الخبر ) .. يا تكون او ماتكون


يعني بربك وربي .. من نسى غيرك وجاك
_____________ من تولع يوم ولع .... من سقى ذيك الغصون


انت ( حلم ) وحلم صاحي أحتفل دايم معاك
_____________ لا لـفيت .. ولا وفـيت .. وجملة اعذارك فنون


غالي وغالي وغالي .. تدري آدور رضاك
_____________ وتدري انك لو تسافر .. جيت لك كلي شجون


الجنون انك تغيب .. وتسقي عيوني سماك
_____________ وكل عاقل لو سقيته ... حلمه يصير الجنون ..!



(76)



/
\
/
\




الجنون : عيون .. وعيونك وطن
______________ والوطن من غير عينك وش يكون


لا شوارع .. لا أماني .. لا سكن
______________ لاحياة ... ولا ممات ... ولا طعون


انت بلحالك ..... زمن داخل زمن
______________ كيف عمري ينحسب لو يحسبون


أنت لحظة حلم في لحظة شجن
______________ والتزامن .. يعطي اللحظة عيون


لو تغيب العمر ... باهديك الثمن
______________ الثمن : باسـمك خلاااايا ينبضون


يسهرونك.. يرسمونك لي وطن
______________ ولا وطن دونك .. ولا غيرك يمون




(77)




/
\
/
\



يمون عذرك عام ياسيد الاحباب
______________من بعدها بسألك وين انت غايب ..؟


فتحت شباك الوله .. بعد الابواب
______________ و لا لفاني منك ... غـير : الهبايب


غيمة غلاك يزفها .. عطر الاغراب
______________ والشوق يجرح مابقى من سحايب


ذاب الـحديد لـ غيبتك : حبر وكتاب
______________ والقلب ..! لاتسأل عنه .. فيك ذايب


كل الحكايه اشتقت لك دون الاحباب
________________ يفداك كلّي ... يا أعزّ الحبايب ..!!




(78)





/
\
/
\





الحبايب وش كثر ..

بس أنت غير ..!

أنت نجمة حب ..

تتمادى أمل بجناح طير ..!

أنت ديوان الحقيقة ..

والحروف النور ..

وعيونك صباح الغربة الغافي ولّه .. والصبح خير ..!

هات بعضك ..

واشعل الباقي ...

من احضان الغريب المتعب المكسور ..

في وادي حنينه يشتعل برد وهجير ..!


آآآآه ياكبرك بصدري ..

وانت تدري ..

عن عيون الليل ...

وش تخفي من اشيائي .. ومن همس العبير ..!

آآآه ياكثرك بنبضي ..

وأنت أرضي ..

والسما ثوبي ..

وعطر الغيم ..

هو أول جروحي .. وانت ياروحي الأخير ..!

أوراق ممطرة الجزء السادس

(79)




/
\
/
\





الأخـير من العروق : أنبت غلاك
_________ واول عروقي : يسميك الحبيب


والطعون : بصحبتك صارت ملاك
_________ والجروح بدون جرحك ماتطيب


الغريب .. أن البحر يشبه عناك
__________ والمواني .. ماتضم إلا الغريب


ضمني بوصل لـ سدرة منتهاك
__________ لمّـني بـ انفاس كونك يارحيب


لو تغيب العمر .. ماغبت بسماك

_________ وانت بعيوني عيون .. وما تغيب



(80)




/
\
/
\




تغيب شمس ... ويحتفل حبر وكتاب
____________ يغيب صوت ... ويحتفل صمت ظلي



واقف على غيمة مسا ناطر احباب
____________ امطر غلا .. وانا الضمى في محلي



آدور بين الأسئلة ... واسأل اسراب
____________ هو ليه أنا ذايب ..؟ ولا ذاب خلي ؟



ليه الغياب .. يسلّم الروح لـ غياب ؟
____________ ليه المسا يسكر من عذوق غلي ؟



ليه المسافة سارقه همس الاهداب ؟
____________ ليه العطر مافاح ؟ ليه انت قلي ؟



تعبت اصبّر في حنيني .. ولا تاب
____________ تعبت حـرب الليل ... واتعبت كلي



بالله من لي لـ امطر الشوق بغياب
____________ أسأل ولا رديت ..! بالله من لي ..؟؟؟؟



(81)





/
\
/
\





من لي إذا غنى الحمام ..؟

ومن لك إذا رفرف حنينك ..

واستفاق الحلم بعيونك ونام ..؟



ياسيد الفتنة ..

وياروح الهيام ..

مالهذا الكون لون ..

ولا لترتيبه أمل ..

في زحمة الفارغ من أكواب الصيام ..!



خذ من تراتيلي غمام ..

وهات بعضك في غدير الليل ..

يمكن ..

رحلة الما في ضلوعك ..

تهدي التاريخ ميلاده .. ويهديك السلام ..!



يا أمير الحلم ..

ياحلم وظلام ..

كل ماحولي بدونك ..

همس ظلم ..

وتمتة ظلما .. يبادلها السهر .. صوت وخصام ..!



وكل ماحولك بدوني ..

زمجرة ريح .. وأماني

مالها أول

وآخرها أنا ..

لامن سقيتك قطرة اوجاعي .. وترتيب الكلام ..!



(82)




/
\
/
\




الكلام حصان قلب .. وفارسك ماخانك
______________ والفروسية بـ عيني .. ترتوي بك كلك



مابقول اني غريب ودمعتي باوطانك
______________ ولا بقول أني شهقتك .. والحياه بظلك



انت تاج العمر يعني ملكي بأحضانك
______________ وكل هـ الألماس غربه كثرها في قلك



مابقى للحزن حزن .. وكلها احزانك
______________ ليه كيف تموت فيني وانت حي بخلك ..!!



(83)



/
\
/
\




خلك أنا .. وانته أنا .. وين رايح
__________ كل الأراضي .. قالت أني لك اوطان



مهما تغيب .. العطر بالحيل فايح
__________ وش عاد لامن جيت والعطر هيمان



طاح الحطب والعمر بيديك طايح
__________ شوق المطر والليل رحمه وشيطان



إن جيتني بآجيك وان رحت رايح
__________ يكفيني ..ان الروح لـ الروح عنوان...!



(84)





/
\
/
\




عنوان صدري في ضلوعك مكانه
_____________ مهما تغيب ..تغيب فيني وترتاح



أموت واحيا شوق راكب حصانه
_____________ لا من عدا ماتسبقه كل الأرواح



هو حيلتي لامن حفظت الأمانه
_____________ هو دنيتي لا من تماديت بجراح



غلاك يكبر .. والبقا في حنانه
_____________ مامرّ يوم إلا نثر عطر ورياح ..!



(85)





/
\
/
\






رياااااح وقلم..!




ياروووووح يكفيني ألم ..!




(86)




/
\
/
\




ألم حلم وأمل حيرة

.............. وغربة تسرق الأنسان

........................... وما بين الأمل والحلم

.............................................. ملتني عناويني


وحشتي كل مافيني

................وضاقت بالعيون اوطان

............................ يكفيني أقول اليوووووم :

.................................. ( ياروووووووووووحي وحشتيييييييييييني ) ...!



(87)



/
\
/
\



وحشتيني وصوتي ماله إيدين
_______ وحشتيني وحضنك من يدله ..؟



وحشتيني كثر ما انتي تعانين
_______ وحشتيني كثر هـ الموت كله



وحشتيني .. وانا كلي ميادين
_______ وحشتيني وحرب الشوق عله



وحشتيني وعينك تسكن العين
_______ وحشتيني وصدرك صــاح فله



وحشتيني وتفاحك عناوين
_______ وحشتيني ... وبستانك يحله



وحشتيني وطيني ملّ تلوين
_______ وحشتيني مطر .. والغيم هله



وحشتيني بربك لا تغيبين ..
_______ وحشتيني وانا مشتاق والله ..!



(88)



/
\
/
\



(والله أنك غير كل الناس والله)
__________ والله انك بحرّ .. والأزرق حنـين


المطر .. واشواق قلبٍ ناح كله
__________ هي شهادة غربتي طول السنين


الغياب الموت .. وعيوني تدله
__________ والليالي دمع .. باحضان الحزين


الزمن كافر .. وخل يموت خله
__________ والهوى يسأل .. عيون العابرين


ليه عطر الليل .. حارس للمذله
__________ ليه هالدنيا قيود .. وصمت عين


أسأليني كيف هالغربة مملة
__________ أسأليني ... كم نموت وصابرين


الجواب غروب عطر وفاح ظله
__________ والسؤال يموت قهر ... ولا تجين


الغريب .. ان السنين تمرّ عجله
__________ والغريب الشوق عايش بالسنين ...!



(89)




/
\
/
\




السنين أكتاف ..

والمنفى فقر ..!

والحقايق غيم هلّ ..

ولايطلّ ..

غير غصة جوع .. والحلم المطر ..!


ياسنابل من دموع ..

ياضيا الخافق ..

وياموت النهر ..!

يا أماني ذابلة حزن وقهر ..!

ليه للما تبتدي خطوة .. ونرجع للظما ألفين خطوة في سطر ..!


علميني .. فهميني ..!

وش ورى سن الغياب وبسمته ..؟

وش بعد بعد البعاد وننتظر ..!

ليه حنّا ماحلبنا الغيم

تاريخ وزهر ..!


ليه حنّا فاتنين الذنب

والأرواح بيدين الرياح العابرة ..

تسأل عن أيام وأغاني ..

والأماني ...

في جبين الليل ترسم لوحة اشوااااااق وسفر ..!


ليه حنّا .. وين كنّا

وكل هالدنيا دروب ..

وضجة الغربة بميزان المدينة تحتفل :

قيد .. وقدر ..!


(90)





/
\
/
\




قدر ..!

كانت الصدفة قدر ..!

وعاشت الصفعة قدر ..!

ويا محاسن هـ الصدف ..

جمرتين وكلمتين ..

وصمت .. واحلام .. وتلف ..!


كل يوم آعيد يوم ..

والألم صوت السعف ..

والنخيل شموخ حلم

ولا محا .. سنّ الأسف

غير بسمة من ضياع

تسكن الريح

وأساها

تمتمة حزن وقرف ..!



ماوحشتيني ..

كذبت ..!

ماوحشني غير روح

سارقة عين الثواني

تحترق فيني وفيني

عقرب عيوني حلف ..

ما أمرّ الشوق ليله

وهي على باب الغياب

تسقي الغربة بغربة ..

ولا على الفرقا أسف ..!


(91)




/
\
/
\




أسف واعذار ملتمّه
________ رماد الذاكره بالكوم


تطاير بالفضا همّه
________ وطاحت بالرماد عزوم


و لا دمعه بقت يمّه ...
________ ولا باقي أمل وغيوم


غرابة وقتنا .. سمّه
________ وعذب اوقاتنا مهزوم


وذمّه .. سارقه ذمّه
________ محال الحال ليه يدوم


يسمون الزمن قسمه
________ يسمون الصبر مقسوم


أسامينا ورق وأسمه
________ ( خيانة ) يازمان اليوم ...!



(92)





/
\
/
\




اليوم .. ذاب المرّ بـ شفاه الأحلام
____________ والحزن .. ملّ يداعب الياس فيني



كنّ المدينة درب .. والناس الاقدام
____________ وآنا الجدار .. اللي لمح همّ طيني



وحدي على باب السنه أشرب ايام
____________ واستنزف التاريخ .. في راحتيني



من كف غربة .. أضرب بكف الاقلام
____________ والصوت .. ماحوله صدى يحتويني



أسقي غرام الحلم من عام في عام
____________ واشرب عبير الموت والحبر عيني



مالي وطن غيري ولو عشت منضام
____________ ملعون أبو ذاك الوطن مات فيني ..!



(93)





/
\
/
\





فيني تعب ..

فيني تصيح جروحي ..

ودي اقلك روحي ..

بس من يصبرني عليّ ..

وانتي وحشتيييييييييييييي رووووحي ...!



(94)





/
\
/
\




روحي ..

وتفاح المطر .. تسأل عليك ..!

كل الأغاني وابتهالات السما ... برق ورعد .. تسأل عليك ..!


كل ابتسام الغربة القشرا ..

وجوف الجوف واحلام المسا .. تسأل عليك ..!


وآنا ..

خطاوي حلم تتهجا حياة الدرب ...

والموت الغبي يسأل عن عيوني .. ويسألني عليك ..!



(95)


/
\
/
\




عليك طبعة روح ... والروح مأموره
_____________ ماهو بكيف الليل .. ياخذك عن عيني



الليل ظالم حيل .. والشمس مقهوره
_____________ والصبح ماهو صبح .. لاضعت بيديني



مهما ومهما صار .. مامثلك اسطوره
_____________ غيمة وحلم ونار ... تشهق وتشقيني



فيك التوازن شوق .. بعروق منثوره
_____________ وفيك اختلال الدمع .. وانفاس تبكيني



ضميت سرّ الدمع .. باهداب مكسوره
_____________ وشديت أزر الملح .... ياسكر سنيني



بسقيك غيم الحال .. واالحال ممطوره
_____________ والسيل موت وموت .. يسألك تسقيني



مهما سقيت البال .. جفاف هالصوره
_____________ والله أحبك حيل ... ( والله ترضيني ) ...........!



(96)





/
\
/
\





ترضيني الدمعة وتشتاقني
___________ والليل يغصبها.. ولا لمّها



على الورق تختال وتلمني
___________ واتحلف الأحزان وآشمها



الحرف يسرقني ولا همني
___________ ليلة بـ ليلة .. ياثقل دمها



غريب روح ولاوطن ضمني
___________ ماباقي إلا دمعة آضمها...!



(97)




/
\
/
\




آضمها بعيوني ..

وهي بعيوني ..

أجامل هالشعر فيها ..

وهي أكبر من اشعاري ..

ومن حمّى الحروف .. وتشتعل بجنوني ..!



آآآه يابركان باب الصمت بين ظنوني ..

آآآه من جورك ..

وجور الريح ..

لاطافت على أطرافك بصدري ..

تساومني تحايلني ..

أدوّر للسما مفتاح يسأل جرحها بحصوني ..!



آآآه يابستان روعتها سرقت غبوني ..

وانطفيت بأرضها ..

سامر وآسامر ..

شمعة الأحساس وحدي ..

واستحيل انفاس غربة..

وتستحيل انفاس غربة ..

وردةٍ تذبل .. وشوك اشواقها بجفوني ..!



98)




/
\
/
\




بـ جفوني عيون الكلام وصمتها بعيوني
_________________ ومابين عين وعين غربة ظالمة واتأمل



الليل واشواق الغريب ودمعتي وظنوني
_________________ والناس واسرار الحياة ولا كفن يتجمل



الذكريات ومرَها تسأل حنان غصوني
_________________ والريح بـ غصوني تسائل لامتى تتحمل



جاوبت كل الأسئلة بـ سؤال ليه تجوني
_________________خلوني بـ حضن الغياب آضمها واتزمل



من دونها الدنيا كلام وهي أكيد بدوني
_________________ دمعة غريب يموت حي بلاوطن : يتأمل ..!



(99)





/
\
/
\




يتامل الشريان ماضي يشتعل بالصدر شوق
_______________ مابين تأثيث الرماد وبين صمت الياسمين



ياروح روح المنتظر ماعاد بعروقي عروق
_______________ كل الأماني غايبه وانتي بعيني الف عين



اشتقت لك واللي عطا هالروح زفرات البروق
_______________ ماعاد يرضيني وصل لو تزعلين وتزعلين



الشوق من كبرك معه ماهمه اصناف وفروق
_______________ همه يسميه العقل : مجنون روح الغايبين

أوراق ممطرة الجزء السابع

(100)


.
.


.



الغايبيـن و رحلـة الـحـرف و الــروح
( 100 ) تعب مدري تفاصيل شوقـي
الصبـح جـرح وباقـي الليـل مـجـروح
وفـي كـل يـوم رمـاح يـا كـثـر عـوقـي
بكـتـب قصـيـدي ســمَ وآعــلَ وآنــوح
لــو مــا كتبـتـه طــاح هالـكـون فـوقـي
وش حيـلـة الـمـا لاتسـامـى بــلا فــوح
وش حيلتـي وآنـا الضمـا فـي عروقـي
هنيـت روحـي بالسفـر داخــل الـبـوح
وملـيـت روح مسـافـرة فــي طـروقـي
نسـأل علينـا ويـن ؟ والعـمـر بـيـروح
دورت فيـنـي واحـتـرق بــي خـفـوقـي
فــاح الـرمـاد بخـاطـر كـتـاب مفـتـوح
والريـح سـالـت قـبـل مـحـيـا شـروقـي
(100) تعب مدري وله تسكن الروح
وآنـا لحالـي مـرمـر البـعـد شـوقـي ..!




(101)






/
\
/
\




شوقي وتفاحك ..

سكينهم بيدك ..

وغيمة على الشباك ..

تسأل وتتمنى

همسك وتغريدك ..!



وأحيا بترديدك

لاوين حنا وين

والغايبين اثنين

عطرك مع جيدك ..!



ياهمسة عيوني

مليت تجريدك

وينك تعبت آقول

فينا منافينا

ودي ألم الكون

وأسهر مع قيدك ..!



(102)


.
.

.










.
.

.





(103)




.
.


.







أسامينا ..!

كتبناها بـ صباح أزرق ..

ولا ورَق ..!

من كفوف الشجر طارت أماني وابتعد عصفور ..!



سألني ..


لا متى هذي السما فيها شوارعنا ..

وفيها نحتفل وندور ..!



سألني ..

ياعبدالله ..

متى هذي العيون تمون ..!

متى عيوني على باب السحاب تعيد موال الأماني تحرق الدستور ..!




سألني ..

سألني ..




سكتَ ..!

دقيقة ثانية مدري ..!

ولكن الثواني في حسابات السما ياصاحبي بشهور ..!




ومااال الليل ..

وصبَ الصمت ملحه واحتياله والجروح تثور ..!


أيا روح النهار

وبسمة التاريخ في عيني ..

تعبت أسقي مواويل الغلا فنجال صبر وتمتمة مقهور ..!



ندور ندور ..

ولا ندري متى حنَا ظلمنا بعضنا

أو هو ظلمنا هـ الزمن

واعطى مفاتيح الهنا للريح

وحنَا نطيح

بدمعة شوق

ودوامه من النبض العفيف المترف المجبور ..!



متى ياطير ؟

أجاوب هالتساؤل واجمع المنثور ..!



ألا ياطير ..

سؤالك يحرق الباقي .. من اوراقي

واصير بهـ السما قطرة مطر

مامرَت عيونه ولا هي اللي سقت هالبور ..!



أيا طيري ..

دريت ولا درى غيري

دريت ان الغريب يعيش عمره بين أوراقه

ولا هو اللي نسى بعضه

وبعضه في ثنايا صبحها مبتور ..!



أيا طيري ..

دخيلك لاتساءل كيف نتحنا ولَه

ونموت مثل الشمع

ندفن دمع

ونسافر على بيض النوايا والحنايا نور ..!



(104)




.
.


.



نور شوقي داخل اوراقي دليل
__________ وأنتي أعرف من أكون ومن أنا


كل هذا الكون بعيوني يميل
___________ واعتدل بك لاطرا شـوقي عنا


مادريت أن العشق كفه بخيل
___________ لين جاورت الشقا صمت وفنا


أسرقيني من عناقيد المسيل
___________ واحضـنيني بين طـيات الهنا


كل مابيدك خيول ابلا صهيل
___________ وكل مابيدي عطيته يا أنا ..........!




(105)






.
.


.







أنا .. !




أنا زحمة غياب وصدري المينا مع الأوطان
_____________ أنا كل انكسار النور.. مابيني و مابيني




أنا همس المطر واكثر أنا أنته بلا عنوان
_____________ انا صمت السحاب وكل ما تمطر تبكيني




أنا كلك وكل الكون بـ يدك لوَن الألوان
_____________ أنا روح السما وأنته صباحاتي وتكويني



(106)






.
.


.







تكويني الغربة ويكويني الشوق
__________ ياغايبه عني تعبت أحتملني ...!





(107)





.
.


.






احتملني ..


واحتمل موت الثواني في عروقي ..


وأنت وين ..؟



لاعطيت الما حقوق ......

..... ولا شربت من الأنين ..!


ولا سقيت من العطش بعضي


وانا كلي

مسافة جرح مصلوبه على باب السنين ..!


يخرب بيوتك يالحنين ..!


يخرب بيوتك يالحنين ..!


يخرب بيوتك يالحنين ..!



(108)








.
.


.






الحنين الما وذكراك اللهب
_________ واشتياقي ليل وعيونك صباح


البحر ظالم وصدري للتعب
_________ والمواني حلم ودروبي جراح



الأصابع باب والريح الغضب
_________ والأماني طير ورضاك الجناح



المطر ماهو حروف وتنكتب
_________ المطر روحه تـمادت بالكفاح



برق ورعوده تزم ولا عجب
_________ ســيل جارف ماتوقفه الرياح



في عيونك هالصباح المنتصب
_________ لا تقـولين العـمر ماراح راح



المحبة شمس روح بلا سبب
_________ ياصباح الخير ياخير الصباح .........!




(109)



.
.

.




الصباح بدون عطرك وش يكون
_________ تمتمة مجنون والزحمة سما..


دمعتي جفت وباضلاعي مزون
_________ تمطر اوراقي وتسألني لما ..؟


ليه تتمادى ولَه غي و شجون
_________ ليه تحلم ..حلم ميت .. ربما ..!


قلت للحيرة ولـ اشباه الظنون
_________ حلمي أكبر من مسافة ربـ مااا


حلمي أدفا في زمن كله طعون
_________ دام برد العمر بـ عـيوني عما


كم نعيش وكم نموت بهالدخون
_________ كم شربنا صبر واعيتنا الدما؟


كم تمايلنا ظلام بــ هالعيون
_________ وكم تصفحنا مواعيد الظما..؟


جف كوني في غيابك ياحنون
_________ وما تجف الروح وطموحي نما


بنتظر نورك على أرض الجنون
_________ واطفي الليل المعتق لـ ارتما


انت تدري انك بـ هالكون كون
_________ وانت تدري كيف صار الـ أنت مااااا ....!



(110)




.
.

.



أنت ماااء


وأنت نااار


أنت فوح الغربة القشرا على كف النهار ..!


أنت لجلك سمَوا العشاق وقفتهم على باب الأماني ( إنتظار ) ..!


أنت صوت بدون صوت ..

أنت صمت العازفين الذابلين بقطعة الثلج الحزينة وسط نااار ..!


أنت موت الموت ..

وغيابك غرق عاشق على أمره .. ويتنفس مداك الأزرق الساحر ويتلحف بحار ..!


أنت فوضى شمس ..

وحضورك يرتب مابقى من ليل متعثر بتلويع الستاير .. والستاير غافية فيني ولَه ... حمَى حصار ..!


يا أمير الناس ..

ياروحي

تعبت

وفاح

من عيني

أمل

مدري

ألم

مدري

غرابة موت

أو

زحمة سفر بين الغبار ...!




(110)






.
.


.







الغبار اللي مع الخطوة سرى
_____________ يسألك وين المطر وين الوعود ؟


كلما ماناظرت بالدنيا ورى
______________ قلت في نفسي تعبت من الصمود


أيه أحبك كثر ما ليلي ذرى
______________ همسك المجنون بـعيون الوجود


المـطر عمره تبلل بـ الثرى
_______________ يوم صـدري منك مـتبلل ورود


ماطرا غيرك بقلبي ماطرا
_______________ أنتي أعظم من تفاصيل الوجود


لو تغيبين العمر عمري قرا
_______________ الغياب يغيب لو طال الصدود ..!



(111)





.
.


.






الصدود ..!

حكاية أطراف المدى لاغبت فيك ..!




يعني كل الوقت

يسبقني إليك ..!




يعني كل الكون

متلهف يجيك ..!





باختصار


أنت أنا ..

وكل ما أدوَر عليَ آضيع فيك ..!







باختصار أكثر ..


أ

ح

ب

ك


موت موت ... وكل مافيني يبيك ..!





باختصار أكثر وأكثر


وش تبي بعد اعترافي ..؟


ياتعااااال آعيش بك

أو

روح في دنياك ..

بس تكفى تطمني عليك ......!



(112)






.
.


.








عليك أسم الله عليك ..

جيتي بوقتك ..

ورحتي بليا وقت ..

وآنا في مواويل الأمل ألمس يديك ..!




تدرين وش كبرك بروحي ..

وتعرفين أنك أنا

وتشعرين بكل ما أبني من أحلام الصبا ..

.. والعمر يهدمني ويتمايل يبيك ..!





صدقيني

كل ماشفتي أقل من الحقيقة

والحقايق كلها أصغر من اللي في ثنايا الروح ..

... يتحرى يجيك ..!





صدقيني ..

مابقى باقي من عروقي .. رهين الصمت

كلهم في حفل موووت

يبادلون الهمَ فنجال الأسى ..

... والكل منهم يرتجيك ..!








.
.


.
(113)






.
.

.





يرتجيك الصبر وتموت الثواني
يحتريك الحلم .. ويزف الحنين


لو سرقت من المدينة ما أعاني
مابقى لـ الناس صوت ولا أنين


يسرقوني دام أنا كلي مواني ..
وابتسم لـ الما ويتهامل حزين..


يفرحون بقطرة الما من لساني..
يكتبون الغي والصدر الأمين..


هي كذا ياصغرها : دنيا أماني..
تستفز الليل .. وتشب الثمين..


ماعلى الدنيا ملامه لو حداني..
شوقي الأغبر.. وترتيل الونين..


بازرع الحنطة على غفلة زماني..
والحصاد الغير والزحمة سنين ..


ماخبرت أني أجي بالعمر ثاني..
 ولاخبرت الوحل ينبت ياسمين..


دمعة الما تكفر بغي السواني..
ودمعة التاريخ .. مافلت جبين..


الوجيه السود مازاحت مكاني..
دام حلمي ظل والأغصان تين..


علميهم ياعيوني من شراني..
علميهم كيف متنا صابرين..


السما مفتاح والزحمة أغاني..
 والبقا أرواح واللحن الحنين..



(114)







.
.

.







الحنين ..!


انحسار الوجد ..

خلف ستارتين من الألم ..

واقف وراها بعض حلم وبعض تين ..!




الحنين ..!

إرتعاش عروق ..

قبل يفوق ياس ..

يبدل الحاله بسين يجر سين ..!




الحنين ..!

لخبطة أنفاس ..

في لحظة تسامي..

بين ورد الروح واشواك الغيوم ..

بـ صدر بستان الحزين ..!





الحنين ..!

غصة الأشواق في كاس الأمل ..

عند إنثيال الذكريات الصامدة في وسط عين ..!




الحنين ..!

لعنة الحب الوحيدة ..

لاذكرت أنك وحيد ..

ودمعة الشوق .. انتظارك في وجيه العابرين ..!






الحنين ..!

اختناق الدمع بين حزام غربة ..

يربط الأحلام بـ ايدينه ..

وعينك واقفة تلمح مشاوير السنين ..!






الحنين ..!

إنحسار وإرتعاش ولخبطة ..

غصة ولعنة واختناق ...

ولملمة أشلاء في ركن السما ..

لامن تساءل دفتر الأضلاع ..

ليه تموت بدري .. ؟

ليه بـ اشواقك تعيش ..

ولـ جل ميييين ..!



(115)




.
.

.




مين يسهر مين بعيون الجفاف
_________ من يعيش الموت بكفوف المطر


الضيا يســأل وعمره مايخاف
_________ من ظلام الظلم أو طول السفر


السحاب اللي يمر .. بلا ضفاف
_________ ماملا عيني .. ولا عين العمر


أنتي الباقي ولا باقي اعتراف
_________ احضنيني قبل ماموت انتظر ..!





.(116)




.
.

.




أنتظر موتي ولاحولي شموع
__________ العروق الشمع والضوَ الرحيل


كل ليله اشعر بطعم الخضوع
__________ وانحني للدمع واطراف المسيل


عين صدري خاينه كل الضلوع
__________ تهتف بـ موتي صهيل بـلا صهيل


غصة المخنوق موت بلا جموع
__________ لا وداع .. ولا حـياه .. ولا دليل


لامعاني .. لاسمو .. ولا رجوع
__________ لا أماني .. لا ممات .. ولاسبيل


شققوا ثوبي وظهري له طبوع
__________ مايساومهم على ثوب العليل


انشطار الأنشطار اصعب دموع
__________ مافرق بالموت تجريح القتيل


يكفي ان الحال يشبه للشموع
__________ يكفي ان الشمع معناه الرحيل





(117)




.
.

.




الرحيل ..

رحلة الما بين عين النبض والموت البخيل ..



الرحيل ..

تمتمة أنفاس بين اركان صالات الغياب وبين تعريف العليل ..




الرحيل ..

وادي الغربة على حرَ اشتياقه مايسيل ..




الرحيل..

هو أنا بـ كل اختياري

وانت ياروحي الدليل ..!





.
.

.
(118)





.
.

.






الدليل اني أعيش ولا أعيش
_______ انشطاري بين جمر الأسئله



المطر مجنون بس مابلَ ريش
_______ وادي اشواقي سيول محوله



طاحنتني معركه من غير جيش
_______ والهزيمه في عروق تزمله



يحتمي بي يوم رمحه مايطيش
_______ واحتمي به والغياب يموله



وانثني غربه وليش تجرَ ليش
_______ والعمر مايوم وقف يسأله



من تمادى من يموت ومن يعيش
_______ من تثنى بين جمر الأسئله



(120)





.
.

.






الأسئلة .. طعنة المجروح
______ والأجوبة .. حلم بـ غيابك


تعالي أهديك شمس البوح
______ واغزل لك الغيم باهدابك


لك السما وانثيال الروح
______ لك المسافات تهنا بك


قصرك تعلا وانا مفضوح
______ عليت حلمي من اسبابك


البحر لك وانعتاق الضوح
______ والبر .. فرحان بزهابك


صدرك مدينة أمل وطموح
______ آموت وأذوب باحزابك


مشيتك فيها ضيا مشروخ
______ يامن يلمَه عـن ثـيابك


ياساحرة بابك المفتوح
______ يابارعة وينها ابوابك


طيري وتر صوتك المبحوح
______ والأغنية حلم باسرابك


طعنتك مافارقت مذبوح
______ والدمع مافارق احبابك


تعالي اليوم قبل الروح
______ ماتلبس غياب بغيابك